CƏMİYYƏT
Cəmiyyətin həyatında baş verən aktual hadisələr

Dövlət Xidməti taksi qiymətərinə münasibət bildirib

© iStock.com / hanohikiTaksi
Taksi - Sputnik Azərbaycan, 1920, 05.06.2024
Abunə olmaq
Qeyd edək ki, gələn ayın birindən ölkədə taksi fəaliyyəti ilə bağlı yeni qaydalar qüvvəyə minəcək. Sosial şəbəkələrdə və KİV-lərdə bununla əlaqədar paytaxtdakı taksi şirkətlərinin qiymətləri kəskin artırdığı bildirilir.
BAKI, 5 iyun — Sputnik. Azərbaycanda Nazirlər Kabinetinin 178 saylı Qərarı ilə "Qiymətləri (tarifləri) dövlət tərəfindən tənzimlənən malların (işlərin, xidmətlərin) Siyahısı" təsdiq edilib.
Bu barədə APA-ya İqtisadiyyat Nazirliyi yanında Antiinhisar və İstehlak Bazarlarına Nəzarət Dövlət Xidmətindən bildirilib.
Qeyd edilib ki, həmin siyahıya daxil olan xidmətlərin qiymətləri dövlət tərəfindən müəyyən edilir. Digər xidmətlərin tarifləri , o cümlədən taksi xidmətlərinin tarifləri bazar prinsiplərinə uyğun olaraq tələb və təklif əsasında sahibkarlıq subyektləri tərəfindən sərbəst müəyyən edilir.
Eyni zamanda, "Sahibkarlıq fəaliyyəti haqqında" qanuna əsasən sahibkarlar qanunvericiliyə əməl etməklə öz xidmətləri üçün qiymətləri (tarifləri) sərbəst müəyyənləşdirmək hüququna malikdir.
Bununla belə, Antiinhisar və İstehlak Bazarına Nəzarət Dövlət Xidməti əsassız qiymət dəyişikliyinin qarşısının alınması, qiymət formalaşması zamanı antiinhisar qanunvericiliyinə riayət olunmasına nəzarət məqsədilə istehlak bazarında mütəmadi monitorinqlər aparır və pozuntu aşkar olunduqda qanunvericiliyə uyğun tədbirlər görür.
Qeyd edək ki, gələn ayın birindən ölkədə taksi fəaliyyəti ilə bağlı yeni qaydalar qüvvəyə minəcək. Sosial şəbəkələrdə və KİV-lərdə bununla əlaqədar paytaxtdakı taksi şirkətlərinin qiymətləri kəskin artırdığı bildirilir.
Xatırladaq ki, Azərbaycanda Uber operatorlarında qiymət artımı barədə məlumat yayılıb. Sosial şəbəkələrdə Uber-dən taksi sifarişlərinin 2 manat 50 qəpiklik yolu 6 manat göstərdiyi bildirilir. Uber taksi şirkətindən isə Sputnik Azərbaycan-ın sorğusuna cavabda bildirilib ki, qiymət artımına müxtəlif amillər təsir göstərir (hava şəraiti, sürücü azlığı, qaynar saatlar və s.). "Təəssüf ki, biz bu prosesə müdaxilə edə bilmərik. Xoş günlər arzulayırıq" - deyə bildirilib.
Hazırda Uber taksi operatorunun mobil platformasında minimum gediş haqqı 2 manat 40 qəpik göstərilir.
Ötən ay "Bolt" taksi şirkəti taksilərdə gediş haqqını 9 faiz bahalaşdırıb. Şirkətdən qiymətlərdə 9 faiz bahalaşma olduğunu təsdiqləyiblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0