https://sputnik.az/20240807/azerbaycanda-dollara-telebat-niye-keskin-artib---novbeti-aylarda-ne-gozlenilir-466514604.html

Azərbaycanda dollara tələbat niyə kəskin artıb - Növbəti aylarda nə gözlənilir?

Azərbaycanda dollara tələbat niyə kəskin artıb - Növbəti aylarda nə gözlənilir?

Sputnik Azərbaycan

Ekspert deyib ki, dövlət həm Qarabağ və Şərqi Zəngəzurun bərpasına, həm də COP29 ilə bağlı layihələrə, tikintiyə ciddi investisiyalar qoyur və bərpa etmədə... 07.08.2024, Sputnik Azərbaycan

2024-08-07T10:27+0400

2024-08-07T10:27+0400

2024-08-07T10:27+0400

dollar

iqtisadiyyat

manat

məzənnə

usd/azn rəsmi məzənnəsi

azn

mərkəzi bank

mərkəzi bank

tələbat

azərbaycan

https://cdnn1.img.sputnik.az/img/40399/50/403995039_0:73:2001:1198_1920x0_80_0_0_474fbf392628b72d9f7a048cbdcbf856.jpg

BAKI, 7 avqust — Sputnik. Bu il Azərbaycanda dollara tələbat kəskin artıb. Mərkəzi Bankın məlumatına əsasən, 2024-cü ilin yanvar-iyul aylarında Azərbaycan Mərkəzi Bankında keçirilən valyuta hərraclarında 4,1 milyard dollar məbləğində satış olub. Bu, keçən ilin eyni dövrü ilə müqayisədə 2,3 dəfə çoxdur. Təkcə bu ilin iyul ayında valyuta satışının məbləği 597,1 milyon dollar təşkil edib. Bu isə ötən ilin iyul ayı ilə müqayisədə 2,2 dəfə çox deməkdir. Bəs, maraqlıdır bu il Azərbaycanda dollara tələbat niyə artıb? Növbəti aylarda dollara tələbat daha da yüksələ bilərmi? Məsələ ilə bağlı iqtisadçı-ekspert Xalid Kərimli Sputnik Azərbaycan-a deyib ki, ölkəmizdə dollara tələbatın artmasının əsas səbəbi məhz dövlət büdcəsində investisiya xərcləri ilə bağlıdır:"İdxalın artması dollara tələbatı artırır" Ekspert qeyd edib ki, digər tərəfdən, pandemiyanın təsirləri aradan qalxdıqca işgüzar aktivlik də artır:"Bu il ölkədə iqtisadi artım ötən illə müqayisədə daha çoxdur. İqtisadi aktivlik idxalın artmasına gətirib çıxardır. İdxalın artması da dollara tələbatı artırır. Bundan başqa, dövlət borclarını qaytarır, ödənişlər həyata keçirir. Maliyyə istiqamətində də axın var". "Növbəti aylarda dollara tələbatın kəskin artacağı gözlənilmir" Ekspert növbəti aylarda ölkədə dollara tələbatın kəskin artacağını gözləmir:"Çünki dünyada enerji qiymətlərinin yüksək səviyyədə qalacağı gözlənilir. Bu baxımdan dollara tələbatın artacağını güman etmirəm. Amma ümumiyyətlə, iqtisadi artımın və dövlət büdcəsinin genişlənməsi, dövlət investisiya xərclərinin artması dollara tələbatı da artıracaq. Çünki bir sıra məhsulları, materialları, xammalları, yarımfabrikatları xaricdən alırıq". Mərkəzi Bankın sədri dollara tələbatın kəskin artmasının səbəblərini açıqlayıb Qeyd edək ki, Mərkəzi Bankda keçirilən mətbuat konfransında qurumun sədri Taleh Kazımov deyib ki, valyuta hərraclarında tələbatın 2 dəfədən çox artması əsasən dövlət büdcəsində xərcləmələrlə bağlıdır. Mərkəzi Bankın sədri deyib ki, bundan başqa, cari ilin əvvəlindən təkcə yerli şirkətlər və fərdi sahibkarlar xarici tərəfdaşlarına olan borclarını bağlamaq üçün 800 milyon ABŞ dolları ödəniş edib. "Eyni zamanda, dövlət xarici borcu ilə bağlı 1 milyard manatdan çox ödəniş edib. Bütün bunlar valyuta hərraclarında satışın artmasına təsir edir", - T.Kazımov vurğulayıb. Dollar/manat məzənnəsi 2026-cı ilədək dəyişməyəcək Xatırladaq ki, Azərbaycan Mərkəzi Bankı inflyasiyanın qarşısını almaq məqsədilə 2017-ci ildən milli valyutanın ABŞ dollarına qarşı məzənnəsini 1,7 manat səviyyəsində müəyyən edib. İqtisadiyyat Nazirliyi tərəfindən təqdim olunmuş makroiqtisadi proqnozlarda 2023-2026-cı illər üzrə manatın ABŞ dollarına qarşı məzənnəsi 1,7 manat səviyyəsində götürülüb. "S&P Global Ratings" beynəlxalq reytinq agentliyi də 2026-cı ilə qədər USD/AZN məzənnəsinin 1,7 səviyyəsində qalacağını proqnozlaşdırır. Agentliyə görə, karbohidrogen qiymətlərində kəskin azalma olarsa və uzun müddət aşağı səviyyədə qalarsa, hökumət manatın məzənnəsinə düzəlişlər etməyi düşünə bilər.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

dollar, manat, məzənnə, usd/azn rəsmi məzənnəsi, azn, mərkəzi bank, mərkəzi bank, tələbat, azərbaycan