https://sputnik.az/20240405/deputatdan-sensasion-cagiris-helledici-zerbeni-vurmaq-ucun-her-an-hazir-olmaliyiq-463759174.html

Deputatdan sensasion çağırış: “Həlledici zərbəni vurmaq üçün hər an hazır olmalıyıq”

Deputatdan sensasion çağırış: “Həlledici zərbəni vurmaq üçün hər an hazır olmalıyıq”

Sputnik Azərbaycan

O, qeyd edib ki, ABŞ, Avropa İttifaqı və Ermənistan tərəfindən uzun müddətdir ki, hazırlanan və bu gün keçirilməsi nəzərdə tutulan üçtərəfli görüş mahiyyətcə... 05.04.2024, Sputnik Azərbaycan

2024-04-05T17:57+0400

2024-04-05T17:57+0400

2024-04-05T18:20+0400

abş

azərbaycan xəbərləri

zərbə

millət vəkili fəzail ağamalı

fəzail ağamalı

fəzail ağamalı

millət vəkili

ermənistan

https://cdnn1.img.sputnik.az/img/07e8/02/05/462376368_0:52:1000:615_1920x0_80_0_0_81d5d1094f6fbd49d923ab736b4db137.jpg

BAKI, 5 aprel — Sputnik. Ermənistan bütün hiyləgərliyini işə salıb, dövlətlərarası vurnuxma yolu ilə baş əydiyi yeni “xozeyn”lərinə hər şeyini qurban verməyə hazır olduğunu nümayiş etdirir. Bunu deputat Fəzail Ağamalı Milli Məclisin iclasında çıxışı zamanı bildirib. Millət vəkili Azərbaycana qarşı təxribatçı planları reallaşdırmağa çalışan qüvvələrə qarşı kəskin fikirlər səsləndirib. O, qeyd edib ki, ABŞ, Avropa İttifaqı və Ermənistan tərəfindən uzun müddətdir ki, hazırlanan və bu gün keçirilməsi nəzərdə tutulan üçtərəfli görüş mahiyyətcə pozitiv xarakter daşımır, regionda sülhün yaranmasına xidmət etmir: "Bu görüş faşist ölkəsinin Azərbaycana bütövlükdə regionda sülhün və əməkdaşlığın yaranmasına qarşı yönələn, Ermənistanın pozucu və revanşist mövqeyini stimullaşdıran və gücləndirən, onun sürətlə silahlanlanmasına hüquqi-siyasi əsaslar yaradan avantürist bir addımdır". "Bu tip görüşlər, eyni zamanda, Azərbaycanla şərti sərhəd boyu Avropa İttifaqının mandatı ilə kəşfiyyatçı qrupları yerləşdirib, onlardan gələcək hərbi əməliyyatlar üçün ölkəmizin silahlı qüvvələri haqqında informasiyalar toplayan, Qərbdən, Hindistandan, İrandan güzəştli şərtlərlə müasir hücum silahları almaqda israrlı olan Paşinyan, artıq ruhunda yaşatdığı qisasçılıq və revanşist mövqeyini açıq şəkildə nümayiş etdirərək, Azərbaycana qarşı ərazi iddialarına şübhə yeri qoymur”, - millət vəkili deyib. F.Ağamalı bildirib ki, hüquqi normativ aktlarından Azərbaycana və Türkiyəyə qarşı ərazi iddialarından rəsmi şəkildə imtina etmək, regionda sülhə və əməkdaşlığa töhfə vermək əvəzinə, Qərbin güc mərkəzlərinin yaratdığı çevrədə ermənisayaq rəqs edən Paşinyan və komandası artıq Köçəryan və Sarkisyan qədər ölkəmiz, həm də region üçün ciddi təhlükə yaratmaqdadır: “Dörd ildir ki, Azərbaycanın və Türkiyənin regionda əməkdaşlığın və təhlükəsizliyin təmin olunmasına xidmət edən sülh niyyətlərini bloklayan Ermənistan təcavüzkar məqsədlərini açıq və gizli şəkildə davam etdirir. O, işğal altında qalan səkkiz kəndimizi qaytarmaq əvəzinə, bütün şərti sərhəd boyu sınıq-salxaq qoşun və hərbi texnikasını cəmləşdirərək, təxribatlar törətməkdədir. Belə bir ölkə ilə dinc, qonşuluq şəraitində yaşamaq sadəcə olaraq mümkünsüz görünür"."Nə qədər ki, uşaqdan qocaya, qadından kişiyə, iqtidardan müxalifətə qədər Türkün qanına susayan bu vandal ölkə var, biz barmağımızı tətikdən çəkməməli, Ermənistanın təxribatçı və işğalçılıq niyyətlərinə və hərəkətlərinə son, həlledici zərbəni vurmaq üçün hər an hazır olmalıyıq”, - Fəzail Ağamalı əlavə edib.

2024

xəbərlər

ru_AZ

abş, zərbə, millət vəkili fəzail ağamalı, fəzail ağamalı, fəzail ağamalı, millət vəkili, ermənistan