https://sputnik.az/20240521/azerbaycan-ve-pakistan-arasinda-enerji-uzre-birge-sci-qrupun-ilk-iclasi-kecirilib-464814008.html
Azərbaycan və Pakistan arasında Enerji üzrə Birgə İşçi Qrupun ilk iclası keçirilib
Azərbaycan və Pakistan arasında Enerji üzrə Birgə İşçi Qrupun ilk iclası keçirilib
Sputnik Azərbaycan
Enerji üzrə Birgə İşçi Qrupun Pakistan tərəfindən həmsədri Buşra Aman isə çıxışında iki ölkə arasındakı dostluq münasibətlərinin mühüm əhəmiyyətini vurğulayıb... 21.05.2024, Sputnik Azərbaycan
2024-05-21T20:27+0400
2024-05-21T20:27+0400
2024-05-21T20:27+0400
enerji
iqtisadiyyat
azərbaycan
pakistan
işçi qrupu
https://cdnn1.img.sputnik.az/img/07e7/0b/10/460621690_0:132:3171:1916_1920x0_80_0_0_cd01e617fb7a6b193b3247139ab2bc7a.jpg
BAKI, 21 may — Sputnik. Energetika Nazirliyində Azərbaycan və Pakistan arasında Enerji üzrə Birgə İşçi Qrupun onlayn formatda 1-ci iclası keçirilib. Nazirliyin məlumatına görə, energetika nazirinin müavini Kamal Abbasovun və Pakistanın Energetika Nazirliyinin (Neft Bölməsi) xüsusi katibi Büşra Amanın həmsədrliyi ilə keçirilən iclasda açılış nitqi ilə çıxış edən nazir müavini iki ölkə arasında dostluq və qardaşlıq münasibətlərindən bəhs edərək iqtisadiyyatın müxtəlif sahələrində əməkdaşlığın genişləndirilməsi üçün geniş imkanların olduğunu bildirib. İki ölkə arasında energetika sahəsində əməkdaşlığın inkişaf etdirilməsində "Azərbaycan Respublikası Hökuməti ilə Pakistan İslam Respublikası Hökuməti arasında enerji sahəsində əməkdaşlıq haqqında Saziş"in mühüm əhəmiyyətini diqqətə çatdırıb. Həmçinin Enerji üzrə Birgə İşçi Qrupun iki ölkə arasında əlaqələrin inkişafına yeni töhfələr verəcəyini qeyd edib. Enerji üzrə Birgə İşçi Qrupun Pakistan tərəfindən həmsədri Buşra Aman isə çıxışında iki ölkə arasındakı dostluq münasibətlərinin mühüm əhəmiyyətini vurğulayıb və müxtəlif sahələr üzrə aparılan sıx əməkdaşlıqdan məmnunluğunu bildirib. Azərbaycan Dövlət Neft Şirkəti (SOCAR) ilə Pakistanın neft-qaz şirkətləri arasında həyata keçirilən əməkdaşlığın daha da uğurla davam etdiriləcəyinə əminliyini ifadə edib. Sonra iclasın gündəliyinə uyğun olaraq iki ölkə arasında enerji əməkdaşlığından irəli gələn məsələlər nəzərdən keçirilib, qarşılıqlı əməkdaşlığın inkişafı istiqamətində perspektiv imkanlar barədə müzakirələr aparılıb. Neft-qaz, bərpa olunan enerjisi sahələri ilə bağlı təqdimatlar nümayiş olunub. Pakistan tərəfi Azərbaycanı müvafiq sahələr üzrə layihələrdə iştiraka dəvət edib. İclasın sonunda onlayn formatda Azərbaycan ilə Pakistan arasında Enerji üzrə Birgə İşçi Qrupun 1-ci iclasının Protokolu imzalanıb. İclasda Energetika və İqtisadiyyat nazirlikləri, SOCAR, Azərbaycan İnvestisiya Holdinqi və Azərbaycan İnvestisiya Şirkətinin nümayəndələri, həmçinin Azərbaycanın Pakistandakı və Pakistanın ölkəmizdəki səfirləri iştirak edib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
azərbaycan
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
enerji, azərbaycan, pakistan, işçi qrupu
enerji, azərbaycan, pakistan, işçi qrupu
Azərbaycan və Pakistan arasında Enerji üzrə Birgə İşçi Qrupun ilk iclası keçirilib
Enerji üzrə Birgə İşçi Qrupun Pakistan tərəfindən həmsədri Buşra Aman isə çıxışında iki ölkə arasındakı dostluq münasibətlərinin mühüm əhəmiyyətini vurğulayıb və müxtəlif sahələr üzrə aparılan sıx əməkdaşlıqdan məmnunluğunu bildirib.
BAKI, 21 may — Sputnik. Energetika Nazirliyində Azərbaycan və Pakistan arasında Enerji üzrə Birgə İşçi Qrupun onlayn formatda 1-ci iclası keçirilib.
Nazirliyin məlumatına görə, energetika nazirinin müavini Kamal Abbasovun və Pakistanın Energetika Nazirliyinin (Neft Bölməsi) xüsusi katibi Büşra Amanın həmsədrliyi ilə keçirilən iclasda açılış nitqi ilə çıxış edən nazir müavini iki ölkə arasında dostluq və qardaşlıq münasibətlərindən bəhs edərək iqtisadiyyatın müxtəlif sahələrində əməkdaşlığın genişləndirilməsi üçün geniş imkanların olduğunu bildirib.
İki ölkə arasında energetika sahəsində əməkdaşlığın inkişaf etdirilməsində "Azərbaycan Respublikası Hökuməti ilə Pakistan İslam Respublikası Hökuməti arasında enerji sahəsində əməkdaşlıq haqqında Saziş"in mühüm əhəmiyyətini diqqətə çatdırıb. Həmçinin Enerji üzrə Birgə İşçi Qrupun iki ölkə arasında əlaqələrin inkişafına yeni töhfələr verəcəyini qeyd edib.
Enerji üzrə Birgə İşçi Qrupun Pakistan tərəfindən həmsədri Buşra Aman isə çıxışında iki ölkə arasındakı dostluq münasibətlərinin mühüm əhəmiyyətini vurğulayıb və müxtəlif sahələr üzrə aparılan sıx əməkdaşlıqdan məmnunluğunu bildirib. Azərbaycan Dövlət Neft Şirkəti (SOCAR) ilə Pakistanın neft-qaz şirkətləri arasında həyata keçirilən əməkdaşlığın daha da uğurla davam etdiriləcəyinə əminliyini ifadə edib.
Sonra iclasın gündəliyinə uyğun olaraq iki ölkə arasında enerji əməkdaşlığından irəli gələn məsələlər nəzərdən keçirilib, qarşılıqlı əməkdaşlığın inkişafı istiqamətində perspektiv imkanlar barədə müzakirələr aparılıb. Neft-qaz, bərpa olunan enerjisi sahələri ilə bağlı təqdimatlar nümayiş olunub. Pakistan tərəfi Azərbaycanı müvafiq sahələr üzrə layihələrdə iştiraka dəvət edib.
İclasın sonunda onlayn formatda Azərbaycan ilə Pakistan arasında Enerji üzrə Birgə İşçi Qrupun 1-ci iclasının Protokolu imzalanıb.
İclasda Energetika və İqtisadiyyat nazirlikləri, SOCAR, Azərbaycan İnvestisiya Holdinqi və Azərbaycan İnvestisiya Şirkətinin nümayəndələri, həmçinin Azərbaycanın Pakistandakı və Pakistanın ölkəmizdəki səfirləri iştirak edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
