https://sputnik.az/20240517/bu-seherlerin-sakinlerine-vahid-ayliq-muavinetin-odenilmesi-dayandirilib-464709754.html

Bu şəhərlərin sakinlərinə vahid aylıq müavinətin ödənilməsi dayandırılıb

Bu şəhərlərin sakinlərinə vahid aylıq müavinətin ödənilməsi dayandırılıb

Sputnik Azərbaycan

Eyni qərar Cəbrayıl rayonunun işğaldan azad edildikdən sonra 2017-ci ildə bərpa olunmuş Cocuq Mərcanlı kəndinin geri qayıdıb daimi məskunlaşan sakinlərinə də... 17.05.2024, Sputnik Azərbaycan

2024-05-17T16:57+0400

2024-05-17T16:57+0400

2024-05-17T16:58+0400

cəmiyyət

prezident ilham əliyev

cocuq mərcanlı

cocuq mərcanlı

cocuq mərcanlı kəndi

sosial müavinət

aylıq sosial müavinət

aylıq müavinət

müavinət

https://cdnn1.img.sputnik.az/img/07e6/06/0e/442933065_0:0:1920:1080_1920x0_80_0_0_6069bcb6f584ac92ddd4cae2ac96f140.jpg

BAKI, 17 may — Sputnik. Cəbrayıl rayonun Cocuq Mərcanlı sakinlərinə aylıq müavinətin (çörək pulu) dayandırılacağı bildirilib. Sakinlər isə bu qərarın onların dolanışına mənfi təsir göstərəcəyini söyləyirlər. Cocuq Mərcanlı sakini Şahəddin Hüseynov Sputnik Azərbaycan-a açıqlamasında bildirib ki, ötən ay aylıq müavinəti alıblar. Bu aydan isə verilməyəcəyi bildirilib. Şahəddinin həyat yoldaşı Gülxarə Kazımzadə Sputnik Azərbaycan-a müsahibəsində deyib ki, o, ərazi yol idarəsində çalışıq, aylıq əmək haqqı 360 manatdır: "İki övladımız məktəbə gedir. Bu maaşla dolanmaq olmur. Aylıq müavinət veriləndə onunla kommunal xərclərimizi ödəyirdik. Həyat yoldaşım da işsizdir. 180 manat müavinət çox köməyimizə çatıdrdı". Qeyd edək ki, Qaçqınların və Məcburi Köçkünlərin İşləri üzrə Dövlət Komitəsi öz torpaqlarına geri dönən keçmiş məcburi köçkünlərə aylıq müavinətin dayandırılacağını təsdiqləyib. "Azərbaycan Respublikası Prezidentinin Fərmanına, Azərbaycan Respublikası Nazirlər Kabinetinin onun icrası ilə bağlı müvafiq qərarına əsasən, yemək xərci, kommunal və digər xidmətlər üzrə məcburi köçkünlərə dövlət büdcəsindən ödənişlər əvəzinə vahid aylıq müavinətin verilməsi davam etdirilir. Füzuli və Ağdam rayonlarının vaxtilə işğala məruz qalmış və ya düşmənlə təmas xəttinə yaxın olan, 1994-cü ilin may ayında imzalanmış atəşkəs müqaviləsindən sonra dinc həyatın bərpa edildiyi yaşayış məntəqələrinə qayıdan vətəndaşlara da sosial dəstək məqsədilə vahid aylıq müavinət verilib: Möhtərəm Prezident, Müzəffər Ali Baş Komandan İlham Əliyevin rəhbərliyi ilə rəşadətli ordumuzun 2020-ci ildə apardığı Vətən müharibəsi və 2023-cü ilin sentyabrında həyata keçirdiyi lokal antiterror tədbirləri nəticəsində təmas xətti tamamilə ləğv olunaraq əhalinin təhlükəsiz yaşaması və fəaliyyət göstərməsi təmin edilib. Bununla əlaqədar olaraq, Füzuli rayonunun Horadiz şəhərində və 21 kəndində, Ağdam rayonunun 7 kəndində daimi yaşayan vətəndaşlara vahid aylıq müavinətin ödənilməsi 2024-cü il 1 may tarixindən etibarən dayandırılıb. Eyni qərar Cəbrayıl rayonunun işğaldan azad edildikdən sonra 2017-ci ildə bərpa olunmuş Cocuq Mərcanlı kəndinin geri qayıdıb daimi məskunlaşan sakinlərinə də şamil olunub. Mövcud qanunvericiliyə əsasən, keçmiş məcburi köçkünlərin əvvəlki yaşayış yerlərinə qayıtması üçün şəraitin yarandığı vaxtdan etibarən dövlət büdcəsinin vəsaiti hesabına görülən sosial müdafiə tədbirlərinin, o cümlədən vahid aylıq müavinətin verilməsinin qanunvericiliklə nəzərdə tutulan üç il müddətində başa çatması nəzərdə tutulur", - deyə bildirilib

cocuq mərcanlı

2024

xəbərlər

ru_AZ

prezident ilham əliyev, cocuq mərcanlı, cocuq mərcanlı, cocuq mərcanlı kəndi, sosial müavinət, aylıq sosial müavinət, aylıq müavinət, müavinət