CƏMİYYƏT
Cəmiyyətin həyatında baş verən aktual hadisələr

On səkkiz yaşa çatmamış nişanlanmanın qadağan edilməsi təklif olunub

© AFP 2023 / MIGUEL MEDINANişan üzükləri
Nişan üzükləri - Sputnik Azərbaycan, 1920, 24.05.2024
Abunə olmaq
Ailə, Qadın və Uşaq Problemləri üzrə Dövlət Komitəsinin sədri Bahar Muradova bu məsələnin ciddi müzakirə olunduğunu söyləyib. O bildirib ki, erkən yaşda nişanlanma bizim tərəfimizdən ailələr arasında sövdələşmə kimi qəbul edilir.
BAKI, 24 may — Sputnik. "İl ərzində dünyada 10 milyondan çox erkən nikah qeydə alınır". Bunu Milli Məclisin bu gün keçirilən plenar iclasında deputat Vüqar İskəndərov deyib.
Deputat bildirib ki, Azərbaycanda nikah yaşı ilə bağlı istisna gələcəkdə aradan qaldırılmalıdır:
"On səkkiz yaşdan erkən nişanlanmanın qarşısının alınmasının da qanunda nəzərdə tutulmasını təklif edirəm. Biz bununla erkən nikahların qarşısını da almış olacağıq".
© Sputnik / Murad OrujovBahar Muradova, arxiv
Milli Məclisinin deputatı Bahar Muradova Bakıda Sürətli Əlaqələndirmə və Layihələri İdaretmə Sisteminin təqdimatında - Sputnik Azərbaycan, 1920, 24.05.2024
Bahar Muradova, arxiv
Ailə, Qadın və Uşaq Problemləri üzrə Dövlət Komitəsinin sədri Bahar Muradova bu məsələnin ciddi müzakirə olunduğunu söyləyib:

"Erkən yaşda nişanlanma bizim tərəfimizdən ailələr arasında sövdələşmə kimi qəbul edilir. Biz nişanlanma sözünü qanunvericiliyə sala bilmirik. Amma biz bunun qanunvericilikdə əksini tapması üçün işləyirik".

Qeyd edək ki, bu gün Milli Məclis Gender bərabərliyinin təmin olunmasına nəzarəti həyata keçirən icra hakimiyyəti orqanının illik məlumatını qəbul edib. Hesabatı Ailə, Qadın və Uşaq Problemləri üzrə Dövlət Komitəsinin sədri Bahar Muradova təqdim edib.
Deputatların müzakirələrindən sonra illik məlumat səsverməyə qoyularaq qəbul olunub.
Ailə Məcəlləsi nə deyir?
Maddə 10. Nikahın yaşı
Azərbaycan Respublikasında nikah yaşı 18 yaş müəyyən olunur.
Üzürlü səbəblər olduqda, nikaha daxil olmaq istəyən və nikah yaşına çatmamış şəxslərin yaşadıqları ərazinin müvafiq icra hakimiyyəti orqanı onların xahişi ilə nikah yaşının 1 ildən çox olmayaraq azaldılmasına icazə verə bilər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0