Вид на город Ханкенди, фото из архива - Sputnik Azərbaycan, 1920, 19.09.2023
Qarabağın dirçəlişi və reinteqrasiyası

Şuşada ilk seysmik stansiyanın fəaliyyətə başlayacağı tarix məlum olub

© Sputnik / Murad OrujovŞuşa şəhərinə mənzərə
Şuşa şəhərinə mənzərə - Sputnik Azərbaycan, 1920, 22.05.2024
Abunə olmaq
Qurban Yetirmişli deyib ki, ilk stansiya 100 metr dərinlikdə quyuda quraşdırılacaq.
BAKI, 22 may — Sputnik. Şuşada ilk seysmik stansiya sentyabrda fəaliyyətə başlayacaq. Sputnik Azərbaycan xəbər verir ki, bunu Azərbaycan Milli Elmlər Akademiyasının (AMEA) Seysmoloji Xidmət Mərkəzinin baş direktoru Qurban Yetirmişli bu gün keçirilən Katastrofik Risklərə Qarşı Dayanıqlı Maliyyə Sistemi Konfransında deyib.
O qeyd edib ki, ilk stansiya 100 metr dərinlikdə quyuda quraşdırılacaq:
"Bunun üçün artıq cihazlar göndərilib. Bu layihə Türkiyənin Fəlakət və Fövqəladə Halların İdarə Olunması İdarəsinin (AFAD) dəstəyi ilə həyata keçiriləcək. İlk seysmik stansiya bu ilin sentyabrında fəaliyyətə başlayacaq. Hazırda texniki işlər qalıb".
Baş direktorun sözlərinə görə, bu işlər, həmçinin Naxçıvanda da aparılacaq: "Naxçıvana gedib-gəlməyin çətin olması səbəbindən tədqiqatlar apara bilmirdik. Hazırda orada 4 seysmik stansiya fəaliyyətdədir".
Xəbər lenti
0