DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Türkiyə Suriya ilə münasibətləri normallaşdırmağa hazırdır - Ərdoğan

© AFP 2023 / ADEM ALTANTürkiyə prezidenti Rəcəb Tayyib Ərdoğan, arxiv şəkli
Türkiyə prezidenti Rəcəb Tayyib Ərdoğan, arxiv şəkli - Sputnik Azərbaycan, 1920, 28.06.2024
Abunə olmaq
Suriya prezidenti iyunun 26-da Rusiya prezidentinin Suriya nizamlanması üzrə xüsusi nümayəndəsi Aleksandr Lavrentyevi qəbul edərkən deyib ki, Dəməşq Türkiyə ilə münasibətlərin yaxşılaşdırılmasına yönəlmiş bütün təşəbbüslərə açıqdır.
BAKI, 28 iyun — Sputnik. Türkiyə qonşu Suriya ilə münasibətlərin normallaşdırılması təşəbbüslərinə açıqdır. Bunu Türkiyə Prezidenti Rəcəb Tayyib Ərdoğan deyib.
"Biz Suriya ilə normallaşma təşəbbüslərinə açığıq. Diplomatik əlaqələr qurmamaq üçün heç bir səbəb yoxdur. Əvvəlki kimi birlikdə hərəkət edə bilərik. Suriyanın daxili işlərinə qarışmaq fikrimiz yoxdur. Bilirsiniz ki, biz əvvəllər belə olmuşuq. Suriya prezidenti Bəşər Əsədlə dostluğu bərpa etməmək üçün heç bir səbəb görmürəm", – Ərdoğan İstanbulda jurnalistlərə deyib.
Suriya prezidenti iyunun 26-da Rusiya prezidentinin Suriya nizamlanması üzrə xüsusi nümayəndəsi Aleksandr Lavrentyevi qəbul edərkən deyib ki, Dəməşq Türkiyə ilə münasibətlərin yaxşılaşdırılmasına yönəlmiş bütün təşəbbüslərə açıqdır.
25 aprel 2023-cü ildə Moskvada Rusiya, İran, Suriya və Türkiyə müdafiə nazirləri arasında dördtərəfli danışıqlar baş tutub. Onlar Suriyada təhlükəsizliyin möhkəmləndirilməsi və Suriya-Türkiyə münasibətlərinin normallaşdırılması istiqamətində əməli addımları müzakirə ediblər. Həmin il iyulun 9-da Lavrentyev elan edib ki, Suriya və Türkiyə liderləri Suriya-Türkiyə münasibətlərinin həlli üçün yol xəritəsi üzərində işlər başa çatdıqdan sonra Rusiya prezidenti Vladimir Putinin iştirakı ilə görüş keçirə bilərlər.
Daha sonra "Sky News Arabia" telekanalına müsahibəsində Əsəd Türkiyə hərbçilərinin Suriya ərazisində olduğu şəraitdə Ərdoğanla danışıqların aparılması imkanını istisna edib.
Xəbər lenti
0