https://sputnik.az/20240521/milli-meclis-azerbaycanla-rusiya-arasinda-korpunun-istismari-ile-bagli-sazisi-tesdiqleyib-464805797.html
Milli Məclis Azərbaycanla Rusiya arasında körpünün istismarı ilə bağlı Sazişi təsdiqləyib
Milli Məclis Azərbaycanla Rusiya arasında körpünün istismarı ilə bağlı Sazişi təsdiqləyib
Sputnik Azərbaycan
Komitə sədri bildirib ki, Sazişə əsasən, hər bir tərəf öz dövlətinin ərazisində avtomobil körpüsünə giriş yollarının istismarını və onlara xidmət göstərilməsi... 21.05.2024, Sputnik Azərbaycan
2024-05-21T16:24+0400
2024-05-21T16:24+0400
2024-05-21T16:24+0400
milli məclis
iqtisadiyyat
deputat
rusiya
azərbaycan
sərhəd
samur
körpü
https://cdnn1.img.sputnik.az/img/42269/89/422698941_0:320:3072:2048_1920x0_80_0_0_cabc2d7f3bf815a86656934acd17b9c8.jpg
BAKI, 21 may — Sputnik. Milli Məclisdə "Azərbaycan Hökuməti ilə Rusiya Hökuməti arasında Azərbaycan–Rusiya dövlət sərhədindən "Samur"–"Yaraq–Qazmalar" buraxılış məntəqələri ərazisində Samur çayı üzərindən avtomobil körpüsünün və giriş yollarının istismarı və onlara xidmət göstərilməsi qaydaları haqqında Saziş"in təsdiq edilməsi məsələsinə baxılıb. "Avtomobil körpüsünün istismarı ilə bağlı bütün xərcləri tərəflər bərabər şəkildə ödəyəcəklər" Parlamentin bugünkü plenar iclasında Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib ki, bu vacib Saziş Azərbaycan–Rusiya dövlət sərhədindən "Samur"–"Yaraq-Qazmalar" buraxılış məntəqələri ərazisində Samur çayı üzərindən avtomobil körpüsünün və oraya giriş yollarının istismarı və onlara xidmət göstərilməsi məqsədilə 2024-cü il martın 5-də Bakı şəhərində imzalanıb:"Sazişin müddəalarına əsasən, tərəflər avtomobil körpüsünün istismarını öz qanunvericiliyinə uyğun olaraq həyata keçirəcəklər. İstismar dedikdə, nəqliyyat vasitələrinin, sərnişinlərin və piyadaların fasiləsiz və təhlükəsiz hərəkətlərini təmin etmək məqsədilə avtomobil körpüsünün təmiri və saxlanılması üzrə tədbirlər kompleksi nəzərdə tutulur. Avtomobil körpüsünün istismarı ilə bağlı bütün xərcləri tərəflər bərabər şəkildə ödəyəcəklər". O bildirib ki, eyni zamanda avtomobil körpüsünün istismarı Samur çayının su axınının istiqamətini dəyişdirməməli, onun məcrasında, sahil zolağında və Azərbaycan–Rusiya dövlət sərhədi xəttində dəyişiklik etməməli, həmçinin bu ərazidə ekoloji və digər təhlükəsizliyə ziyan vurmamalıdır. "Saziş qeyri-müəyyən müddətə bağlanılır" "Həddindən artıq əhəmiyyətli bir Sazişdir" Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov də bildirib ki, həddindən artıq əhəmiyyətli bir Sazişdir:"Bu Saziş göstərir ki, nə dərəcədə Azərbaycan öz qonşuları ilə bütün sahələrdə əlaqələri yüksək səviyyədə qurmaq iqtidarındadır. Bu, bir daha Azərbaycanın regionda apardığı beynəlxalq münasibətlər çərçivəsində ölkələrlə nümunəvi əlaqələrin qurmasına birbaşa dəlalət edir". "Bu cür yolların və körpülərin sayı artırılmalıdır" Milli Məclisin Regional məsələlər komitəsinin sədri Siyavuş Novruzov da bildirib ki, bu, çox vacib bir layihədir:"Bu addım bu gün Azərbaycanın iqtisadi əlaqələrinə xidmət edən bir layihədir. Bu cür yolların və körpülərin sayı artırılmalıdır. Çünki Azərbaycan indi Orta Dəhlizin məsuliyyətini öz üzərinə götürüb, Azərbaycan Şərq ilə Qərbi birləşdirən bir missiyanı həyata keçirdir. Həmçinin Azərbaycandan Rusiyaya kənd təsərrüfatı məhsulları daşınır, bizə bəzi şikayətlər gəlir ki, daşınmada gecikmə olur, məhsullar xarab olma dərəcəsinə çatır. Eyni zamanda Gürcüstan, Türkiyə ilə də belə yollar artırılmalıdır". Müzakirələrdən sonra "Azərbaycan Respublikası Hökuməti ilə Rusiya Federasiyası Hökuməti arasında Azərbaycan–Rusiya dövlət sərhədindən "Samur" (Azərbaycan Respublikası) – "Yaraq-Qazmalar" (Rusiya Federasiyası) buraxılış məntəqələri ərazisində Samur çayı üzərindən avtomobil körpüsünün və giriş yollarının istismarı və onlara xidmət göstərilməsi qaydaları haqqında Saziş" səsə qoyularaq təsdiq edilib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
milli məclis, deputat, rusiya, azərbaycan, sərhəd, samur, körpü
milli məclis, deputat, rusiya, azərbaycan, sərhəd, samur, körpü
Milli Məclis Azərbaycanla Rusiya arasında körpünün istismarı ilə bağlı Sazişi təsdiqləyib
Komitə sədri bildirib ki, Sazişə əsasən, hər bir tərəf öz dövlətinin ərazisində avtomobil körpüsünə giriş yollarının istismarını və onlara xidmət göstərilməsi üçün işlərin aparılmasını müstəqil olaraq həyata keçirəcəklər.
BAKI, 21 may — Sputnik. Milli Məclisdə "Azərbaycan Hökuməti ilə Rusiya Hökuməti arasında Azərbaycan–Rusiya dövlət sərhədindən "Samur"–"Yaraq–Qazmalar" buraxılış məntəqələri ərazisində Samur çayı üzərindən avtomobil körpüsünün və giriş yollarının istismarı və onlara xidmət göstərilməsi qaydaları haqqında Saziş"in təsdiq edilməsi məsələsinə baxılıb.
"Avtomobil körpüsünün istismarı ilə bağlı bütün xərcləri tərəflər bərabər şəkildə ödəyəcəklər"
Parlamentin bugünkü plenar iclasında Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili deyib ki, bu vacib Saziş Azərbaycan–Rusiya dövlət sərhədindən "Samur"–"Yaraq-Qazmalar" buraxılış məntəqələri ərazisində Samur çayı üzərindən avtomobil körpüsünün və oraya giriş yollarının istismarı və onlara xidmət göstərilməsi məqsədilə 2024-cü il martın 5-də Bakı şəhərində imzalanıb:
"Sazişin müddəalarına əsasən, tərəflər avtomobil körpüsünün istismarını öz qanunvericiliyinə uyğun olaraq həyata keçirəcəklər. İstismar dedikdə, nəqliyyat vasitələrinin, sərnişinlərin və piyadaların fasiləsiz və təhlükəsiz hərəkətlərini təmin etmək məqsədilə avtomobil körpüsünün təmiri və saxlanılması üzrə tədbirlər kompleksi nəzərdə tutulur. Avtomobil körpüsünün istismarı ilə bağlı bütün xərcləri tərəflər bərabər şəkildə ödəyəcəklər".
O bildirib ki, eyni zamanda avtomobil körpüsünün istismarı Samur çayının su axınının istiqamətini dəyişdirməməli, onun məcrasında, sahil zolağında və Azərbaycan–Rusiya dövlət sərhədi xəttində dəyişiklik etməməli, həmçinin bu ərazidə ekoloji və digər təhlükəsizliyə ziyan vurmamalıdır.
"Saziş qeyri-müəyyən müddətə bağlanılır"
"Bundan əlavə Sazişə əsasən, hər bir tərəf öz dövlətinin ərazisində avtomobil körpüsünə giriş yollarının istismarını və onlara xidmət göstərilməsi üçün işlərin aparılmasını müstəqil olaraq həyata keçirəcəklər. Proses çərçivəsində vergitutma məsələləri tərəflər arasında 1997-ci ildə imzalanmış qarşılıqlı ikiqat vergidən azad olma məsələləri ilə tənzimlənəcək. Saziş qeyri-müəyyən müddətə bağlanılır", - komitə sədri əlavə edib.
"Həddindən artıq əhəmiyyətli bir Sazişdir"
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov də bildirib ki, həddindən artıq əhəmiyyətli bir Sazişdir:
"Bu Saziş göstərir ki, nə dərəcədə Azərbaycan öz qonşuları ilə bütün sahələrdə əlaqələri yüksək səviyyədə qurmaq iqtidarındadır. Bu, bir daha Azərbaycanın regionda apardığı beynəlxalq münasibətlər çərçivəsində ölkələrlə nümunəvi əlaqələrin qurmasına birbaşa dəlalət edir".
"Bu cür yolların və körpülərin sayı artırılmalıdır"
Milli Məclisin Regional məsələlər komitəsinin sədri Siyavuş Novruzov da bildirib ki, bu, çox vacib bir layihədir:
"Bu addım bu gün Azərbaycanın iqtisadi əlaqələrinə xidmət edən bir layihədir. Bu cür yolların və körpülərin sayı artırılmalıdır. Çünki Azərbaycan indi Orta Dəhlizin məsuliyyətini öz üzərinə götürüb, Azərbaycan Şərq ilə Qərbi birləşdirən bir missiyanı həyata keçirdir. Həmçinin Azərbaycandan Rusiyaya kənd təsərrüfatı məhsulları daşınır, bizə bəzi şikayətlər gəlir ki, daşınmada gecikmə olur, məhsullar xarab olma dərəcəsinə çatır. Eyni zamanda Gürcüstan, Türkiyə ilə də belə yollar artırılmalıdır".
Müzakirələrdən sonra "Azərbaycan Respublikası Hökuməti ilə Rusiya Federasiyası Hökuməti arasında Azərbaycan–Rusiya dövlət sərhədindən "Samur" (Azərbaycan Respublikası) – "Yaraq-Qazmalar" (Rusiya Federasiyası) buraxılış məntəqələri ərazisində Samur çayı üzərindən avtomobil körpüsünün və giriş yollarının istismarı və onlara xidmət göstərilməsi qaydaları haqqında Saziş" səsə qoyularaq təsdiq edilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
