CƏMİYYƏT
Cəmiyyətin həyatında baş verən aktual hadisələr

Sabah ilk zəvvar qrupu Həcc ziyarətinə gedəcək

© AFP 2023 / ABDEL GHANI BASHIRHəcc ziyarəti, arxiv
Həcc ziyarəti, arxiv - Sputnik Azərbaycan, 1920, 03.06.2024
Abunə olmaq
İlk zəvvar qrupu 05:35-də Bakıdan təyyarə ilə yola düşəcək, 08:45-də isə Səudiyyət Ərəbistanına çatacaq.
BAKI, 3 iyun — Sputnik. Sabah ilk zəvvar qrupu Azərbaycandan Həcc ziyarətinə gedəcək.
Bu barədə Qafqaz Müsəlmanları İdarəsinin Xarici Əlaqələr şöbəsinin müdiri və Həcc Elektron Sistem məsulu Vüsal Cahangiri bildirib.
Onun sözlərinə görə, ilk zəvvar qrupu 05:35-də Bakıdan təyyarə ilə yola düşəcək, 08:45-də isə Səudiyyət Ərəbistanına çatacaq. İlk zəvvar qrupunda 180 nəfər olacaq. Sabah 180 nəfərlik ikinci zəvvar qrupu isə 16:35-də yola düşəcək.
Qeyd edək ki, Azərbaycandan Həcc ziyarəti üçün sənəd qəbuluna fevralın 12-dən başlanılıb. Bir nəfər üçün ziyarət paketinin qiyməti 5850 ABŞ dolları təşkil edir. Ziyarət vahid formada təşkil olunacaq və hava nəqliyyatı ilə həyata keçiriləcək. Bu il Azərbaycandan Həcc ziyarəti üçün 1500 kvota ayrılıb.
Xəbər lenti
0