https://sputnik.az/20240528/lham-eliyev-musteqillik-gununde-agdamda-bir-nece-kendin-temelini-qoyub-464984322.html

İlham Əliyev və Mehriban Əliyeva Xocalı şəhərinə köçən sakinlərlə görüşüblər

İlham Əliyev və Mehriban Əliyeva Xocalı şəhərinə köçən sakinlərlə görüşüblər

Sputnik Azərbaycan

Azərbaycan Respublikasının Prezidenti İlham Əliyev və ailə üzvləri Xocalıda 15 çoxmənzilli binada təmir və yenidənqurmadan sonra yaradılan şəraitlə tanış... 28.05.2024, Sputnik Azərbaycan

2024-05-28T23:33+0400

2024-05-28T23:33+0400

2024-05-28T23:33+0400

prezident ilham əliyev

müstəqillik günü

"azərbaycanın müstəqillik günü"

ağdam

ağdam rayonu

qarabağın dirçəlişi və reinteqrasiyası

xocalı

xocalı soyqırımı

mehriban əliyeva

birinci xanım mehriban əliyeva

https://cdnn1.img.sputnik.az/img/07e8/05/1c/464994942_0:49:948:582_1920x0_80_0_0_256530e6bea9d36931ae7fa105dcf81e.jpg

BAKI, 28 may - Sputnik. Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva mayın 28-də Xocalı şəhərinə köçən sakinlərlə görüşüblər.Dövlətimizin başçısı və birinci xanım əvvəlcə sakinlərlə söhbət ediblər. İlham Əliyev və Mehriban Əliyeva sakinləri Müstəqillik günü münasibətilə təbrik ediblər. "Əlbəttə ki, bu qayıdışın Müstəqillik Gününə təsadüf etməsi təsadüfi deyil. Çünki bildiyiniz kimi, keçən il Müstəqillik Günündə mən Laçın şəhərində laçınlılara evlərinin açarlarını təqdim etmişdim. İki il bundan əvvəl Müstəqillik Günü ərəfəsində - mayın 27-də Ağalı sakinləri ilə görüşmüşdüm. Onlar da məhz o gündə köçmüşdülər. Bu gün isə xocalılılar qayıdırlar. Bu, gözəl tarixi hadisədir. Xocalı da gördüyünüz kimi, gözəlləşir, yenidən qurulur" - Prezident deyib.O qeyd edib ki, Xocalı əvvəlkindən daha gözəl şəhərdir və daha da gözəl olacaq. "Bu gün sadəcə olaraq, birinci mərhələdir. Bu gün, əslində, Böyük Qayıdış proqramının Xocalı səhifəsi yazılır. Yaxın gələcəkdə digər xocalılılar da buraya qayıdacaqlar, əminəm ki, böyük həvəslə" - İ.Əliyev qeyd edib.O xatırladıb ki, xocalılılar müxtəlif yerlərdə məskunlaşmışdılar və müstəqillik illərini Xocalıdan ayrı keçirməli oldular. Müstəqilliyin bərpası elan olunandan dörd ay sonra Ermənistan Xocalı soyqırımını törətdi, günahsız insanları qətlə yetirdi, insanlığa qarşı cinayət törətdi. Xocalılılar faktiki olaraq müstəqilliyin bütün illərini başqa-başqa yerlərdə keçirməli oldular, o cümlədən Ağcakənd kəndində. Prezident xatırladıb ki, birinci köçkün qəsəbəsi məhz Ağcakənd qəsəbəsində xocalılılar üçün Ulu Öndərin iştirakı ilə salınıb:"Mən də, Mehriban xanım da o vaxt orada idik və o vaxtdan bu günədək, görün, nə qədər gözəl tarix yazdıq, Qarabağı tam azad etdik. Mən bilirəm ki, İkinci Qarabağ müharibəsi başa çatanda xocalılılar inanırdılar, bilirdilər ki, bu gün də gələcək". İlham Əliyev qeyd edib ki, xocalılılar bəlkə də qayıdışın bu qədər tez baş verəcəyini gözləmirdilər: "Çünki müxtəlif fikirlər var idi, o cümlədən Ermənistanda müxtəlif gözləntilər var idi. Burada - Xocalıda, Xankəndidə, o vaxt hələ ki, azad edilməmiş digər şəhər və kəndlərimizdə separatçılar at oynadırdılar. Onlar hesab edirdilər ki, burada separatçılıqla əbədi məşğul olacaqlar. Halbuki bunun heç bir hüquqi, tarixi əsası yox idi. Xocalı qədim Azərbaycan torpağıdır. Mənfur düşmən soyqırımı törədəndən sonra burada qanunsuz məskunlaşma da aparmışdır. Bu da hərbi cinayət sayılır. Xocalının adını da dəyişdirməyə, bir hərbi cinayətkarın adına rəsmiləşdirməyə çalışırdılar. Ancaq hər şeyin vaxtı var və biz qayıtmışıq, həm Vətən müharibəsi, həm antiterror əməliyyatı xalqımızın gücünü, iradəsini, əsgər və zabitlərimizin qəhrəmanlığını bütün dünyaya sübut etdi. Allah bütün şəhidlərimizə rəhmət eləsin!"Daha sonra Prezident şəhidlərin qəhrəmanlığından danışıb:"Onların qəhrəmanlığı, fədakarlığı sayəsində biz bu gün buradayıq. Onlar sinələrini qabağa verərək düşmənə elə bir sarsıdıcı zərbə endirmişlər ki, əminəm, bundan sonra Ermənistan heç vaxt Azərbaycana qarşı hər hansı bir hərbi təxribat törətməyə cəhd etməyəcək. Halbuki Ermənistanda revanşistlər də kifayət qədər çoxdur. Biz son hadisələri də izləyirik, görürük ki, bizə qarşı yenidən ərazi iddiaları irəli sürmək cəhdləri var. Ona görə biz hər an hazır olmalıyıq. Əlbəttə ki, ilk növbədə, ordumuzu daha da gücləndirməliyik və bunu edirik.Bu gün hərbçilər üçün inşa edilmiş evlərlə də tanış oldum. Bütün Qarabağ və Şərqi Zəngəzur çox möhkəm bir istehkam zonası olacaq və burada artıq bu istiqamətdə işlər görülür ki, Azərbaycan xalqı əbədi əmin olsun, bir daha bu faciələr bizim xalqımızın başına gəlməyəcək".Prezident qeyd edib ki, bu gün cəmi 8 ay ərzində bərpa edilmiş Xocalıda görüş xüsusi məna daşıyır:"Məhz Müstəqillik Günündə mən sizinlə yenidən görüşmək istəmişəm. Üç ay bundan əvvəl - fevralın 26-da hər birimiz üçün faciəli gündə Xocalıda Memorial Kompleksin təməlini qoyduq. Bu gün isə artıq xocalılılar qayıdır və şəhər də göz oxşayır.Həm abad, gözəl evlər, istirahət zonaları. O qədər gözəl təbiəti var ki, burada yaşamaq, yaratmaq hər bir insana xüsusi zövq verəcək. Siz də buna layiqsiniz. Siz otuz ildən çox müxtəlif yerlərdə yaşamısınız - kimi yataqxanada, kimi uşaq bağçasında, kimi qohumların evində, kimi də qəsəbədə. Bilirsiniz, mən işğal dövründə xocalılılarla dəfələrlə görüşmüşdüm, - Bakıda və digər yerlərdə qəsəbə salınmışdır, - deyirdim ki, gün gələcək sizinlə Xocalıda görüşəcəyik. Bax, bu gün də gəldi. Sizi təbrik edirəm. Sizə cansağlığı arzulayıram".Sonra dövlət başçısı və birinci xanım evlərin açarlarını sakinlərə təqdim ediblər, xatirə şəkli çəkdiriblər. Sakinlər də öz növbələrində onları öz ev-eşiklərinə, abadlaşdırılmış şəhərlərinə qaytardığına görə ölkə başçısına minnətdarlıqlarını bildiriblər. Daha sonra Prezident İlham Əliyev, birinci xanım Mehriban Əliyeva və qızları Arzu Əliyeva sakinlərlə birlikdə Xocalı şəhərini gəziblər, görülən işlərlə tanış olublar.Prezident və ailə üzvləri Xocalıda yaradılan şəraitlə tanış olublarAzərbaycan Prezidenti İlham Əliyev, birinci xanım Mehriban Əliyeva və qızları Arzu Əliyeva mayın 28-də Xocalı şəhərində 15 çoxmənzilli binada təmir və yenidənqurmadan sonra yaradılan şəraitlə tanış olublar.Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi Elçin Yusubov və Mənzil İnşaatı Dövlət Agentliyinin İdarə Heyətinin sədri Sadiq Sadıqov görülən işlər barədə məlumat veriblər.Onlar bildiriblər ki, Xocalı şəhərindəki yarımçıq tikili olan yaşayış kompleksi əsaslı təmir edilib. Kompleks 3,34 hektar ərazini əhatə edir. Burada hər biri ikigirişli olmaqla üçmərtəbəli 15 binada ikiotaqlı, üçotaqlı və dördotaqlı 80 mənzil var. Kompleksdə uşaq oyun meydançaları, idman qurğuları, idman meydançası, söhbətgahlar yaradılıb.Sonra dövlət başçısı və birinci xanım kompleksdə yaradılan şəraitlə tanış olublar.***Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Arzu Əliyeva mayın 28-də Xocalıda olublar. Onlar Xocalı şəhərində 15 çoxmənzilli binada təmir və yenidənqurmadan sonra yaradılan şəraitlə tanış olublar.Bundan əvvəl Prezidenti İlham Əliyev Ağdam rayonunun Güllücə, Nəmirli, Şotlanlı və Tağıbəyli kəndlərinin təməlqoyma mərasimində iştirak edib.

2024

xəbərlər

ru_AZ

prezident ilham əliyev, müstəqillik günü, "azərbaycanın müstəqillik günü", ağdam, ağdam rayonu, xocalı, xocalı soyqırımı, mehriban əliyeva, birinci xanım mehriban əliyeva, arzu əliyeva