DÜNYA XƏBƏRLƏRİ
Dünyada baş verən ən önəmli hadisələr və aktual məqalələr

MDB ölkələrinin təhlükəsizlik orqanları və kəşfiyyat xidmətləri rəhbərləri Bişkekə yığışıb

© Sputnik / Сергей КарпухинMDB
MDB - Sputnik Azərbaycan, 1920, 24.05.2024
Abunə olmaq
Tədbir zamanı MDB ölkələrinin təhlükəsizlik orqanları və kəşfiyyat xidmətlərinin müxtəlif fəaliyyət sahələri üzrə işçi orqanlarının iclasları keçiriləcək.
BAKI, 24 may — Sputnik. Bişkekdə MDB ölkələrinin təhlükəsizlik orqanları və kəşfiyyat xidmətləri rəhbərlərinin 54-cü iclası keçirilir. Qırğızıstan Prezidenti Sadır Japarov iclas iştirakçıları ilə görüşüb.
Rusiya FTX-nin mətbuat xidmətinin məlumatına görə, tədbir çərçivəsində MDB-də vəziyyəti sabitləşdirmək və konstitusiya quruluşunu zorla dəyişdirmək üçün xaricdə döyüş hazırlığı və təcrübə keçmiş şəxslərin fəaliyyətinin müəyyən edilməsi və qarşısının alınması üçün birgə tədbirlər müəyyən ediləcək.

"Tədbir iştirakçıları terrorizm və dini ekstremizmlə mübarizə sahəsində, o cümlədən terrorizmə qarşı mübarizə üzrə beynəlxalq məlumat bankı çərçivəsində məlumat mübadiləsinin təkmilləşdirilməsi yollarını açıqlayacaq, MDB ölkələrinin 2023-2025-ci illər üçün terrorizmə və ekstremizmin digər təzahürlərinə qarşı mübarizə üzrə şura üzvlərinin müzakirəsinə çıxarılan əməkdaşlıq proqramının icrasını müzakirə edəcəklər" - məlumatda deyilir.

Bildirilir ki, tədbir zamanı MDB ölkələrinin təhlükəsizlik orqanları və kəşfiyyat xidmətlərinin müxtəlif fəaliyyət sahələri üzrə işçi orqanlarının iclasları keçiriləcək.
İclasda Qırğızıstan Milli Təhlükəsizlik Dövlət Komitəsinin sədri Kamçıbek Taşiyev, Rusiya FTX-nin rəhbəri Aleksandr Bortnikov, Rusiya Federasiyası Xarici Kəşfiyyat Xidmətinin direktoru Sergey Narışkin və MDB ölkələrinin digər kəşfiyyat xidmətlərinin rəhbərləri iştirak edirlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
Xəbər lenti
0