https://sputnik.az/20240515/usaq-ncesenet-mektebinde-korrupsiya-emeliyyati---hebs-edilenler-var-464622492.html

Uşaq İncəsənət məktəbində korrupsiya əməliyyatı - Həbs edilənlər var

Uşaq İncəsənət məktəbində korrupsiya əməliyyatı - Həbs edilənlər var

Sputnik Azərbaycan

Bu incəsənət məktəbində 200 minə yaxın pul mənimsənilib. 15.05.2024, Sputnik Azərbaycan

2024-05-15T14:41+0400

2024-05-15T14:41+0400

2024-05-15T14:48+0400

korrupsiya

mədəniyyət

sumqayıt

abşeron

xızı

mədəniyyət

https://cdnn1.img.sputnik.az/img/41011/55/410115568_0:140:2001:1265_1920x0_80_0_0_3dec29a555dbdd1fc710400d0f0b38d8.jpg

BAKI, 15 may — Sputnik. Təhsil müəssisəsində külli miqdarda mənimsəmə faktı ilə bağlı cinayət işi başlanıb. Sputnik Azərbaycan xəbər verir ki, bu barədə Sumqayıt şəhər prokurorluğu məlumat yayıb. Məlumata görə, Abşeron-Xızı Regional Mədəniyyət İdarəsinin Sumqayıt şəhər Səid Rüstəmov adına 3 nömrəli Uşaq İncəsənət məktəbində yol verilən qanunsuzluqlarla bağlı müraciət əsasında şəhər prokurorluğunda araşdırma aparılıb. Araşdırma zamanı həmin təhsil müəssisəsinin vəzifəli şəxsləri tərəfindən 2018-ci ilin sentyabr ayından 2023-cü ilin sentyabr ayınadək olan müddətdə faktiki olaraq əmək funksiyalarını icra etməyən müəllimlər tərəfindən tədrisin aparılmasına dair rəsmi sənədlərə bilə-bilə yalan məlumatların daxil edilməsi və əsassız olaraq əmək haqqı ödənilməsi yolu ilə 188 min manatdan artıq pul vəsaitinin mənimsənilməsi və əsassız şəhadətnamələr verməklə vəzifə saxtakarlığı törədilməsinə əsaslı şübhələr müəyyən edilib. Faktla bağlı Sumqayıt şəhər prokurorluğunda Cinayət Məcəlləsinin 179.3.2 (külli miqdarda mənimsəmə) və 313-cü (vəzifə saxtakarlığı) maddələri ilə cinayət işi başlanaraq istintaq aparılır.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

korrupsiya, sumqayıt, abşeron, xızı, mədəniyyət