https://sputnik.az/20240605/tarixde-bu-gun-5-iyun--foto-465143986.html

Tarixdə bu gün: 5 iyun – FOTO

Tarixdə bu gün: 5 iyun – FOTO

Sputnik Azərbaycan

Bu gün müxtəlif illərdə dünyada və ölkədə baş verən hadisələr barədə Sputnik Azərbaycan-ın icmalında oxuyun. 05.06.2024, Sputnik Azərbaycan

2024-06-05T08:47+0400

2024-06-05T08:47+0400

2024-06-05T08:47+0400

iyun

cəmiyyət

tarixdə bu gün

prezident ilham əliyev

prezident ilham əliyevin sərəncamı

antalya

antalya

https://cdnn1.img.sputnik.az/img/07e8/05/1e/465034139_42:0:1158:628_1920x0_80_0_0_e6165f2d087c0cee64fb59ff2bdc9833.jpg

BAKI, 5 iyun — Sputnik. İyunun 5-də bir çox dünya şöhrətli aktyorlar, alimlər, idmançılar, yazıçılar və siyasətçilər dünyaya gəlib. Bu gün həmçinin tarixə düşən hadisələr də baş verib. İyunun 5-də kim anadan olub? Mikayıl Müşviq (1908-1938) - yaradıcılığında sevgi və gözəlliyi tərənnüm edən çoxlu şeirlər yaradan Azərbaycan şairidir. O, əsərlərində sosial-mədəni məsələlərə də münasibət bildirib. Şair 1937-1938-ci illərin "böyük terrorunun" qurbanı olub. Vaqif Səmədoğlu (1939-2015) - Azərbaycanın xalq şairi və "Humay" mükafatı laureatıdır. O, "Şərəf", "Şöhrət" və "İstiqlal" ordenləri ilə təltif edilib. Hamlet Xanızadə (1941-1990) - Azərbaycan SSR əməkdar artisti, teatr və kino aktyorudur. O, "Yeddi oğul istərəm", "Axırıncı aşırım", "Arxadan vurulan zərbə", "Babək", "Qızıl uçurum", "Birisigün, gecəyarısı" filmlərində rol alıb. Natiq Rəsulzadə (1949) - Azərbaycanın xalq yazıçısı və "Şöhrət" ("Şöhrət") ordeninin sahibidir. O, təkcə vətənində deyil, həm də Rusiya, Macarıstan, Polşa və Yuqoslaviyada nəşr olunan 30-dan çox kitabın müəllifidir. Bunlardan "İntihar edənin gündəliyi", "Gecə çaparı", "Nonsens", "Sevgi ili", "Bayramda yağış", "Xəyallar arasında" kitablarını qeyd etmək olar. Uorren Frost (1925-2017) - ABŞ teatr və kino aktyorudur. "Twin Peaks" filmi aktyora böyük populyarlıq gətirib. Barbara Brılska (1941) - Polşa teatr və kino aktrisasıdır. O, SSRİ-də Eldar Ryazanovun "Taleyin ironiyası, ya da həmişə təmizlikdə!" filminin baş qəhrəmanı Nadya Şevelyova rolu ilə tanınıb. Yuri Vyazemski (1951) – Sovet və Rusiya yazıçısı, teleaparıcı, RF əməkdar mədəniyyət işçisidir. O, "Parlaq zəka" televiziya proqramının müəllifi və daimi aparıcısıdır (1992-ci ildən). Valdis Pelş (1967) - rusiyalı musiqiçisi, şoumen, teleaparıcı, rejissor və prodüserdir. O, "Melodiyanı tapın", "Rusiya ruletkası" televiziya proqramlarının aparıcısı kimi şöhrət qazanıb. Mark Uolberq (1971) - ABŞ aktyoru, musiqiçi və modeldir. O, "Mükəmməl fırtına", "Meymunlar planeti", "İtalyan sayağı soyğunçuluq", "Maks Peyn" və s. filmlərdə rol alıb. Hüseyn Həsənov (1994) Azərbaycan əsilli rusiyalı blogerdir. O, müxtəlif illərdə "İlin kişi blogeri" və "İlin blogeri" mükafatlarına layiq görülüb. 5 iyun tarixində dünyada baş verən tarixi hadisələr 1972-ci ildə BMT Baş Assambleyasının 27-ci sessiyasında iyunun 5-i Ümumdünya Ətraf Mühit Günü elan edilib. Həmçinin BMT-nin ətraf mühit üzrə yeni proqram - YUNEP də qəbul edilib. 1981-ci ildə Xəstəliklərə Nəzarət Mərkəzindən olan amerikalı alim Maykl Qotlib ilk dəfə immunitet sisteminin dərin zədələnməsi ilə yeni bir xəstəliyi təsvir edib. Hərtərəfli analiz ABŞ tədqiqatçıların 1982-ci ildə "Aquired Immune Deficience Syndrom" (AIDS) - Qazanılmış İmmun Çatışmazlığı Sindromu (QİÇS) adını almış əvvəllər məlum olmayan sindromun mövcudluğu ilə bağlı nəticəyə gətirib. 2006-cı ildə Türkiyənin Antalya şəhərində 40 ölkədən 300 nümayəndənin iştirak etdiyi Dünya Azərbaycanlı Ziyalılarının I Forumu keçirilib. 2014-cü ildən Prezident İlham Əliyevin sərəncamı ilə Azərbaycanda Su Təsərrüfatı və Meliorasiya İşçiləri Günü qeyd edilir.

antalya

2024

xəbərlər

ru_AZ

iyun, tarixdə bu gün , prezident ilham əliyev, prezident ilham əliyevin sərəncamı, antalya, antalya