https://sputnik.az/20240405/brussel-gorusu-qerbin-regional-sulhle-bagli-semimi-olmamasini-gosterir---deputat-463740910.html
Brüssel görüşü Qərbin regional sülhlə bağlı səmimi olmamasını göstərir - Deputat
Brüssel görüşü Qərbin regional sülhlə bağlı səmimi olmamasını göstərir - Deputat
Sputnik Azərbaycan
Deputat bildirib ki, bu gün ABŞ, Avropa İttifaqı və Ermənistan ilə keçiriləcək görüş Qərbin regional sülhlə bağlı səmimi olmamasını, regionda yeni bölücü... 05.04.2024, Sputnik Azərbaycan
2024-04-05T18:44+0400
2024-04-05T18:44+0400
2024-04-05T18:44+0400
brüssel
siyasət
görüş
görüş
qərb
qərb
qərb
qərb
ermənistanın baş naziri nikol paşinyan
nikol paşinyan
https://cdnn1.img.sputnik.az/img/07e7/08/12/457800881_0:137:3156:1912_1920x0_80_0_0_e92553385f69a25f1d2c52beb189c727.jpg
BAKI, 5 aprel — Sputnik. "Bu gün Brüsseldə ABŞ, Avropa İttifaqı və Ermənistanın üçtərəfli formatda görüşü keçiriləcək. Bu görüş regiondakı proseslərə ciddi mənada təsir edəcək". Bunu Milli Məclisin bu gün keçirilən iclasında deputat Elman Nəsirov deyib. Deputat bildirib ki, ABŞ dövlət katibi Antoni Blinken və Avropa Komissiyasının Prezidenti Ursula Fon der Lyayen Prezident İlham Əliyevə zəng edib: “Bu onu göstərir ki, Prezident İlham Əliyevin nüfuzuna böyük hörmətlə yanaşırlar. Prezident qəti və prinsipial şəkildə bildirdi ki, bu görüşdə bizi narahat edən cəhət bu görüşə hazırlıq prosesində Ermənistana hərbi dəstək, Ermənistanla keçirilən hərbi təlimlər, Avropanın Sülh Fondu tərəfindən Ermənistana maliyyə yardımı göstərilməsi məsələlərinin müzakirə olunmasıdır. Bu, regiona sülh gətirmir, çox ciddi problemlərin yaranmasına şərait yaradır. Ümid edirik ki, onlar Prezidentin bu məsələlərlə bağlı prinsipial mövqeyini nəzərə alacaq və Azərbaycan əleyhinə heç bir qərarın qəbul edilməsinə yol verməyəcək”. Deputat Kamal Cəfərov da qeyd edib ki, son altı ayda Ermənistan-Azərbaycan sərhədi ən sakit dövrünü yaşayıb: “Hazırda Ermənistan və Azərbaycan sülhə heç vaxt olmadığı qədər yaxındırlar. Ancaq bu gün ABŞ, Avropa İttifaqı və Ermənistan ilə keçiriləcək görüş Qərbin regional sülhlə bağlı səmimi olmamasını, regionda yeni bölücü xətlər və dırnaqarası təsir dairələri yaratmaq cəhdini göstərir. Çünki bu görüş qeyri-şəffaf hazırlanıb. Görüş qabağı ABŞ Prezidenti Co Baydenin mövcud səhhəti fonunda hazırda dövləti de-fakto idarə edən dövlət katibi Antoni Blinkenin Azərbaycan Prezidenti İlham Əliyevə zəng etməsi və vəziyyəti izah etməyə çalışması İlham Əliyevin qlobal səviyyədə nüfuzunun və regionda Azərbaycanın rəyi nəzərə alınmadan sülh və əməkdaşlığın təmin edilməyəcəyinin göstəricisidir. Blinken Prezidentlə telefon danışığında bu görüşün Azərbaycana qarşı olmadığını, Ermənistanla ticarət əlaqələrin inkişafına həsr olunduğunu bildirib. Onun bu izahı isə heç bir halda ciddi qəbul edilə bilməz. Çünki Paris, Vaşinqton və Brüsselin Ermənistana istənilən iqtisadi çağırışı ermənilər üçün Moskva bazarı ilə müqayisə olunacaq imkanı təmin edə bilməz. Hazırda erməni məhsullarının, kapitalının və ən əsası işçi qüvvəsinin Rusiya bazarına sərbəst çıxışı var. Rusiyada yaşayan ermənilərin sayı Ermənistanda yaşayan ermənilərdən çoxdur. İrəvanın əsas iqtisadi və nəqliyyat infrastrukturlarının benefisiarı rus şirkətləridir. Ermənistan və Rusiya münasibətlərinin tarixini və mürəkkəbliyini dəqiq bilən Qərb Ermənistanla iqtisadi əməkdaşlıqda heç bir perspektiv görmür. Əsas məqsəd Rusiyaya qarşı Ukraynadan sonra Ermənistanda yeni cəbhə açmaqdır. Bunu da regionda yeni münaqişə ocağı yaratmaq, Ermənistanı Azərbaycana qarşı revanşa hazırlamaq yolunda görür". "Ermənistan Baş Naziri Nikol Paşinyan özünü “bəla içində qalmış bacı” kimi təqdim edərək, onu almaq istəyən hər kəsə öz geosiyasi xidmətlərini təklif edir. Ancaq erməni xalqı Qərbin Ukraynada göstərdiyi “dəstək”dən dərs çıxarmalıdır. Bu gün Azərbaycan regionda sabitlik istəyir və beynəlxalq hüququn əsas norma və prinsipləri əsasında praktiki sülhə nail olmaq üçün real imkan təklif edir. Sülh müqaviləsinin təşəbbüskarı da Azərbaycan olub, hazırda müzakirə olunan prinsiplərin müəllifi də bizik. Biz bir daha bütün tərəfləri vəziyyəti düzgün oxumağı, illüziyalara qapılmamalarını və regionda yeni eskalasiya və gərginlik dalğalarına səbəb ola biləcək addımlardan çəkinməyə çağırırıq”, - deputat əlavə edib.
qərb
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
Xalid Məmmədov
https://cdnn1.img.sputnik.az/img/07e5/06/10/427232791_167:-1:1127:960_100x100_80_0_0_3163a67afe6eda2fe28ebb5d0ec95939.jpg
brüssel, görüş, görüş, qərb, qərb, qərb, qərb, ermənistanın baş naziri nikol paşinyan, nikol paşinyan
brüssel, görüş, görüş, qərb, qərb, qərb, qərb, ermənistanın baş naziri nikol paşinyan, nikol paşinyan
Brüssel görüşü Qərbin regional sülhlə bağlı səmimi olmamasını göstərir - Deputat
Deputat bildirib ki, bu gün ABŞ, Avropa İttifaqı və Ermənistan ilə keçiriləcək görüş Qərbin regional sülhlə bağlı səmimi olmamasını, regionda yeni bölücü xətlər və dırnaqarası təsir dairələri yaratmaq cəhdini göstərir. Çünki bu görüş qeyri-şəffaf hazırlanıb.
BAKI, 5 aprel — Sputnik. "Bu gün Brüsseldə ABŞ, Avropa İttifaqı və Ermənistanın üçtərəfli formatda görüşü keçiriləcək. Bu görüş regiondakı proseslərə ciddi mənada təsir edəcək".
Bunu Milli Məclisin bu gün keçirilən iclasında deputat Elman Nəsirov deyib.
Deputat bildirib ki, ABŞ dövlət katibi Antoni Blinken və Avropa Komissiyasının Prezidenti Ursula Fon der Lyayen Prezident İlham Əliyevə zəng edib: “Bu onu göstərir ki, Prezident İlham Əliyevin nüfuzuna böyük hörmətlə yanaşırlar. Prezident qəti və prinsipial şəkildə bildirdi ki, bu görüşdə bizi narahat edən cəhət bu görüşə hazırlıq prosesində Ermənistana hərbi dəstək, Ermənistanla keçirilən hərbi təlimlər, Avropanın Sülh Fondu tərəfindən Ermənistana maliyyə yardımı göstərilməsi məsələlərinin müzakirə olunmasıdır. Bu, regiona sülh gətirmir, çox ciddi problemlərin yaranmasına şərait yaradır. Ümid edirik ki, onlar Prezidentin bu məsələlərlə bağlı prinsipial mövqeyini nəzərə alacaq və Azərbaycan əleyhinə heç bir qərarın qəbul edilməsinə yol verməyəcək”.
Deputat Kamal Cəfərov da qeyd edib ki, son altı ayda Ermənistan-Azərbaycan sərhədi ən sakit dövrünü yaşayıb:
“Hazırda Ermənistan və Azərbaycan sülhə heç vaxt olmadığı qədər yaxındırlar. Ancaq bu gün ABŞ, Avropa İttifaqı və Ermənistan ilə keçiriləcək görüş Qərbin regional sülhlə bağlı səmimi olmamasını, regionda yeni bölücü xətlər və dırnaqarası təsir dairələri yaratmaq cəhdini göstərir. Çünki bu görüş qeyri-şəffaf hazırlanıb. Görüş qabağı ABŞ Prezidenti Co Baydenin mövcud səhhəti fonunda hazırda dövləti de-fakto idarə edən dövlət katibi Antoni Blinkenin Azərbaycan Prezidenti İlham Əliyevə zəng etməsi və vəziyyəti izah etməyə çalışması İlham Əliyevin qlobal səviyyədə nüfuzunun və regionda Azərbaycanın rəyi nəzərə alınmadan sülh və əməkdaşlığın təmin edilməyəcəyinin göstəricisidir. Blinken Prezidentlə telefon danışığında bu görüşün Azərbaycana qarşı olmadığını, Ermənistanla ticarət əlaqələrin inkişafına həsr olunduğunu bildirib. Onun bu izahı isə heç bir halda ciddi qəbul edilə bilməz. Çünki Paris, Vaşinqton və Brüsselin Ermənistana istənilən iqtisadi çağırışı ermənilər üçün Moskva bazarı ilə müqayisə olunacaq imkanı təmin edə bilməz.
Hazırda erməni məhsullarının, kapitalının və ən əsası işçi qüvvəsinin Rusiya bazarına sərbəst çıxışı var. Rusiyada yaşayan ermənilərin sayı Ermənistanda yaşayan ermənilərdən çoxdur. İrəvanın əsas iqtisadi və nəqliyyat infrastrukturlarının benefisiarı rus şirkətləridir. Ermənistan və Rusiya münasibətlərinin tarixini və mürəkkəbliyini dəqiq bilən Qərb Ermənistanla iqtisadi əməkdaşlıqda heç bir perspektiv görmür. Əsas məqsəd Rusiyaya qarşı Ukraynadan sonra Ermənistanda yeni cəbhə açmaqdır. Bunu da regionda yeni münaqişə ocağı yaratmaq, Ermənistanı Azərbaycana qarşı revanşa hazırlamaq yolunda görür".
"Ermənistan Baş Naziri Nikol Paşinyan özünü “bəla içində qalmış bacı” kimi təqdim edərək, onu almaq istəyən hər kəsə öz geosiyasi xidmətlərini təklif edir. Ancaq erməni xalqı Qərbin Ukraynada göstərdiyi “dəstək”dən dərs çıxarmalıdır. Bu gün Azərbaycan regionda sabitlik istəyir və beynəlxalq hüququn əsas norma və prinsipləri əsasında praktiki sülhə nail olmaq üçün real imkan təklif edir. Sülh müqaviləsinin təşəbbüskarı da Azərbaycan olub, hazırda müzakirə olunan prinsiplərin müəllifi də bizik. Biz bir daha bütün tərəfləri vəziyyəti düzgün oxumağı, illüziyalara qapılmamalarını və regionda yeni eskalasiya və gərginlik dalğalarına səbəb ola biləcək addımlardan çəkinməyə çağırırıq”, - deputat əlavə edib.
