https://sputnik.az/20240607/azerbaycanda-mir-kartlarindan-istifade-rusiyadan-turist-axininin-artmasina-sebeb-olacaq-465220130.html
Azərbaycanda "Mir" kartlarından istifadə Rusiyadan turist axınının artmasına səbəb olacaq
Azərbaycanda "Mir" kartlarından istifadə Rusiyadan turist axınının artmasına səbəb olacaq
Sputnik Azərbaycan
Azərbaycanda Rusiya bankları fəaliyyət göstərir, Azərbaycan Beynəlxalq Bankının (ABB) Rusiyada filialı var. 07.06.2024, Sputnik Azərbaycan
2024-06-07T19:00+0400
2024-06-07T19:00+0400
2024-06-07T19:01+0400
rusiya
iqtisadiyyat
beynəlxalq iqtisadi forum
sankt-peterburq beynəlxalq iqtisadi forumu
bank
bank
bank
azərbaycan
azərbaycan
https://cdnn1.img.sputnik.az/img/07e6/03/0e/440138960_0:142:3071:1869_1920x0_80_0_0_458d783b1c849c71d65974f2778acbb9.jpg
BAKI, 7 iyun — Sputnik. Artıq Azərbaycanda Rusiyanın "Mir" ödəniş sisteminin kartları fəaliyyət göstərir - bu, turizm üçün çox böyük üstünlükdür və bu sistemin mövcudluğu sayəsində Rusiya Federasiyasından Azərbaycana turist axınının artacağı gözlənilir. Bunu Azərbaycanda İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Sankt-Peterburq Beynəlxalq İqtisadi Forumu (SPİEF) çərçivəsində Sputnik Azərbaycan-a müsahibəsində deyib. "Biz kommersiya müqavilələri üzrə qarşılıqlı hesablaşmalarla bağlı məsələləri həll etmişik və həll etməkdə davam edirik". Onun sözlərinə görə, Azərbaycanda Rusiya bankları fəaliyyət göstərir, Azərbaycan Beynəlxalq Bankının (ABB) Rusiyada filialı var. Onlar daim öz məhsullarının təqdimatlarını keçirir və Rusiya bizneslərini ödəniş mexanizmləri ilə tanış edirlər. İcraçı direktor qeyd edib ki, logistika və tranzitlə bağlı məsələlər də öz həllini tapıb. Belə ki, Rusiya Federasiyası ilə Azərbaycan sərhədində yükdaşımalarda müəyyən çətinliklər yaransa da, 2022-ci ildə Azərbaycan tərəfində yeni müasir "Xanoba" keçid məntəqəsi istifadəyə verildikdən sonra bu gün bu məsələlər öz həllini tapıb. "Bundan başqa, 2022-ci ilin oktyabrında biz Yaraq-Kazmalyar keçid məntəqəsi vasitəsilə aksizli malların ixracına başladıq", - Abdullayev qeyd edib. Sputnik Azərbaycan-ın həmsöhbəti əlavə edib ki, yanvarda imzalanmış yol xəritəsi yaxın bir neçə il ərzində qarşılıqlı fəaliyyət üçün konkret plandır. Azərbaycanda "Ximqrad"ın flaqman layihəsi Abdullayevin sözlərinə görə, Rusiyanın "Ximqrad" texnopolisinin Azərbaycanın sənaye parkında birgə müəssisəsi flaqman layihələrdən biri olacaq. "Bu, çox ciddi layihədir və biz hesab edirik ki, "Ximqrad"ın xaricdə birgə sənaye parklarının yaradılmasında böyük təcrübəsi var", - AZPROMO-nun icraçı direktoru bildirib. O xatırladıb ki, may ayında Kazanda keçirilən forumda Azərbaycan İqtisadiyyat Nazirliyi yanında İqtisadi Zonaların İnkişafı Agentliyi ilə Tatarıstan Respublikasının "Ximqrad" texnopolisi arasında saziş imzalanıb. Bu gün layihənin həyata keçirilməsi üçün yol xəritəsi hazırlanır və yer seçilir. "Bu layihə Azərbaycanla Rusiya arasında çox fəal və canlı dialoqun olduğunun göstəricisidir", - Abdullayev vurğulayıb. İnvestisiya artım potensialı AZPROMO-nun icraçı direktorunun sözlərinə görə, son 30 il ərzində Rusiya Federasiyası Azərbaycana 10 milyard dollara yaxın investisiya yatırıb ki, bunun da 2,5 milyard dolları qeyri-neft-qaz sektorunadır. Abdullayev əlavə edib ki, bu gün Azərbaycanda 1900-ə yaxın Rusiya kapitallı şirkət qeydiyyatdan keçib, onlardan 1300-ü fəaldır. "Azərbaycanda ən yüksək səviyyədə investisiya imkanları və infrastruktur yaradılıb – bunlar sənaye parkları, Ələt azad iqtisadi zonası, aqrar-sənaye kompleksi layihələri, sənaye, maşınqayırma, gəmiqayırma sahələrinə investisiyalardır", - Abdullayev qeyd edib. O, 2023-cü ildə KAMAZ-ın işğaldan azad edilmiş ərazilərdə avadanlıqlara xidmət göstərmək üçün xidmət mərkəzi açdığını və mövcud vəziyyətə baxmayaraq, Rusiya şirkətlərinin investisiya imkanlarının hələ də yüksək və rəqabətqabiliyyətli səviyyədə qaldığının göstərdiyini deyib. SPIEF görülən işlərin yenidən nəzərdən keçirilməsi üçün platformadır Abdullayev qeyd edib ki, Sankt-Peterburq Beynəlxalq İqtisadi Forumu çox mühüm platforma olmaqda davam edir. "Biz bu platformaya rusiyalı həmkarlarımızla birlikdə gördüyümüz işi yenidən nəzərdən keçirmək üçün bir fürsət kimi baxırıq", - o deyib. Abdullayev bildirib ki, forumda Azərbaycandan olan nümayəndə heyətinə baş nazirin müavini Şahin Mustafayev rəhbərlik edir. "İyunun 7-də Rusiya Birbaşa İnvestisiya Fondu (RDIF) ilə görüşlər planlaşdırılır ki, Azərbaycanda birgə layihələrin həyata keçirilməsi imkanları müzakirə olunub. Biz İxracın və İnvestisiyaların Təşviqi Agentliyi olaraq hesab edirik ki, investisiya sahəsində böyük potensial var və Böyük Rusiya şirkətləri Azərbaycan bazarına getdikcə daha çox gəlirlər, həmçinin VTB Bankın nümayəndələri, bundan əlavə, davamlı inkişaf məqsədlərini müzakirə etmək üçün Sberbank ilə görüşlər də planlaşdırılır.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
rusiya, beynəlxalq iqtisadi forum, sankt-peterburq beynəlxalq iqtisadi forumu, bank, bank, bank, azərbaycan, azərbaycan
rusiya, beynəlxalq iqtisadi forum, sankt-peterburq beynəlxalq iqtisadi forumu, bank, bank, bank, azərbaycan, azərbaycan
Azərbaycanda "Mir" kartlarından istifadə Rusiyadan turist axınının artmasına səbəb olacaq
19:00 07.06.2024 (Yenilənib: 19:01 07.06.2024) Azərbaycanda Rusiya bankları fəaliyyət göstərir, Azərbaycan Beynəlxalq Bankının (ABB) Rusiyada filialı var.
BAKI, 7 iyun — Sputnik. Artıq Azərbaycanda Rusiyanın "Mir" ödəniş sisteminin kartları fəaliyyət göstərir - bu, turizm üçün çox böyük üstünlükdür və bu sistemin mövcudluğu sayəsində Rusiya Federasiyasından Azərbaycana turist axınının artacağı gözlənilir. Bunu Azərbaycanda İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Sankt-Peterburq Beynəlxalq İqtisadi Forumu (SPİEF) çərçivəsində Sputnik Azərbaycan-a müsahibəsində deyib.
"Biz kommersiya müqavilələri üzrə qarşılıqlı hesablaşmalarla bağlı məsələləri həll etmişik və həll etməkdə davam edirik".
Onun sözlərinə görə, Azərbaycanda Rusiya bankları fəaliyyət göstərir, Azərbaycan Beynəlxalq Bankının (ABB) Rusiyada filialı var. Onlar daim öz məhsullarının təqdimatlarını keçirir və Rusiya bizneslərini ödəniş mexanizmləri ilə tanış edirlər.
İcraçı direktor qeyd edib ki, logistika və tranzitlə bağlı məsələlər də öz həllini tapıb. Belə ki, Rusiya Federasiyası ilə Azərbaycan sərhədində yükdaşımalarda müəyyən çətinliklər yaransa da, 2022-ci ildə Azərbaycan tərəfində yeni müasir "Xanoba" keçid məntəqəsi istifadəyə verildikdən sonra bu gün bu məsələlər öz həllini tapıb.
"Bundan başqa, 2022-ci ilin oktyabrında biz Yaraq-Kazmalyar keçid məntəqəsi vasitəsilə aksizli malların ixracına başladıq", - Abdullayev qeyd edib.
Sputnik Azərbaycan-ın həmsöhbəti əlavə edib ki, yanvarda imzalanmış yol xəritəsi yaxın bir neçə il ərzində qarşılıqlı fəaliyyət üçün konkret plandır.
Azərbaycanda "Ximqrad"ın flaqman layihəsi
Abdullayevin sözlərinə görə, Rusiyanın "Ximqrad" texnopolisinin Azərbaycanın sənaye parkında birgə müəssisəsi flaqman layihələrdən biri olacaq.
"Bu, çox ciddi layihədir və biz hesab edirik ki, "Ximqrad"ın xaricdə birgə sənaye parklarının yaradılmasında böyük təcrübəsi var", - AZPROMO-nun icraçı direktoru bildirib.
O xatırladıb ki, may ayında Kazanda keçirilən forumda Azərbaycan İqtisadiyyat Nazirliyi yanında İqtisadi Zonaların İnkişafı Agentliyi ilə Tatarıstan Respublikasının "Ximqrad" texnopolisi arasında saziş imzalanıb. Bu gün layihənin həyata keçirilməsi üçün yol xəritəsi hazırlanır və yer seçilir.
"Bu layihə Azərbaycanla Rusiya arasında çox fəal və canlı dialoqun olduğunun göstəricisidir", - Abdullayev vurğulayıb.
İnvestisiya artım potensialı
AZPROMO-nun icraçı direktorunun sözlərinə görə, son 30 il ərzində Rusiya Federasiyası Azərbaycana 10 milyard dollara yaxın investisiya yatırıb ki, bunun da 2,5 milyard dolları qeyri-neft-qaz sektorunadır.
Abdullayev əlavə edib ki, bu gün Azərbaycanda 1900-ə yaxın Rusiya kapitallı şirkət qeydiyyatdan keçib, onlardan 1300-ü fəaldır.
"Azərbaycanda ən yüksək səviyyədə investisiya imkanları və infrastruktur yaradılıb – bunlar sənaye parkları, Ələt azad iqtisadi zonası, aqrar-sənaye kompleksi layihələri, sənaye, maşınqayırma, gəmiqayırma sahələrinə investisiyalardır", - Abdullayev qeyd edib.
O, 2023-cü ildə KAMAZ-ın işğaldan azad edilmiş ərazilərdə avadanlıqlara xidmət göstərmək üçün xidmət mərkəzi açdığını və mövcud vəziyyətə baxmayaraq, Rusiya şirkətlərinin investisiya imkanlarının hələ də yüksək və rəqabətqabiliyyətli səviyyədə qaldığının göstərdiyini deyib.
SPIEF görülən işlərin yenidən nəzərdən keçirilməsi üçün platformadır
Abdullayev qeyd edib ki, Sankt-Peterburq Beynəlxalq İqtisadi Forumu çox mühüm platforma olmaqda davam edir.
"Biz bu platformaya rusiyalı həmkarlarımızla birlikdə gördüyümüz işi yenidən nəzərdən keçirmək üçün bir fürsət kimi baxırıq", - o deyib.
Abdullayev bildirib ki, forumda Azərbaycandan olan nümayəndə heyətinə baş nazirin müavini Şahin Mustafayev rəhbərlik edir.
"İyunun 7-də Rusiya Birbaşa İnvestisiya Fondu (RDIF) ilə görüşlər planlaşdırılır ki, Azərbaycanda birgə layihələrin həyata keçirilməsi imkanları müzakirə olunub. Biz İxracın və İnvestisiyaların Təşviqi Agentliyi olaraq hesab edirik ki, investisiya sahəsində böyük potensial var və Böyük Rusiya şirkətləri Azərbaycan bazarına getdikcə daha çox gəlirlər, həmçinin VTB Bankın nümayəndələri, bundan əlavə, davamlı inkişaf məqsədlərini müzakirə etmək üçün Sberbank ilə görüşlər də planlaşdırılır.
