Tarixdə bu gün: 2 avqust
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə "Sputnik Azərbaycan"ın icmalında oxuyun.
BAKI, 2 avqust — Sputnik. Avqustun 2-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəliblər. Bu gün, həmçinin tarixə düşən hadisələr də baş verib.
Avqustun 2-də kim anadan olub?
Fəxrəddin Manafov (1955) - Azərbaycanın xalq artisti, teatr və kino aktyoru. 1978-ci ildən "Azərbaycanfilm" kinostudiyasının filmlərində ("Təxminə", "Dronqo", "Kədər pəncərəsi" və s.) çəkilib.
Piter O'Tul (1932-2013) - Britaniya səhnə və kino aktyoru. Yarım əsrlik karyerası ərzində o, dörd "Qızıl Qlobus" (iki dəfə ən yaxşı dramatik aktyor kimi), "BAFTA" və "Emmi" mükafatlarına layiq görülüb.
Piter O'Tul
© AP Photo
Saymon Kinberq (1973) - ABŞ kinorejissor, ssenarist, kino prodüseri. O, "Cənab və xanım Smit", "Teleport", "İks adamlar", "Şerlok Holms", "Çappi adlı robot" və s. filmləri çəkib.
Saymon Kinberq
© AP Photo / Lee Jin-man
Sem Uortinqton (1976) - Avstraliya aktyoru. O, "Avatar", "Titanların toqquşması" və onun davamı olan "Titanların qəzəbi", "Terminator: Xilaskar gəlsin", "Nyu Yorkda ötən günkü gecə" və s. filmlərdə oynadığı baş rollar sayəsində dünya şöhrəti qazanıb.
Sem Uortinqton
© Richard Shotwell
- Ciqan (1985) - Rus repçi, bodibilder. Əsl adı Denis Ustimenko-Vaynşteyndir.
Avqustun 2-də dünyada baş verən tarixi hadisələr
1610-cu ildə ingilis dənizçisi Henri Hudzon, Şimal marşrutu ilə Sakit Okeana çatdığına əmin olaraq körfəzi kəşf edib. Kəşf edənin şərəfinə buxta Hudzon adlandırılıb.
1790-cı ildə ABŞ-da əhalinin ilk siyahıyaalması aparılıb.
1898-ci ildə Bakı Elmi-Fotoqrafiya Cəmiyyətinin katibi, naşir və fotoqraf Aleksandr Mişon çəkdiyi "Bibiheybətdə neft yatağında yanğın", "Buxara əmiri həzrətlərini "Böyük knyaz Aleksandr" gəmisində yola salarkən" sənədli filmlərini və "Ələ keçdin" bədii süjetini nümayiş etdirir. 2000-ci ilin dekabrında bu tarix Azərbaycanda Milli Kino Günü elan edilib.
2007-ci ildə Şimal qütbündə dünyanın ilk dərin sualtı gəmiləri - göyərtəsində ekipajları olan Rusiyanın "Mir-1" və "Mir-2"nin enişi həyata keçirilib. Onlar Şimal Buzlu Buzlu Okeanın 4261 metr dərinliyinə enərək Rusiya Federasiyasının Dövlət bayrağını ora sancıblar.
2019-cu ildə Rusiya ilə ABŞ arasında orta və qısa mənzilli raketlərin ləğvi haqqında müqavilə ləğv edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
