https://sputnik.az/20240712/az-dollar---az-risk-demekdir-azerbaycan-abs-valyutasindan-asililigini-niye-azaldir-465949368.html
Az dollar - az risk deməkdir: Azərbaycan ABŞ valyutasından asılılığını niyə azaldır?
Az dollar - az risk deməkdir: Azərbaycan ABŞ valyutasından asılılığını niyə azaldır?
Sputnik Azərbaycan
Azərbaycan hökumətinin iqtisadiyyatın de-dollarizasiyası siyasəti maliyyə sisteminin daha geniş muxtariyyətinə və bankların suverenliyinə gətirib çıxarır. 12.07.2024, Sputnik Azərbaycan
2024-07-12T10:01+0400
2024-07-12T10:01+0400
2024-07-12T11:00+0400
dollar
iqtisadiyyat
risk
azərbaycan
abş
mərkəzi bank
qızıl
valyuta
yaponiya
italiya
https://cdnn1.img.sputnik.az/img/07e5/04/1e/426827249_0:161:3071:1888_1920x0_80_0_0_9827288ba40d19e80a534cda90a6ae91.jpg
BAKI, 12 iyul — Sputnik. Beynəlxalq reytinq agentliyi "Moody's" son hesabatında bildirib ki, Azərbaycan iqtisadiyyatının dollardan asılılığının azaldılması ölkənin valyuta bazarında əhəmiyyətli volatilliyə məruz qalmasını azaldıb ki, bu da öz növbəsində kreditlərin xarici risklərə həssaslığını azaldıb. Bundan əlavə, hesabatda göstərilib ki, bankların valyuta risklərinə prudensial nəzarət gücləndirildiyi üçün maliyyə sistemində dollarlaşma azalmaqda davam edir. "Moody's" analitikləri də hesab edirlər ki, eyni zamanda, Azərbaycan Mərkəzi Bankının maliyyə sektorunun tənzimlənməsinin keyfiyyətinin yaxşılaşdırılması bank sektorunun sabitliyinin artırılmasına, hökumət üçün şərti öhdəliklərin risklərinin azaldılmasına kömək edir. İqtisadiyyatın bərpası prosesi "Azərbaycan iqtisadiyyatının xarici valyutalardan, xüsusən də dünyada hələ də əsas ehtiyat valyutaları olan dollar və avrodan asılılığının azalması onu göstərir ki, ölkə daxilində milli valyuta ilə ödənişlər bazası artır", - altıncı çağırış Milli Məclisin deputatı Rüfət Quliyev bildirib. Belə ki, onun sözlərinə görə, bu gün dünyada əməliyyatların, təxminən 70%-i ABŞ dolları, daha 20%-i avro ilə həyata keçirilir. Bu fonda dollar və avrodan asılılığın azaldılması Azərbaycanın maliyyə və iqtisadi təhlükəsizliyini təmin edəcək, çünki bu valyutaların məzənnələri kifayət qədər dəyişkəndir və bu, dövlətin maliyyə sistemində dalğalanmalara səbəb ola bilər. Eyni zamanda, eks-parlamentar qeyd edib ki, Azərbaycan hökumətinin de-dollarizasiya siyasəti maliyyə sisteminin daha böyük muxtariyyətinə, bankların suverenliyinə gətirib çıxarır və ciddi maliyyə intizamının və bütövlükdə iqtisadi inkişafın parlaq nümunəsidir. "Əminəm ki, Azərbaycan hökumətinin de-dollarizasiyanı davam etdirməsi siyasəti iqtisadiyyatın, onun maliyyə əsaslarının möhkəmlənməsinə gətirib çıxaracaq və bank əməliyyatlarını təmin edəcək. Dollardan asılılığın azaldılması, həmçinin inflyasiyanın hədəf daxilində saxlanmasına müsbət təsir göstərəcək. Ümumiyyətlə, dedollarizasiya istənilən ölkənin iqtisadiyyatına müalicəvi təsir göstərir", - Quliyev hesab edir. Onun sözlərinə görə, Azərbaycanda bu proses ölkədə kiçik və orta biznesin inkişafı, eləcə də iri layihələrin, o cümlədən Avropa və Asiya arasında beynəlxalq və transmilli təşəbbüslərin həyata keçirilməsi və tərəfdaş ölkələrə investisiyaların aktiv şəkildə artması fonunda baş verir. Quliyev hesab edir ki, bu fonda iqtisadiyyatın xarici valyutadan müstəqilliyi daha da vacib olur. Əlavə risklərin minimuma endirilməsi Rüfət Quliyevin sözlərinə görə, bu gün Azərbaycan iqtisadiyyatı çox müsbət göstəricilər nümayiş etdirir. Bundan əlavə, bu gün Azərbaycanın xarici borcunun ÜDM-ə nisbəti kifayət qədər aşağıdır. Belə ki, ölkənin ÜDM-ə olan borcunun həcminin 70% səviyyəsində olması məqbul göstərici olduğu hesab edilir. Nəzərə alsaq ki, ABŞ, Yaponiya və İtaliya kimi inkişaf etmiş ölkələrdə xarici borc ÜDM-i 100-200% üstələyir."Bizim üçün bu rəqəm 25%-i keçmir ki, bu da bizə bundan yararlanmaq imkanı verir. Xüsusən də kreditlərin böyük hissəsini daxili bazara yerləşdiririk, yəni beynəlxalq təşkilatlardan, maliyyə institutlarından asılı deyilik. Azərbaycan özü kredit siyasəti hazırlayır ki, bu da ölkə iqtisadiyyatının dollardan asılılığının azaldılması baxımından olduqca vacibdir", - Quliyev qeyd edib. Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
abş
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Aygül Tağıyeva
https://cdnn1.img.sputnik.az/img/07e5/02/0f/426229726_632:-1:2679:2047_100x100_80_0_0_bf9f4a66d2062eb596bb6df525ab6306.jpg
Aygül Tağıyeva
https://cdnn1.img.sputnik.az/img/07e5/02/0f/426229726_632:-1:2679:2047_100x100_80_0_0_bf9f4a66d2062eb596bb6df525ab6306.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Aygül Tağıyeva
https://cdnn1.img.sputnik.az/img/07e5/02/0f/426229726_632:-1:2679:2047_100x100_80_0_0_bf9f4a66d2062eb596bb6df525ab6306.jpg
dollar, risk, azərbaycan, abş, mərkəzi bank, qızıl, valyuta, yaponiya, italiya, kredit
dollar, risk, azərbaycan, abş, mərkəzi bank, qızıl, valyuta, yaponiya, italiya, kredit
Az dollar - az risk deməkdir: Azərbaycan ABŞ valyutasından asılılığını niyə azaldır?
10:01 12.07.2024 (Yenilənib: 11:00 12.07.2024) Azərbaycan hökumətinin iqtisadiyyatın de-dollarizasiyası siyasəti maliyyə sisteminin daha geniş muxtariyyətinə və bankların suverenliyinə gətirib çıxarır.
BAKI, 12 iyul — Sputnik. Beynəlxalq reytinq agentliyi "Moody's" son hesabatında bildirib ki, Azərbaycan iqtisadiyyatının dollardan asılılığının azaldılması ölkənin valyuta bazarında əhəmiyyətli volatilliyə məruz qalmasını azaldıb ki, bu da öz növbəsində kreditlərin xarici risklərə həssaslığını azaldıb.
Bundan əlavə, hesabatda göstərilib ki, bankların valyuta risklərinə prudensial nəzarət gücləndirildiyi üçün maliyyə sistemində dollarlaşma azalmaqda davam edir.
"Moody's" analitikləri də hesab edirlər ki, eyni zamanda, Azərbaycan Mərkəzi Bankının maliyyə sektorunun tənzimlənməsinin keyfiyyətinin yaxşılaşdırılması bank sektorunun sabitliyinin artırılmasına, hökumət üçün şərti öhdəliklərin risklərinin azaldılmasına kömək edir.
İqtisadiyyatın bərpası prosesi
"Azərbaycan iqtisadiyyatının xarici valyutalardan, xüsusən də dünyada hələ də əsas ehtiyat valyutaları olan dollar və avrodan asılılığının azalması onu göstərir ki, ölkə daxilində milli valyuta ilə ödənişlər bazası artır", - altıncı çağırış Milli Məclisin deputatı Rüfət Quliyev bildirib.
Belə ki, onun sözlərinə görə, bu gün dünyada əməliyyatların, təxminən 70%-i ABŞ dolları, daha 20%-i avro ilə həyata keçirilir. Bu fonda dollar və avrodan asılılığın azaldılması Azərbaycanın maliyyə və iqtisadi təhlükəsizliyini təmin edəcək, çünki bu valyutaların məzənnələri kifayət qədər dəyişkəndir və bu, dövlətin maliyyə sistemində dalğalanmalara səbəb ola bilər.
"Dollardan asılılığın azaldılması Azərbaycan iqtisadiyyatı üçün çox mühüm və yaxşı göstəricidir. Yəni iqtisadiyyatın de-dollarizasiyası gedir və bu, həqiqətən də ölkənin xarici risklərdən, xüsusən də dolların və avronun məzənnəsinin dəyişməsindən asılılığını azaldır", - Quliyev "Sputnik Azərbaycan"a bildirib.
Eyni zamanda, eks-parlamentar qeyd edib ki, Azərbaycan hökumətinin de-dollarizasiya siyasəti maliyyə sisteminin daha böyük muxtariyyətinə, bankların suverenliyinə gətirib çıxarır və ciddi maliyyə intizamının və bütövlükdə iqtisadi inkişafın parlaq nümunəsidir.
"Əminəm ki, Azərbaycan hökumətinin de-dollarizasiyanı davam etdirməsi siyasəti iqtisadiyyatın, onun maliyyə əsaslarının möhkəmlənməsinə gətirib çıxaracaq və bank əməliyyatlarını təmin edəcək. Dollardan asılılığın azaldılması, həmçinin inflyasiyanın hədəf daxilində saxlanmasına müsbət təsir göstərəcək. Ümumiyyətlə, dedollarizasiya istənilən ölkənin iqtisadiyyatına müalicəvi təsir göstərir", - Quliyev hesab edir.
Onun sözlərinə görə, Azərbaycanda bu proses ölkədə kiçik və orta biznesin inkişafı, eləcə də iri layihələrin, o cümlədən Avropa və Asiya arasında beynəlxalq və transmilli təşəbbüslərin həyata keçirilməsi və tərəfdaş ölkələrə investisiyaların aktiv şəkildə artması fonunda baş verir.
Quliyev hesab edir ki, bu fonda iqtisadiyyatın xarici valyutadan müstəqilliyi daha da vacib olur.
Əlavə risklərin minimuma endirilməsi
Rüfət Quliyevin sözlərinə görə, bu gün Azərbaycan iqtisadiyyatı çox müsbət göstəricilər nümayiş etdirir.
"Biz kifayət qədər qızıl-valyuta ehtiyatına malik olan ölkələrdən biriyik – onlar, təxminən ÜDM-ə bərabərdir və 70 milyard dolları ötür", - eks-deputat qeyd edib.
Bundan əlavə, bu gün Azərbaycanın xarici borcunun ÜDM-ə nisbəti kifayət qədər aşağıdır. Belə ki, ölkənin ÜDM-ə olan borcunun həcminin 70% səviyyəsində olması məqbul göstərici olduğu hesab edilir. Nəzərə alsaq ki, ABŞ, Yaponiya və İtaliya kimi inkişaf etmiş ölkələrdə xarici borc ÜDM-i 100-200% üstələyir.
"Bizim üçün bu rəqəm 25%-i keçmir ki, bu da bizə bundan yararlanmaq imkanı verir. Xüsusən də kreditlərin böyük hissəsini daxili bazara yerləşdiririk, yəni beynəlxalq təşkilatlardan, maliyyə institutlarından asılı deyilik. Azərbaycan özü kredit siyasəti hazırlayır ki, bu da ölkə iqtisadiyyatının dollardan asılılığının azaldılması baxımından olduqca vacibdir", - Quliyev qeyd edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
