https://sputnik.az/20240524/xalca-bele-yarandi---lacinda-rengareng-sergi-464892745.html
"Xalça belə yarandı" - Laçında rəngarəng sərgi
"Xalça belə yarandı" - Laçında rəngarəng sərgi
Sputnik Azərbaycan
Sərgidə laçınlı Azərbaycan Rəssamlar İttifaqının üzvü Elnarə Rəsulovanın ideya müəllifi olduğu eskizlər və xalçalar, həmçinin şəxsi kolleksiyasındakı qədim... 24.05.2024, Sputnik Azərbaycan
2024-05-24T20:41+0400
2024-05-24T20:41+0400
2024-05-24T20:41+0400
xalça
qarabağın dirçəlişi və reinteqrasiyası
laçın
toxuma
əsər
ipək
azərbaycan
https://cdnn1.img.sputnik.az/img/07e5/07/08/427422774_0:0:3072:1728_1920x0_80_0_0_5f2784f0686e460172a270bbbf808dd7.jpg
BAKI, 24 may — Sputnik. Azərbaycan Respublikası Prezidentinin Laçın rayonunda xüsusi nümayəndəsi və Bakı Abadlıq Xidmətinin birlikdə təşkilatçılığı ilə 2024-cü il mayın 24-də Laçın şəhərində "Xalça belə yarandı" adlı layihəsi çərçivəsində tədbir keçirilir. Sputnik Azərbaycan xəbər verir ki, tədbirdə əslən laçınlı Azərbaycan Rəssamlar İttifaqının üzvü Elnarə Rəsulovanın ideya müəllifi olduğu eskizlər və xalçalar, həmçinin şəxsi kolleksiyasındakı qədim xalça nümunələri nümayiş olunur. Bu layihədə ecazkar təbiətə malik olan Laçın torpağında, Həkəri çayının sahilində - çobanın yaylaqda qoyun otarması, qoyunun qırxılması, yunun daranması, əyrilməsi və boyanmasından başlayaraq, xalçanın toxunmasına qədər bütün proses mərhələ-mərhələ təqdim edilib. Tədbirin əsas mahiyyəti Azərbaycan xalçaçılığının inkişaf mərhələlərini ardıcıl nümayiş etdirməklə mədəniyyətimizin ayrılmaz hissəsi olan xalçanın ərsəyə gəlməsini əyani şəkildə nümayiş etdirməkdir. Tədbirdə iştirak edən qonaqlara toxucu xanımlar tərəfindən master-klas keçirilir. Laçında doğulub böyüyən Elnarə Rəsulovanın təqdim etdiyi nümunələr ənənəvi xalça kompozisiyalarından fərqli olaraq haşiyə və çərçivə əsasında qurulmayıb. Onun ideyası ilə toxunmuş "Qarabağ atı" (2023), "Çələbi" (2023), "Ərciman" (2023), "Borçalı" (2024) adlı xalçalarda kompozisiyanın əsasını təşkil edən əriş iplərinin aşkar şəkildə görünməsi əsərlərə xüsusi rəng qatır. Müəllifin "Laçın zirvəsi" adlı xalçasının dəzgahdan kəsim prosesi təntənəli qeyd edilib. Tədbirdə müəllifin digər əsəri, analoqu olmayan "Ata vəsiyyəti - oğul zəfəri" adlı xalçasının təqdimatı baş tutub. Xalçanın əsas özəlliklərindən biri onun ikitərəfli toxunmasıdır. İpək və yundan toxunmuş bu sənət əsəri 2 il 4 aya ərsəyə gəlib. Tədbirdə, həmçinin müəllifin digər əsərləri də nümayiş olunmaqdadır.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
xalça, laçın, toxuma, əsər, ipək, azərbaycan
xalça, laçın, toxuma, əsər, ipək, azərbaycan
"Xalça belə yarandı" - Laçında rəngarəng sərgi
Sərgidə laçınlı Azərbaycan Rəssamlar İttifaqının üzvü Elnarə Rəsulovanın ideya müəllifi olduğu eskizlər və xalçalar, həmçinin şəxsi kolleksiyasındakı qədim xalça nümunələri nümayiş olunur.
BAKI, 24 may — Sputnik. Azərbaycan Respublikası Prezidentinin Laçın rayonunda xüsusi nümayəndəsi və Bakı Abadlıq Xidmətinin birlikdə təşkilatçılığı ilə 2024-cü il mayın 24-də Laçın şəhərində "Xalça belə yarandı" adlı layihəsi çərçivəsində tədbir keçirilir.
Sputnik Azərbaycan xəbər verir ki, tədbirdə əslən laçınlı Azərbaycan Rəssamlar İttifaqının üzvü Elnarə Rəsulovanın ideya müəllifi olduğu eskizlər və xalçalar, həmçinin şəxsi kolleksiyasındakı qədim xalça nümunələri nümayiş olunur.
Bu layihədə ecazkar təbiətə malik olan Laçın torpağında, Həkəri çayının sahilində - çobanın yaylaqda qoyun otarması, qoyunun qırxılması, yunun daranması, əyrilməsi və boyanmasından başlayaraq, xalçanın toxunmasına qədər bütün proses mərhələ-mərhələ təqdim edilib.
Tədbirin əsas mahiyyəti Azərbaycan xalçaçılığının inkişaf mərhələlərini ardıcıl nümayiş etdirməklə mədəniyyətimizin ayrılmaz hissəsi olan xalçanın ərsəyə gəlməsini əyani şəkildə nümayiş etdirməkdir. Tədbirdə iştirak edən qonaqlara toxucu xanımlar tərəfindən master-klas keçirilir. Laçında doğulub böyüyən Elnarə Rəsulovanın təqdim etdiyi nümunələr ənənəvi xalça kompozisiyalarından fərqli olaraq haşiyə və çərçivə əsasında qurulmayıb.
Onun ideyası ilə toxunmuş "Qarabağ atı" (2023), "Çələbi" (2023), "Ərciman" (2023), "Borçalı" (2024) adlı xalçalarda kompozisiyanın əsasını təşkil edən əriş iplərinin aşkar şəkildə görünməsi əsərlərə xüsusi rəng qatır.
Müəllifin "Laçın zirvəsi" adlı xalçasının dəzgahdan kəsim prosesi təntənəli qeyd edilib.
Tədbirdə müəllifin digər əsəri, analoqu olmayan "Ata vəsiyyəti - oğul zəfəri" adlı xalçasının təqdimatı baş tutub.
Xalçanın əsas özəlliklərindən biri onun ikitərəfli toxunmasıdır. İpək və yundan toxunmuş bu sənət əsəri 2 il 4 aya ərsəyə gəlib. Tədbirdə, həmçinin müəllifin digər əsərləri də nümayiş olunmaqdadır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
