https://sputnik.az/20240513/minimum-emekhaqqi-ne-qeder-artirilacaq-464584695.html

Minimum əməkhaqqı nə qədər artırılacaq?

Minimum əməkhaqqı nə qədər artırılacaq?

Sputnik Azərbaycan

Eldəniz Əmirov bildirib ki, COP-29 başlayan müddətə qədər minimum əməkhaqqının artırılmasına dair yeniliyin olacağı gözlənilir. 13.05.2024, Sputnik Azərbaycan

2024-05-13T19:38+0400

2024-05-13T19:38+0400

2024-05-13T19:38+0400

aylıq minimum əməkhaqqı

cəmiyyət

pensiya

pensiya təminatı

əmək pensiyası

"əmək pensiyaları haqqında" qanun

https://cdnn1.img.sputnik.az/img/42226/85/422268521_0:56:2001:1181_1920x0_80_0_0_73fc44d4af7f06a4b5d22484d4cacff4.jpg

BAKI, 13 may — Sputnik. Biznes mühiti və beynəlxalq reytinqlər üzrə Komissiyanın "Əmək bazarı" işçi qrupunun 2024-cü il üzrə Fəaliyyət Planı təsdiq edilib. Fəaliyyət Planında əməyin azadlığı indiqatoru ilə bağlı bir sıra tədbirlərin görülməsi nəzərdə tutulub. Sənədə əsasən, Əmək və Əhalinin Sosial Müdafiəsi Nazirliyinə noyabr ayının 1-dək minimum əməkhaqqının artırılması ilə bağlı təkliflər hazırlayaraq aidiyyəti üzrə təqdim edilməsi tapşırılıb. Sputnik Azərbaycan-ın məlumatına görə, iqtisadçı ekspert Eldəniz Əmirov bildirib ki, COP-29 başlayan müddətə qədər minimum əməkhaqqının artırılmasına dair yeniliyin olacağı gözlənilir. Artımı miqdarı və zamanı isə noyabrın 1-dək hazırlanan təkliflərdən asılı olacaq: "Ehtimal etdiyim artım miqdarına və tarixinə gəldikdə isə, düşünürəm ki, bu əsasən infilyasiya göstəricəsindən asılı olacaq. İlkin proqnozlarda 2024-cü ildə ölkədə illik inflyasiyanı İN-i 5,3 %, BMT 5,9 % proqnozlaşdırsa da, Mərkəzi Bankı 2024-cü ilə inflyasiya proqnozunu aprel ayında azaldaraq 2024-cü üçün 3,5 % olaraq açıqlanmışdı. Deməli, hazırda 345 manat olan minimum əmək haqqının minimum 5% artımla yenilənməsi olacaq ki, 362-363 manat deməkdir. Lakin nəzərə alsaq ki, 345 manatlıq məbləğ 2023-ci ilin 1 yanvarından müəyyən edilib, deməli əhalinin alıcılıq qabiliyyətinə təsir edən 2023-cü ildə infilyasiya göstəricilərinin də nəzərə alınması daha doğru olardı. 2023-cü ildə 8.8 % infilyasiya qeydə alınıb. Odur ki, infilyasiyanın 2 il ərzində təsir etdiyi alıcılıq qabiliyyətinin qorunması üçün bu artımın 13-14% ətrafında müəyyənləşməsi daha realdır. Bu isə minimum əmək haqqının növbəti dəfə 390-400 manata qədər artırılma ehtimalının olduğunu göstərir. Beləliklə, subyektiv olaraq gözləntim 370-400 manat intervalının yuxarı sərhədləridir. Bunun tətbiq edilmə vaxtına gəldikdə isə, 2025-ci ilin ilk aylarından olacağını ehtimal etmək olar. Ona görə ki, təkliflərin hazırlanıb təqdim edilmə tarixi bu ilin 11-ci ayına müəyyən edilib. Odur ki, qərarın qəbul edilməsi və fərmanın icrası üçün da lazım olan zamanı əlavə etsək, 2025-ci ildən yeni minimum əmək haqqı səviyyəsinin müəyyən ediləcəyini gözləyə bilərik". Qeyd edək ki, Azərbaycanda minimum əməkhaqqının məbləği 345 manatdır.

2024

xəbərlər

ru_AZ

aylıq minimum əməkhaqqı, pensiya, pensiya təminatı, əmək pensiyası, "əmək pensiyaları haqqında" qanun