https://sputnik.az/20240725/ankara-yaxin-vaxtlarda-putinin-seferini-gozleyir---menbe-464250561.html

Putinin Türkiyəyə yolu göründü: Əsədlə danışıqlardan sonra növbə Ərdoğanındır

Putinin Türkiyəyə yolu göründü: Əsədlə danışıqlardan sonra növbə Ərdoğanındır

Sputnik Azərbaycan

Ərdoğan deyib ki, Putinin Türkiyəyə səfəri Türkiyə ilə Suriya arasında münasibətlərin normallaşması üçün yeni prosesin başlanğıcı ola bilər. 25.07.2024, Sputnik Azərbaycan

2024-07-25T11:27+0400

2024-07-25T11:27+0400

2024-07-25T11:25+0400

rusiya prezidenti vladimir putin

dünya xəbərləri

türkiyə

səfər

səfər

səfər

rəcəb tayyip ərdoğan

ərdoğan

türkiyə prezidenti rəcəb tayyib ərdoğan

https://cdnn1.img.sputnik.az/img/07e6/09/10/446156758_0:178:3008:1870_1920x0_80_0_0_5fe49fcd1461b39ed0a7f1d05174b439.jpg

BAKI, 25 iyul — Sputnik. Rusiya prezidenti Vladimir Putinin Türkiyəyə səfərinə hazırlıq gedir, tarix hələ müəyyən edilməyib. Bunu Rusiya prezidentinin mətbuat katibi Dmitri Peskov RİA Novosti-yə deyib. İyulun əvvəlində Türkiyə lideri Rəcəb Tayyib Ərdoğanın ofisi də səfərin konkret tarixinin hələ müəyyən edilmədiyini bildirib. Ərdoğanın özü deyib ki, Putinin Türkiyəyə səfəri Türkiyə ilə Suriya arasında münasibətlərin normallaşması üçün yeni prosesin başlanğıcı ola bilər. İyulun 24-də Putin Kremldə Suriya prezidenti Bəşər Əsədi qəbul edib. Daha əvvəl Kreml rəsmisi bildirmişdi ki, Rusiyanın Türkiyə və Suriya nümayəndələri arasında təmasların təşkilinə yardım etməsi məsələsi gündəmdədir. Türkiyənin hökumətyönlü "Daily Sabah" qəzeti mənbəyə istinadən iddia edir ki, Türkiyə prezidenti Rəcəb Tayyib Ərdoğanla suriyalı həmkarı Bəşər Əsəd arasında uzun illərdən sonra ilk görüş avqustda Moskvada baş tuta bilər. Mənbə iddia edir ki, Rusiya prezidenti Vladimir Putin danışıqlarda vasitəçi kimi çıxış edə bilər, İraqın baş naziri Məhəmməd əl-Sudaniyə də dəvət göndərilə bilər, görüşün əsas mövzusu qarşılıqlı ticarət olacaq. Daha sonra türkiyəli diplomatik mənbə yerli mətbuatın Türkiyə prezidenti Rəcəb Tayyib Ərdoğanla suriyalı həmkarı Bəşər Əsədin avqustda Moskvada planlaşdırılan görüşü ilə bağlı xəbərini təkzib edib.29.04.24, 22:40Ankara yaxın vaxtlarda Putinin səfərini gözləyir - MənbəRusiya prezidenti Vladimir Putinin Türkiyəyə səfəri yaxın vaxtlarda gözlənilir, lakin hələlik yekun tarix razılaşdırılmayıb. Bu barədə RİA Novosti-yə Türkiyə paytaxtındakı diplomatik mənbə bildirib. Rusiya prezidenti Vladimir Putin may ayında Çinə səfər etməyi planlaşdırdığını bildirib. "Hələlik konkret heç nə yoxdur, ümid edirik ki, səfərin tarixi yaxın vaxtlarda bəlli olacaq", - agentliyin həmsöhbəti bildirib. Türkiyə prezidenti Rəcəb Tayyib Ərdoğan daha əvvəl Rusiya lideri Vladimir Putinin Türkiyəyə səfərinin tarixinin hələ müəyyən edilmədiyini deyib. Onun sözlərinə görə, o, rusiyalı həmkarı ilə daim əlaqə saxlayır. Rusiya prezidentinin mətbuat katibi Dmitri Peskov da öz növbəsində təsdiqləyib ki, prezidentlər birbaşa görüşlərin olmamasını telefon danışıqları ilə kompensasiya edirlər.

2024

xəbərlər

ru_AZ

rusiya prezidenti vladimir putin, türkiyə, səfər, səfər, səfər, rəcəb tayyip ərdoğan, ərdoğan, türkiyə prezidenti rəcəb tayyib ərdoğan