https://sputnik.az/20240625/tarixde-bu-gun-25-iyun-465582933.html

Tarixdə bu gün: 25 iyun

Tarixdə bu gün: 25 iyun

Sputnik Azərbaycan

Bu gün müxtəlif illərdə dünyada və ölkədə baş verən hadisələr barədə "Sputnik Azərbaycan"ın icmalında oxuyun. 25.06.2024, Sputnik Azərbaycan

2024-06-25T08:27+0400

2024-06-25T08:27+0400

2024-06-25T08:27+0400

iyun

cəmiyyət

dənizçi

ceyhun bayramov

tarixdə bu gün

tansu çillər

tansu çillər

ziyad səmədzadə

https://cdnn1.img.sputnik.az/img/07e8/05/1e/465033964_42:0:1158:628_1920x0_80_0_0_a50925c87a5b31f717d7f16463e60271.jpg

BAKI, 25 iyun — Sputnik. İyunun 25-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəliblər. Bu gün, həmçinin tarixə düşən hadisələr də baş verib. İyunun 25-də kim anadan olub? - Sona Hacıyeva (1907-1979) - Azərbaycan SSR xalq artisti, teatr və kino aktrisası. 1920-ci ildən ömrünün sonuna kimi Azərbaycan Dövlət Akademik Milli Dram Teatrında çalışıb. O, milli kino tarixinə "Bəxtiyar", "Qızmar səma altında", "Səhər" filmlərindəki rolları ilə daxil olub. - Ziyad Səmədzadə (1940) - Azərbaycan alimi, iqtisad elmləri doktoru, professor, Azərbaycan Respublikası Elmlər Akademiyasının həqiqi üzvü, Azərbaycan Milli Məclisinin "İqtisadi siyasət, sənaye və sahibkarlıq" komitəsinin sədri, Beynəlxalq İqtisadçılar İttifaqının vitse-prezidenti. - Ceyhun Bayramov (1973) - Azərbaycanın xarici işlər naziri (2020-ci ildən). - Antonio Qaudi (1852 - 1926) - İspan memarı, layihələrinin əksəriyyəti, o cümlədən ən böyük tikintisi olan Müqəddəs Ailə kilsəsi Barselonada ucaldılıb. - Albert Filozov (1937 – 2016) - Sovet və rus teatr və kino aktyoru, Rusiya Federasiyasının xalq artisti. O, "Dövrümüzün Qəhrəmanı", "Sevirsənsə...", "Avara Rasmus" və s. filmlərdə rol alıb. - Corc Maykl (1963 - 2016) - Yunan əsilli britaniyalı müğənni, şair və bəstəkar. İki "Qremmi" mükafatının qalibi - "İlin albomu" və ən yaxşı R&B Duo kateqoriyalarında. - Vladimir Kramnik (1975) - rus şahmatçısı, Rusiya Federasiyasının əməkdar idman ustası, şahmat üzrə 14-cü dünya çempionu (2006-2007), Dünya kubokunun qalibi (2013), klassik şahmat üzrə dünya çempionu (2000-2006), şahmat üzrə Dünya Olimpiadasının üç dəfə qalibi (1992, 1994, 1996), Avropa (1992) və Dünya (2013) komanda çempionatlarının qalibi. Beynəlxalq Qrossmeyster (1991). - Yeqor Krid (1994) - rus müğənnisi, bəstəkarı, aktyoru. O, solo karyerasına 2011-ci ildə KReeD təxəllüsü ilə başlayıb. Öz mahnılarının müəllifi və ifaçısıdır. 25 iyun tarixində dünyada baş verən tarixi hadisələr 1946-cı ildə SSRİ Beynəlxalq Futbol Federasiyasına daxil olub. 1950-ci ildə Şimali Koreya qoşunları Cənubi Koreyaya tərəf istiqamət alıb və bu, 1953-cü ilə qədər davam edən Koreya müharibəsinin başlanğıcı olub. 1967-ci ildə dünya miqyasında ilk canlı televiziya yayımı həyata keçirilib. Bu "Bizim dünya" verilişi idi – o, beş qitənin 24 ölkəsində yayımlanıb. 1998-ci ildə "Windows 98" əməliyyat sistemi rəsmi olaraq buraxılıb. 1992-ci ildə İstanbulda Azərbaycanın iştirakı ilə Qara Dəniz İqtisadi Əməkdaşlıq Təşkilatı yaradılıb. 1993-cü ildə Tansu Çillər Türkiyənin baş naziri vəzifəsini tutan ilk qadın olub (1993-1996). 2010-cu ildən Beynəlxalq Dənizçilər Günü qeyd edilir.

2024

xəbərlər

ru_AZ

iyun, dənizçi, ceyhun bayramov, tarixdə bu gün , tansu çillər, tansu çillər, ziyad səmədzadə