Tarixdə bu gün: 27 iyun
© Sputnik
Abunə olmaq
Bu gün müxtəlif illərdə dünyada və ölkədə baş verən hadisələr barədə "Sputnik Azərbaycan"ın icmalında oxuyun.
BAKI, 27 iyun — Sputnik. İyunun 27-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəliblər. Bu gün, həmçinin tarixə düşən hadisələr də baş verib.
İyunun 27-də kim anadan olub?
Cey Cey Abrams (1966) - amerikalı kinorejissor, ssenarist, prodüser. O, daha çox döyüş, dram və elmi fantastika janrlarındakı işləri ilə tanınır. Abrams "Henriyə gəldikdə", "Əbədi gənc", "Armageddon", "Monstro", "Ulduz yolu", "Ulduz döyüşləri: güc oyanır" və "Ulduz döyüşləri: Skayuoker. Günəşin doğuşu" kimi filmlərin ssenari müəllifi və ya prodüseridir.
Viktor Drobış (1966) - rus bəstəkarı və musiqi prodüseri, Rusiya Federasiyasının əməkdar artisti. Avroviziya 2012-də 2-ci yeri tutmuş "Buranovskie Babuşki"nin ifasında "Party for Everybody" mahnısının bəstəkarlarından biri. Valeriya, Qriqori Leps, Stas Pyexa, Nastya Samburskaya, Nikolay Noskov ilə əməkdaşlıq edir.
Tobi Maquayr (1975) - Amerika aktyoru və kino prodüseri. O, daha çox Sem Reyminin "Hörümçək adam" trilogiyasında (2002-2007) baş qəhrəmanı oynamaqla tanınır. Daha sonra o, bu rolu "Hörümçək-adam: Evə yol yoxdur" filmində təkrar edib və "bir filmdə Marvel superqəhrəmanı kimi ən uzun müddət sürən rolu" ilə Ginnesin Rekordlar Kitabına düşüb.
Tobi Maquayr(solda)
© Sputnik / Екатерина Чеснокова
Alsu (1983) - rus müğənnisi, teleaparıcısı, aktrisası, Rusiya Federasiyasının əməkdar artisti, Tatarıstan Respublikasının xalq artisti. Rusiyanın Avroviziya 2000 musiqi müsabiqəsindəki təmsilçisi kimi ikinci yeri tutub.
Alsu
© Photo : Social media page of Alsu
Ed Vestvick (1987) britaniyalı aktyor, model və musiqiçidir. O, daha çox "Qeybətçi xanım" televiziya serialında Çak Bass rolu ilə tanınır.
Ed Vestvick
© AP Photo / Jordan Strauss
27 iyun tarixində dünyada baş verən tarixi hadisələr
1905-ci ildə Qara dənizdə "Potyomkin" döyüş gəmisinin ekipajının üsyanı baş verib.
1918-ci ildə Azərbaycan dili ADR-in dövlət dili elan edilib.
Azərbaycan dili
© Sputnik / Irade JELIL
1931-ci ildə ABŞ-da ixtiraçı İqor Sikorski ilk helikopterin ixtirasına patent alıb.
Helikopter
© AP Photo
1985-ci ildən Ümumdünya Balıqçılıq günü qeyd edilir.
Nabranda balıqçı
© Sputnik / Ilham Mustafayev
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
