https://sputnik.az/20240606/sertifikasiya-ile-bagli-deyisiklikler---qanun-qebul-olundu-454776430.html

Sinifdə qaldılar: 30 müəllim müsahibə mərhələsindən keçə bilməyib

Sinifdə qaldılar: 30 müəllim müsahibə mərhələsindən keçə bilməyib

Sputnik Azərbaycan

Eşqi Bağırovun sözlərinə görə, müsahibə mərhələsindən keçə bilməyənlərin əksəriyyəti orta yaş qrupuna aid müəllimlərdir. 06.06.2024, Sputnik Azərbaycan

2024-06-06T11:56+0400

2024-06-06T11:56+0400

2024-06-06T12:02+0400

sertifikasiya

təhsil

uşaq bağçası

müəllim

https://cdnn1.img.sputnik.az/img/07e4/08/14/424728642_0:0:2001:1125_1920x0_80_0_0_e8ba9f12ec4968d3fa5d0068a37d4288.jpg

BAKI, 6 iyun — Sputnik. Sertifikasiyada ötən il 30 müəllim müsahibə mərhələsindən keçə bilməyib. Sputnik Azərbaycan xəbər verir ki, bunu jurnalistlər üçün keçirilən müəllimlərin sertifikasiyası ilə bağlı məlumatlandırıcı sessiyada Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov deyib. O bildirib ki, müsahibə mərhələsindən keçə bilməyənlərin əksəriyyəti orta yaş qrupuna aid müəllimlərdir. Agentlik direktoru adətən gənc namizədlərin müsabiqədə uğurlu nəticə göstərdiyini qeyd edib: "Burada aydın görünən problem öyrətmə metodu ilə bağlıdır".Eşqi Bağırov MİQ-də qüsurlu sualların olması iddiasına münasibət bildirib. O deyib ki, müəllimlərin işə qəbulu imtahanında sualların hazırlanmasında iştirak edən şəxslər ciddi proseslərdən keçir."İmtahan suallarında hansısa çətinliyin, müzakirə doğuran halların olması təbii ki, bizim üçün də yaxşı hal deyil. Hansısa bir faiz suallarda texniki qüsurların olması arzuolunan deyil, lakin biz bunun aradan qaldırılması üçün iş aparırıq. Ötən il sualların məzmununda ən az sayda səhv aşkarlanan imtahanı keçirmişik" - Agentlik direktoru əlavə edib.12.05.23, 17:37Sertifikasiya ilə bağlı dəyişikliklər - Qanun qəbul olunduBu gün Milli Məclisin iclasında müzakirəyə çıxarılan "Təhsil haqqında" qanuna təklif edilən dəyişiklikdə sertifikasiya ilə bağlı bir sıra məqamlar öz əksini tapıb. Bu müəllimlər 3 il sertifikatlaşdırmadan keçməyəcək! Dəyişikliyə görə, dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) ilk dəfə işə qəbul olunan təhsilverənlərin sertifikatlaşdırmadan keçməyəcəkləri müddət azaldılır. Qüvvədə olan qanuna görə, dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) ilk dəfə işə qəbul olunan təhsilverənlər 5 il müddətində sertifikatlaşdırmadan keçmirlər. Təklif olunan dəyişikliyə əsasən, bu müddətin 5 ildən 3 ilə endirilməsi təklif olunur. Altmış və daha yuxarı yaşda olan şəxslərin sertifikatlaşdırmada iştirakı könüllü olacaq Başqa bir dəyişikliyə görə, dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) 60 və daha yuxarı yaşda olan şəxslərin sertifikatlaşdırmada iştirakı könüllü olacaq. Bağça müəllimləri sertifikatlaşdırmadan keçəcək Həmçinin dövlət məktəbəqədər təhsil müəssisələrində təhsilverənlər sertifikatlaşdırmadan keçəcək. Qeyd edək ki, hazırda 60 və daha yuxarı yaşda olan şəxslərin sertifikatlaşdırmada iştirakına dair müddəa yer almayıb. Bu, təhsilverənlərin vəzifələri sırasına daxil edilib. Beləliklə, dövlət məktəbəqədər təhsil müəssisələrində pedaqoji fəaliyyətlə məşğul olan, ali və orta ixtisas təhsilinə malik təhsilverənlərin peşəkarlıq səviyyəsi və peşə yararlılığı yoxlanılacaq. Dövlət məktəbəqədər təhsil müəssisələrində işləyən təhsilverənlər 5 (beş) ildə bir dəfə müvafiq icra hakimiyyəti orqanının müəyyən etdiyi orqan (qurum) tərəfindən sertifikatlaşdırmadan keçəcəklər. Dövlət məktəbəqədər təhsil müəssisələrində işləyən təhsilverənlərin sertifikatlaşdırma qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən ediləcək. Sertifikatlaşdırmadan keçən şəxslərə 5 (beş) il müddətində dövlət məktəbəqədər təhsil müəssisələrində pedaqoji fəaliyyətlə məşğul olmaq hüququ veriləcək. Bununla belə, dövlət məktəbəqədər təhsil müəssisələrində 60 və daha yuxarı yaşda olan şəxslərin sertifikatlaşdırmada iştirakı könüllü olacaq. İlk dəfə işə qəbul olunanlar 3 il müddətində sertifikatlaşdırmadan keçməyəcəklər. Eyni zamanda hamilə qadınlar, uşağının üç yaşınadək sosial məzuniyyətdə olan və həmin məzuniyyət bitdikdən sonra 1 (bir) ildən az müddətdə müvafiq vəzifədə (peşədə) çalışan qadınlar (uşağını təkbaşına böyüdən kişilər) və azı üç dəfə sertifikatlaşdırmadan keçmiş şəxslər sertifikatlaşdırmadan keçməyəcəklər. Üzrlü səbəblərdən sertifikatlaşdırmada iştirak etməyən və ya sertifikatlaşdırmadan keçməyən şəxslər 1 (bir) il müddətində iş yeri saxlanılmaqla, təkrar sertifikatlaşdırmada iştirak etmək hüququna malikdirlər. Təkrar sertifikatlaşdırmada iştirak etməyən şəxslər sertifikatlaşdırmadan keçməmiş hesab olunurlar. Bununla əlaqədar "Məktəbəqədər təhsil haqqında" qanuna da müvafiq dəyişikliklər edilir. "Məktəbəqədər təhsil haqqında" qanuna əsasən, məktəbəqədər təhsil müəssisəsinin işçiləri Əmək Məcəlləsinə uyğun olaraq attestasiyadan keçirilir. Təklif olunan dəyişikliyə əsasən, sertifikatlaşdırmadan keçən işçilər istisna olmaqla, məktəbəqədər təhsil müəssisəsinin işçiləri Əmək Məcəlləsinə uyğun olaraq attestasiyadan keçiriləcək. Qanun layihəsi səsverməyə çıxarılaraq birinci oxunuşda qəbul edilib. Qeyd edək ki, təhsilverənlərin sertifikatlaşdırılmasının keçirilməsində məqsəd ümumi təhsil müəssisələrində pedaqoji və idarəetmə fəaliyyəti ilə məşğul olan, ali və orta ixtisas təhsilinə malik təhsilverənlərin peşəkarlıq səviyyələrinin və peşə yararlılıqlarının yoxlanılması, onların peşəkar inkişafına nail olmaq və təlim ehtiyaclarını öyrənməkdir. Məlumat üçün bildirək ki, Azəbaycanda müəllimlərin sertifikasiyası 2022-ci ildə keçirilib. On bir min ibtidai sinif müəllimi bu prosesdə iştirak edib. Onlardan 2800-ü minimum keçid balını toplaya bilməyib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

sertifikasiya, uşaq bağçası, müəllim