https://sputnik.az/20240503/cerisehere-giris-mehdudlasdirilir-464350982.html

İçərişəhərə giriş məhdudlaşdırılır

İçərişəhərə giriş məhdudlaşdırılır

Sputnik Azərbaycan

Azərbaycanın ilk Milli Xalça Festivalı "İçərişəhər" Dövlət Tarix-Memarlıq Qoruğu İdarəsi və "Azərxalça" Açıq Səhmdar Cəmiyyətinin təşkilatçılığı, İqtisadiyyat... 03.05.2024, Sputnik Azərbaycan

2024-05-03T11:56+0400

2024-05-03T11:56+0400

2024-05-03T12:03+0400

"içərişəhər

mədəniyyət

milli

xalça

festival

https://cdnn1.img.sputnik.az/img/40437/81/404378107_0:77:2000:1202_1920x0_80_0_0_5c0457d5f60ff742ee33d69ba257b178.jpg

BAKI, 3 may — Sputnik. İçərişəhərdə 4-5 mayda keçiriləcək Milli Xalça Festivalı ilə əlaqədar İçərişəhərin Qoşa Qala girişi və ərazidə nəqliyyat vasitələrinin hərəkəti müvəqqəti olaraq məhdudlaşdırılacaq. Bu barədə Sputnik Azərbaycan-a "İçərişəhər" Dövlət Tarix-Memarlıq Qoruğu İdarəsindən məlumat verilib. Qeyd olunub ki, məhdudlaşdırma 3-5 mayda Qoşa Qala girişi, Kiçik Qala küçəsi 52-128, Qüllə küçəsi 15-22, Böyük Qala küçəsi 41-51, Asəf Zeynallı küçəsi 21-65 ünvanlarında həyata keçiriləcək. Xatırladaq ki, Azərbaycanın ilk Milli Xalça Festivalı "İçərişəhər" Dövlət Tarix-Memarlıq Qoruğu İdarəsi və "Azərxalça" Açıq Səhmdar Cəmiyyətinin təşkilatçılığı, İqtisadiyyat Nazirliyi, İxracın və İnvestisiyaların Təşviqi Agentliyinin – AZPROMO-nun dəstəyi ilə həyata keçirilir. İki gün davam edəcək festivalda İçərişəhər ərazisində xalçaçılıq sənətinə həsr edilən bir sıra tədbirlərin keçirilməsi nəzərdə tutulur. Bura qədim, müasir, eləcədə müəllif xalçalarından ibarət eksklüziv sərgilərin nümayişi, xalçatoxuma sənəti ilə bağlı böyüklər və uşaqlar üçün ustad dərsləri, maarifləndirici seminarlar, interaktiv teatr tamaşası, yarmarka, muğam axşamı və konsert proqramı daxildir.Milli Xalça Festivalı günlərində İçərişəhərin küçələri xalçalar və xalça ornamentli xüsusi dekorasiyalar ilə bəzədiləcək. Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

"içərişəhər, milli, xalça, festival