https://sputnik.az/20240722/azerbaycan-mediasi-cenubi-qafqazla-bagli-informasiya-menbeyi-rolundadir---resad-mecid-466172233.html

Azərbaycan mediası Cənubi Qafqazla bağlı informasiya mənbəyi rolundadır - Rəşad Məcid

Azərbaycan mediası Cənubi Qafqazla bağlı informasiya mənbəyi rolundadır - Rəşad Məcid

Sputnik Azərbaycan

MŞ sədri bildirib ki, söhbət yalnız xarici dildə xəbər yayıcılığından getmir, eyni zamanda, dünyanın anladığı dildə düşünmək, təhlil etmək bacarığı da... 22.07.2024, Sputnik Azərbaycan

2024-07-22T22:33+0400

2024-07-22T22:33+0400

2024-07-22T22:33+0400

rəşad məcid

cəmiyyət

milli mətbuat günü

həsən bəy zərdabi

https://cdnn1.img.sputnik.az/img/41437/96/414379685_0:0:2001:1125_1920x0_80_0_0_bec2148ad12fbf4bf2f2c06d5d31150d.jpg

BAKI, 22 iyul — Sputnik. "Azərbaycan mediası dünyanın Cənubi Qafqaz regionu ilə bağlı vacib informasiya mənbəyi rolunda çıxış edir". Bu sözləri Milli Mətbuat Günü ilə bağlı Sputnik Azərbaycan-a açıqlamasında Azərbaycan Mətbuat Şurasının sədri Rəşad Məcid söyləyib. O bildirib ki, bugünkü Azərbaycan mediası daim inkişafa can atan, özündə tarixi ənənələrə sadiqliyi və müasirliyi yaşadan dinamik, cəmiyyət həyatının müxtəlif sferalarına nüfuz etməyi bacaran, buna daim can atan mütəhərrik strukturdur. Elə bir sahə yoxdur ki, media həmin sahə ilə bağlı ictimaiyyəti məlumatlandırmasın. "Çünki Azərbaycan regionun lider ölkəsidir, yaşadığımız coğrafiya ilə bağlı bütün vacib qərarlarda müstəsna rola malikdir. Bu günün Azərbaycanı o qədər güclü inkişaf edir ki, medianın da bu inkişafa adekvat reaksiya verməsi, tələblərə uyğun, adekvat fəaliyyət göstərməsi mütləqdir. Adekvatlığın qorunması üçün isə peşəkarlığın daha da artırılmasına ehtiyac duyulur. Biz hər zaman deyirik ki, Azərbaycan mediası dünya mediasına inteqrasiya etməli, onun tərkib hissəsi olmalıdır. Nəzərə alsaq ki, dünyanın da gözü Cənubi Qafqazdadır, məsələ daha aktual səciyyə daşımaqdadır. Deməli, mediamız peşəkar standartları mənimsəməklə yanaşı, xarici dil biliklərinə də yiyələnməlidir. Burada söhbət yalnız xarici dildə xəbər yayıcılığından getmir. Eyni zamanda, dünyanın anladığı dildə düşünmək, təhlil etmək bacarığı da önəmlidir. Məsələn, azərbaycanlı jurnalist ingilis, fransız, ərəb və sair dili bilirsə, o, həmçinin həmin dillərdə danışan auditoriyanın tələblərini, nələri əsas götürdüyünü aydın şəkildə dərk etməlidir. Bu, peşəkarlığın sərhədlərini daha geniş götürmək zərurətini doğurur. Hesab edirəm ki, müasir media trendinə çevrilmək elə budur" - deyə Rəşad Məcid bildirib. Qeyd edək ki, Azərbaycanda Millli Mətbuat Günü iyulun 22-də, 149 il əvvəl Həsən bəy Zərdabi tərəfindən ilk çap nəşri — "Əkinçi" qəzetinin buraxıldığı gündə qeyd edilir. 19-cu əsrin 80-ci illərindən milli mətbuat azad və demokratik mətbuat missiyasının, insanların düşüncə və sözlərinə hörmətin, yeniləşən informasiya vasitəsilə operativ məlumatlandırmanın, plüralizm və tolerantlıq ideyalarının daşıyıcısı olub. Ötən dövr ərzində Azərbaycan mətbuatı çətin və şərəfli bir yol keçib. Hazırda, dövlətimizin müstəqil olduğu bir dönəmdə mətbuatımızın qarşısında tamamilə yeni vəzifələr dayanır.

2024

xəbərlər

ru_AZ

rəşad məcid, milli mətbuat günü, həsən bəy zərdabi