Tarixdə bu gün: 25 aprel – FOTO
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə hansı hadisələr baş verib - Sputnik Azərbaycan-ın icmalında oxuyun.
BAKI, 24 aprel — Sputnik. Aprelin 25-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gün də tarixə düşən hadisələr baş verib.
Aprelin 25-də kimlər dünyaya gəlib?
Həmidə Ömərova (1957) - Azərbaycanın xalq artisti və 2021-ci ildən Azərbaycan Kinematoqrafçılar İttifaqının İdarə Heyətinin üzvüdür. O, "Qorxma, mən səninləyəm", "Hotel otağı", "Musiqi müəllimi" və s. filmlərdə rol alıb.
Həmidə Ömərova
© Sputnik / Murad Orujov
Albert Aqarunov (1969 - 1992) - azərbaycanlı tankçı, birinci Qarabağ müharibəsi iştirakçısı və Azərbaycanın Milli Qəhrəmanıdır.
Albert Aqarunovun heykəli
© Sputnik / Shahperi Abbasova
Qulyelmo Markoni (1874 – 1937) - italiyalı radiotexnik, radionun ixtiraçılarından biri və Nobel mükafatı laureatıdır.
Qulyelmo Markoni
© AP Photo
Ella Fitscerald (1917 - 1996) – amerikalı müğənni, caz musiqisi tarixinin ən böyük vokalçılarından biri, "cazın birinci xanımı" və 13 dəfə "Qremmi" mükafatı laureatıdır. 50 illik karyerası ərzində o, həm solo, həm də digər məşhur caz musiqiçiləri ilə əməkdaşlıq edərək 90-a yaxın albom buraxılıb.
Ella Fitscerald
© AP Photo / Bob Dear
Yuri Yakovlyov (1928 - 2013) - Sovet və Rusiya teatr və kino aktyoru, SSRİ xalq artistidir. O, "Qusar balladası", "İvan Vasilyeviç peşəsini dəyişir", "Taleyin ironiyası, ya da Həmişə təmizlikdə!", "Kin-dza-dza!" və s. filmlərdə müxtəlif obrazarı canlandırıb. Aktyor E. B. Vaxtanqov adına Teatrın aparıcı artisti olub.
Al Paçino (1940) - ABŞ aktyoru və rejissorudur. O, "Qadın ətri" (1992) filmində oynadığı rola görə "Oskar" mükafatına layiq görülüb. Aktyora məşhurluğu Frensis Ford Koppolanın üç hissədən ibarət "Xaç atası" filmində oynadığı rol gətirib.
Al Paçino
© Evan Agostini / Invision / AP
Rene Zellveger (1969) - ABŞ aktrisasıdır. O, iki "Oskar" və BAFTA, dörd "Qızıl Qlobus" mükafatı laureatıdır.
Rene Zellveger
© Jordan Strauss / Invision / AP
Vladimir Jirinovski (1946 - 2022) - Sovet və Rusiya siyasətçisidir. O, Rusiya Liberal Demokrat Partiyasının qurucusu və sədridir (1992-2022).
Aprelin 25-də dünyada baş verən tarixi hadisələr
1792-ci ildə Qrev meydanında gilyotindən ilk dəfə edam maşını kimi istifadə edilib: adi oğru Nikolas Pelletye edam edilib.
1826-cı ildə İngiltərədə daxili yanmamühərriki olan ilk avtomobil patentləşdirilib.
1901-ci ildə Nyu-York ştatı dünyada ilk dəfə avtomobil nömrələrini tətbiq edib. Bu təcrübə Azərbaycanda ötən əsrin 50-ci illərində tətbiq edilib.
1974-cü ildə Portuqaliyada Qərənfil İnqilabı baş verib. Bu hərbi çevriliş nəticəsində 45 illik faşist diktaturasına son qoyulub.
2008-ci ildən bəri məhz bu gün Ümumdünya Malyariya ilə Mübarizə Günü kimi qeyd olunur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
