https://sputnik.az/20240612/12-iyun---rusiya-gunudur-bayramin-tarixi-ve-mahiyyeti-465310498.html

12 iyun - Rusiya Günüdür: bayramın tarixi və mahiyyəti

12 iyun - Rusiya Günüdür: bayramın tarixi və mahiyyəti

Sputnik Azərbaycan

Rusiya Federasiyasının vətəndaşları iyunun 12-də Rusiya Gününü qeyd edirlər. 12.06.2024, Sputnik Azərbaycan

2024-06-12T00:00+0400

2024-06-12T00:00+0400

2024-06-12T00:00+0400

rusiya günü

rusiya

bayram

rusiya federasiyası

müstəqillik

https://cdnn1.img.sputnik.az/img/07e6/06/1c/443413661_0:0:3073:1728_1920x0_80_0_0_0ab85be7e9abcb1dc9c74f6419b6e054.jpg

BAKI, 12 iyun — Sputnik. Rusiya Günü müasir dövlətin doğum gününü, ölkənin suverenliyini və firavanlığını simvolizə edən bir bayramdır. Hər il iyunun 12-də qeyd olunur və Rusiya Federasiyasının hər bir vətəndaşı üçün xüsusi əhəmiyyət kəsb edir. 2024-cü ildə bayram çərşənbə gününə düşür və Rusiyada istirahət günüdür. "Sputnik Azərbaycan" oxucuları bayramın tarixi və adət-ənənələri ilə tanış edir. 2024-cü ildə Rusiya Günü: bayramın tarixi Bayramın yaranması 33 il əvvəl baş vermiş hadisə ilə - 1990-cı il iyunun 12-də Rusiyanın Dövlət Suverenliyi Bəyannaməsinin imzalanması ilə bağlıdır. Sənəd faktiki olaraq RSFSR-ə son qoydu və dövlətin yeni formalaşması üçün ilk qanunvericilik bazası oldu. Normativ hüquqi akt Rusiya Konstitusiyasının və onun qanunlarının aliliyini təsbit etdi. Bayramın özü iki ildən sonra qeyd olunmağa başlayıb. Bayram haqqında fərman 1992-ci il iyunun 11-də verilib. İki ildən sonra o, dövlət səviyyəsində öz yerini tutub. Əvvəlcə əlamətdar tarix Rusiya Federasiyasının Dövlət Suverenliyi Bəyannaməsinin qəbulu günü adlandırıldı, lakin tezliklə xalq arasında Rusiya Günü kimi tanındı. 2002-ci ildə isə ad rəsmi olaraq daha yüngül səslənən versiyaya dəyişdirildi. Rusiya Günü 17 milyon km-dən çox ərazisi olan ölkənin çoxmillətli əhalisini, habelə onun hüdudlarından kənarda Rusiya Federasiyasının vətəndaşlarını birləşdirən bayramdır. Bu, rəsmi bayramdır və 2024-cü ildə rusiyalılar çərşənbə də daxil olmaqla iki gün əvəzinə üç gün istirahət edəcəklər. Bu münasibətlə ölkənin hər yerində genişmiqyaslı şənliklər, tamaşalar və festivallar keçirilir. Ən diqqət çəkən hadisələr ənənəvi olaraq Moskvada Qırmızı Meydanda baş verir. Dövlət mükafatlarının təqdimetmə mərasimi Kremlin divarları arasında keçirilir. Bütün paytaxtda tematik paradlar, konsertlər və ekskursiyalar təşkil edilir. "Heyretamiz Vətən hissi": Rusiya Günü ölkədə və dünyada necə qeyd olunur Koronavirus pandemiyası səbəbindən 2020-ci ildə bir çox hadisə onlayn şəkildə keçirilməli olub. Böyük ölkənin digər şəhərləri də - Kalininqraddan Petropavlovsk-Kamçatskiyə qədər bayramlara qoşulur. Hadisələr müxtəlif vaxt zonalarında baş versə də, bayramın kulminasiya nöqtəsi həmişə təntənəli atəşfəşanlıq olaraq qalır, onun sədaları altında rusiyalılar bir daha bir-birlərini Rusiya Günü münasibətilə təbrik edirlər. Bayramın simvolu Rusiyanın üçrəngli bayrağıdır. Bu əlamətdar gündə eyvan və pəncərələrə, avtomobillərin güzgülərinə bayraqlar asılır, evlərin fasadları bayraqlarla bəzədilir, şəhərlər onlara bəzək olan ağ, mavi və qırmızı rənglərlə bərq vurur. İctimai təşkilatlar və fəallar bayram tədbirləri və fləşmoblar təşkil edir ki, onların bəziləri onlayn şəkildə keçirilir. Qeyd edək ki, təntənəli tarixə az qalmış Rusiya və dünya dövlətçiliklə sıx bağlı olan başqa bir bayramı - Rus Dili Gününü qeyd edib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

https://sputnik.az/20240611/prezident-lham-eliyev-vladimir-putine-mektub-gonderib-465311213.html

2024

xəbərlər

ru_AZ

rusiya günü, bayram, rusiya federasiyası, müstəqillik