https://sputnik.az/20240606/seyahet-turlari-teskil-edenlere-xeberdarliq-465192168.html

Səyahət turları təşkil edənlərə xəbərdarlıq!

Səyahət turları təşkil edənlərə xəbərdarlıq!

Sputnik Azərbaycan

Baş verə biləcək ağır qəzaların qarşısının alınması və təhlükəsizliyin təmin edilməsi məqsədilə, fərdi qaydada ekskursiyalar təşkil edən şəxslərdən belə... 06.06.2024, Sputnik Azərbaycan

2024-06-06T13:45+0400

2024-06-06T13:45+0400

2024-06-06T14:25+0400

səyahət

cəmiyyət

baş dövlət yol polisi idarəsi

media-tur

turistlər

cəlilabad

https://cdnn1.img.sputnik.az/img/41677/29/416772998_0:0:3072:1728_1920x0_80_0_0_9da811005e6bbca248dfd666a5c758ff.jpg

BAKI, 6 iyun — Sputnik. Baş Dövlət Yol Polisi İdarəsindən avtonəqliyyat vasitələri ilə səyahət turları təşkil edən şəxslərə xəbərdarlıq edilib. Qurumdan Sputnik Azərbaycan-a verilən məlumata görə, hazırda səyahət məqsədilə regionlara təşkil olunan turların sayı mövsümlə əlaqədar olaraq əhəmiyyətli dərəcədə artmaqdadır. Belə səfərlər zamanı adətən qeyri-müntəzəm sərnişin daşıma fəaliyyəti ilə məşğul olan şəxslərin xidmətlərindən istifadə edilir. Lakin, təəssüf ki, əksər hallarda qeyri-müntəzəm daşımalar zamanı avtonəqliyyat vasitələrinin texniki vəziyyətinə, sürücülərin reysqabağı tibbi müayinəsinə, onların iş və istirahət rejiminə nəzarət olunmur, nəqliyyat vasitəsinin texniki xarakteristikasının keçdiyi ərazinin relyefinə uyğun olub-olmamasına, gedəcəyi ərazidəki meteoroloji şəraitə, sürücünün idarəetmə təcrübəsinə diqqət yetirilmir ki, bu da yollarda, xüsusilə də dağlıq ərazilərdə yol-nəqliyyat hadisələrinin baş vermə ehtimalını dəfələrlə artırır. Baş verə biləcək ağır qəzaların qarşısının alınması və təhlükəsizliyin təmin edilməsi məqsədilə, fərdi qaydada ekskursiyalar təşkil edən şəxslərdən belə səfərləri yalnız bu sahədə ixtisaslaşmış turizm şirkətləri vasitəsilə həyata keçirmələri xahiş olunur. Eyni zamanda, avtobus və mikroavtobus sahiblərinin, eləcə də onları idarə edən şəxslərin nəzərinə çatdırılır ki, respublikanın avtomobil yollarında ayrı-ayrı şəxslərin təşəbbüsü ilə respublikanın regionlarına qanunsuz daşımaların təşkil edilməsi hallarının aşkar ediləcəyi təqdirdə həmin nəqliyyat vasitələrinin hərəkəti qadağan edilməklə sürücüləri barədə inzibati tənbeh tədbirləri görülücək. Ümidvarıq ki, səyahətdən öncə sağlamlığını düşünən hər bir şəxs verilən tövsiyələrə biganə qalmayacaq, daha təhlükəsiz gəzintiyə üstünlük verəcək. Qeyd edək ki, bu gün Cəlilabadda turistləri daşıyan avtobus ağır qəza törədib.

https://sputnik.az/20240606/celilabadda-dehsetli-qeza-olen-ve-yaralananlar-var-465188007.html

2024

xəbərlər

ru_AZ

səyahət, baş dövlət yol polisi idarəsi, media-tur, turistlər, cəlilabad