DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

Fon der Lyayen Bolqarıstanda Rusiya bayraqları ilə qarşılanıb

© AP Photo / Markus SchreiberUrsula Fon der Lyayen, arxiv şəkli
Ursula Fon der Lyayen, arxiv şəkli - Sputnik Azərbaycan, 1920, 03.06.2024
Abunə olmaq
Aİ rəsmilərinin özləri də Avropa Komissiyasının sədrinin ikinci müddətə yenidən seçiləcəyinə şübhə ilə yanaşırlar.
BAKI, 3 iyun — Sputnik. Avropa Komissiyasının rəhbəri Ursula fon der Lyayenin Bolqarıstana səfəri insidentlə başlayıb. Bolqarıstanın Plovdiv şəhərində sakinlər siyasətçini fit və Rusiya bayraqları ilə qarşılayıblar.
Bu barədə “aif.ru” saytı məlumat verib.
Yerli sakinlər fon der Lyayenin çıxış etdiyi Antik Teatrın qarşısına toplaşıblar. Onlar özləri ilə Rusiya bayrağı və xüsusi hərbi əməliyyatın simvollarını gətiriblər, əllərində isə “NATO-ya yox!” və "Von der Lyayen Avropanı öldürür" yazılmış plakatlar olub.
Toplaşanlar almanca “Sizi burada görməyimizə heç də sevinmirik” qışqırıblar.
Xatırladaq ki, fevral ayında Ursula fon der Lyayen ikinci müddətə namizəd olmaq üçün "lazımi qədər götür-qoy etdiyini və şüurlu" qərar verdiyini söyləyib.
O, çıxışında ilk dəfə 5 il əvvəl Aİ-nin rəhbəri olmaq qərarına gəldiyini xatırladıb. Onu da qeyd edək ki, Aİ rəsmilərinin özləri də Avropa Komissiyasının sədrinin ikinci müddətə yenidən seçiləcəyinə şübhə ilə yanaşırlar.
Xəbər lenti
0