https://sputnik.az/20240426/anar-eyvazov-birge-monitorinq-merkezi-3-ilden-cox-muddetde-sulhe-tohfe-verib-464191763.html

Anar Eyvazov: Birgə Monitorinq Mərkəzi 3 ildən çox müddətdə sülhə töhfə verib

Anar Eyvazov: Birgə Monitorinq Mərkəzi 3 ildən çox müddətdə sülhə töhfə verib

Sputnik Azərbaycan

O vurğulayıb ki, Azərbaycan Qarabağ İqtisadi rayonunda öz nəzarətini bərqərar etdikdən sonra Türkiyə və Rusiya Birgə Monitorinq Mərkəzinin fəaliyyəti bitmiş... 26.04.2024, Sputnik Azərbaycan

2024-04-26T13:28+0400

2024-04-26T13:28+0400

2024-04-26T15:16+0400

anar eyvazov

türkiyə-rusiya birgə monitorinq mərkəzi

hərbi

bağlanış mərasimi

hərbi orkestr

baş qərargah rəisi

himn

qarabağ

qarabağ

https://cdnn1.img.sputnik.az/img/07e8/04/1a/464198537_0:160:3072:1888_1920x0_80_0_0_57b3c07cf6aef507d31b4ceae2e0b182.jpg

BAKI, 26 aprel — Sputnik. Türkiyə-Rusiya Birgə Monitorinq Mərkəzi 3 ildən artıq müddətdə sülhə töhfə verib. Bunu Azərbaycan Müdafiə Nazirliyinin Mətbuat xidmətinin rəisi, polkovnik Anar Eyvazov jurnalistlərə açıqlamasında deyib. O xatırladıb ki, 2020-ci il 44 günlük müharibəsi nəticəsində Azərbaycan torpaqları işğaldan azad olunub: "2020-ci ilin noyabrın 11-də Rusiya və Türkiyə birgə memorandumuna əsasən Birgə Monitorinq Mərkəzi yaradılıb. Mərkəz 3 ildən artıq regionda sülhün və əmin-amanlığın bərqərar olması üçün böyük töhfə verib. Türkiyə və Rusiya hərbçiləri Azərbaycan Ordusunun hərbi qulluqçuları ilə birgə monitorinqə öz töhfəsini verib. Azərbaycan Silahlı Qüvvələri tərəfindən uğurla aparılan antiterror əməliyyatları nəticəsində ərazimizdə yerləşən erməni silahlı qüvvələrinin qalıqları ölkəmizi tərk edib". O vurğulayıb ki, Azərbaycan Qarabağ İqtisadi rayonunda öz nəzarətini bərqərar etdikdən sonra Türkiyə və Rusiya Birgə Monitorinq Mərkəzinin fəaliyyəti bitmiş olub: "Bu gün Monitorinq Mərkəzinin bağlanış mərasimi də göstərdi ki, yüksək səviyyəli əməkdaşlıq sülhə öz töhfəsini verib". Qeyd edək ki, aprelin 26-da Ağdam rayonu ərazisində yerləşən Türkiyə-Rusiya Birgə Monitorinq Mərkəzinin təntənəli bağlanış mərasimi keçirilib. Mərasimdə müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev, müdafiə nazirinin müşaviri general-polkovnik Bəxtiyar Ersay, Rusiya Federasiyası Silahlı Qüvvələrinin Baş Qərargah rəisinin müavini general-polkovnik Sergey İstrakov, hərbi qulluqçular və media nümayəndələri iştirak ediblər. Əvvəlcə hər 3 ölkənin dövlət himnləri səsləndirilib. Mərasim iştirakçılarını salamlayan general-polkovnik K.Vəliyev Türkiyə Respublikası və Rusiya Federasiyası arasında imzalanmış 11 noyabr 2020-ci il tarixli Memoranduma əsasən yaradılmış Birgə Monitorinq Mərkəzinin fəaliyyəti haqqında danışıb. Baş Qərargah rəisi 2021-ci ilin yanvar ayının 30-dan regionda sülhün və sabitliyin rifahı naminə vicdanlı və cəsarətli xidmətinə görə türkiyəli və rusiyalı hərbi qulluqçulara minnətdarlığını bildirib, onlara gələcək xidmətlərində uğurlar arzulayıb. Həmçinin qeyd edilib ki, Azərbaycan Respublikasının Prezidenti, Rusiya Federasiyasının Prezidenti və Ermənistan Respublikasının baş nazirinin 10 noyabr 2020-ci il tarixli Bəyanatına uyğun olaraq Azərbaycan Respublikasının Qarabağ iqtisadi rayonunda müvəqqəti yerləşdirilmiş Rusiya Federasiyası sülhməramlı kontingentinin də iki ölkənin ali rəhbərliyi arasında əldə olunan razılığa əsasən fəaliyyətini vaxtından əvvəl dayandıraraq ölkə ərazisindən tam çıxarılması prosesinə başlanılıb. Bağlanış mərasimi Həzi Aslanov adına Ordu İdeoloji və Mədəniyyət Mərkəzinin Mahnı və Rəqs Ansamblının və Heydər Əliyev adına Hərbi İnstitutun Hərbi Orkestrinin iştirakı ilə bədii proqramın təqdimatı ilə başa çatıb.

2024

xəbərlər

ru_AZ

anar eyvazov, türkiyə-rusiya birgə monitorinq mərkəzi, bağlanış mərasimi, hərbi orkestr, baş qərargah rəisi, himn, qarabağ, qarabağ