https://sputnik.az/20240802/ran-xn-eger-srail-dayandirilmasa-region-ve-dunya-tehluke-altinda-olacaq-466451806.html

İran XİN: Əgər İsrail dayandırılmasa, region və dünya təhlükə altında olacaq

İran XİN: Əgər İsrail dayandırılmasa, region və dünya təhlükə altında olacaq

Sputnik Azərbaycan

Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib. 02.08.2024, Sputnik Azərbaycan

2024-08-02T18:51+0400

2024-08-02T18:51+0400

2024-08-02T18:51+0400

bayraq

dünya xəbərləri

qəzza

qəzza zolağı

həmas

təl-əviv

israil

israil hərbi hava qüvvələri

fələstin

iran

https://cdnn1.img.sputnik.az/img/07e5/0a/0b/434097415_0:0:3073:1728_1920x0_80_0_0_cec8d0b4701c263d03094fd2e4212e87.jpg

BAKI, 2 avqust — Sputnik. İsrail 10 ay Qəzza zolağında qan və dağıntılar törədib və indi cinayətlərini Livan, İran və Yəmənə qədər genişləndirib, əgər Təl-Əviv dayandırılmasa, Yaxın Şərq regionunda və bütün dünyada sülh təhlükə altında olacaq. Bu barədə İordaniyanın xarici işlər naziri Ayman əs-Səfədi ilə İranın xarici işlər naziri vəzifəsini icra edən Əli Baqiri Kani ilə telefon danışığı zamanı bildirib. İyulun 31-də Fələstinin HƏMAS hərəkatı hərəkatın Siyasi Bürosunun rəhbəri İsmayıl Haniyənin İranın yeni prezidentinin andiçmə mərasimində iştirak etmək üçün gəldiyi Tehrandakı iqamətgahına İsrailin endirdiyi zərbə nəticəsində öldüyünü elan edib. Hərəkat Haniyənin ölümündə İsrail və ABŞ-ı günahlandırıb və hücumun cavabsız qalmayacağını bildirib. "Son on ayda İsrail Qəzza zolağında qan və dağıntılara səbəb olub və indi cinayətlərini Beyrut, Tehran və Yəmənə qədər genişləndirib və terrorçu cinayətkarların qarşısı alınmasa, onlar dünyanın sülh və təhlükəsizliyini ciddi şəkildə təhlükə altına atacaqlar", – Baqeri Kani bildirib. Tehranda baş verən insident də daxil olmaqla, Yaxın Şərqdə vəziyyətin pisləşməsini müzakirə etmək üçün BMT Təhlükəsizlik Şurasının fövqəladə iclası keçirilib. İranın xarici işlər naziri vəzifəsini icra edən Əli Baqeri Rusiya xarici işlər naziri Sergey Lavrovla telefon danışığı zamanı bildirib ki, Təl-Əviv İranda HƏMAS Siyasi Bürosunun rəhbəri İsmayıl Haniyəni öldürməklə "qırmızı xətti keçib" və Tehran öz milli təhlükəsizliyini qorumaq üçün qanuni hüququndan istifadə edəcək. Bundan əvvəl Pentaqon rəhbəri Lloyd Austin HƏMAS Siyasi Büro rəhbərinin ölümü və İsrailin bu işə qarışması ilə bağlı heç nə bilmədiyini deyib. İsrail ordusunun nümayəndələri də öz növbəsində Haniyənin öldürülməsi ilə bağlı mediada yayılan xəbərlərə cavab verməyiblər. "The Jerusalem Post" yazıb ki, İsrail hakimiyyəti nazirlərə HƏMAS liderinin öldürülməsi barədə danışmamağı tapşırıb. Rusiya Federasiyası xarici işlər nazirinin müavini Mixail Boqdanov Haniyyənin ölümünü tamamilə qəbuledilməz siyasi qətl adlandırıb.

təl-əviv

2024

xəbərlər

ru_AZ

bayraq, qəzza, qəzza zolağı, həmas, təl-əviv, israil, israil hərbi hava qüvvələri, fələstin, iran