https://sputnik.az/20240229/taksi-suruculeri-narkotestden-kecirilecek-eger-tibb-iscileri-neqativ-yola-el-atmasa-462918176.html

Taksi sürücüləri narkotestdən keçiriləcək, əgər tibb işçiləri neqativ yola əl atmasa

Taksi sürücüləri narkotestdən keçiriləcək, əgər tibb işçiləri neqativ yola əl atmasa

Sputnik Azərbaycan

AYNA-dan bildirilib ki, sürücülər daşıyıcı tərəfindən parklarda yaradılan tibb məntəqələrində də tibbi müayinədən keçə bilərlər. 29.02.2024, Sputnik Azərbaycan

2024-02-29T09:32+0400

2024-02-29T09:32+0400

2024-02-29T09:32+0400

taksi

cəmiyyət

elməddin muradlı

test

https://cdnn1.img.sputnik.az/img/07e7/0c/12/461391853_0:161:3068:1887_1920x0_80_0_0_fbebb6c9d723d8e452b164d90035abc9.jpg

BAKI, 29 fevral — Sputnik. Azərbaycan Yerüstü Nəqliyyat Agentliyindən (AYNA) taksi sürücülərinin reysqabağı tibbi müayinədən keçməsi ilə bağlı qaydaya aydınlıq gətirib. Sputnik Azərbaycan-ın sorğusuna cavabda bildirilib ki, hüquqi şəxslər və ya fərdi sahibkarlar reysqabağı texniki müayinə ilə bağlı aidiyyəti üzrə qeydiyyatdan keçmiş texniki-təmir sahələri (nəqliyyat vasitələrinə texniki xidmət göstərən məntəqələr), sürcülərin tibbi müayinəsi üçün isə tibb müəssisələri ilə müvafiq qaydada müqavilə imzalaya bilərlər. Sürücülər üçün bu şərait eyni zamanda daşıyıcı tərəfindən parklarda da yaradıla bilər. Qeyd edək ki, yeni qaydalara əsasən, taksi fəaliyyətinə icazə üçün tələb olunan sənədlərdən biri də reysqabağı tibbi müayinə müqaviləsidir. Qurumdan Sputnik Azərbaycan-a cavabda bildirilib ki, "Avtomobil nəqliyyatı haqqında", "Lisenziyalar və icazələr haqqında" qanunlara əsasən, taksi minik avtomobilləri ilə sərnişindaşıma fəaliyyəti göstərmək istəyən hüquqi şəxslər və ya fərdi sahibkarlar buraxılış vəsiqəsi, eyni zamanda nəqliyyat vasitələri üçün buraxılış kartı almalıdırlar. "Avtomobil nəqliyyatı ilə sərnişin və yük daşımalarını yerinə yetirən daşıyıcılar mülkiyyət, icarə və ya istifadəsində olan avtonəqliyyat vasitələrinin texniki vəziyyətinin reysqabağı yoxlanılmasını, sürücülərin isə reysqabağı tibbi müayinədən keçirməsini təmin etməlidirlər. Hüquqi şəxslər və ya fərdi sahibkarlar reysqabağı texniki müayinə ilə bağlı aidiyyəti üzrə qeydiyyatdan keçmiş texniki-təmir sahələri (nəqliyyat vasitələrinə texniki xidmət göstərən məntəqələr), sürcülərin tibbi müayinəsi üçün isə tibb müəssisələri ilə müvafiq qaydada müqavilə imzalaya bilərlər. Qeyd olunan şərait eyni zamanda daşıyıcı tərəfindən parklarda da yaradıla bilər. Sürücünün narkotik sərxoşluq vəziyyətinin, narkotik vasitələr və psixotrop maddələrdən istifadənin müəyyən edilməsi üçün aparılan tibbi müayinənin nəticəsi barədə məlumatlar, eyni zamanda xüsusi hazırlıq keçməsini təsdiq edən sənəd də təqdim etməlidir. Bu sənədlər olmadığı təqdirdə daşıyıcılar icazəyə müraciət edə bilməyəcəklər" - cavabda bildirilib. O da qeyd olunub ki, taksi minik avtomobili ilə sərnişin daşımalarında istifadə olunan avtonəqliyyat vasitələrinin texniki göstəriciləri, daxili və xarici tərtibatına dair tələbləri, həmçinin sürücü barədə məlumatların siyahısı təsdiq olunandan sonra taksi nəqliyyat vasitələrinə Azərbaycan Yerüstü Nəqliyyat Agentliyi tərəfindən müvafiq icazə veriləcək. Bu sahə üzrə elektron qaydada icazələrin verilməsi prosesinə isə taksi fəaliyyətinə dair yeni tələblər müəyyən edildikdən sonra başlanılacaq. Bununla da bu sahədə uçot və nəzarət mexanizminin tətbiqi, reysqabağı texniki müayinə və tibbi müayinənin icrasına nəzarət mümkün olacaq. Qaydaların pozulmasına görə cərimələr nəzərdə tutulub. Nəqliyyat məsələləri üzrə ekspert Elməddin Muradlı Sputnik Azərbaycan-a açıqlamasında bildirib ki, taksi sürücülərinin tibbi müayinəsinin real aparılması bu xidməti göstərən tibb məntəqələrindəki həkimlərin insafına bağlıdır: "Taksi sürücülərinin hamısı eyni vaxtda işə çıxmır. Ona görə də, taksi sürücüləri qeydiyyatda olduqları rayon üzrə səhər reysə çıxmazdan öncə tibbi müayinədən keçə bilərlər. Taksi sürüclərinin hamısına nəzarət etmək çətin olsa da, mümkündür. Amma Azərbaycan reallığında taksi sürücülərinin tibbi müayinəsi ilə bağlı neqativ halların olacağı da gözləniləndir". Məlumat üçün bildirək ki, Nazirlər Kabinetinin 71 nömrəli Qərarına əsasən, sürücülərin reysqabağı tibbi müayinədən keçirməsini təmin etməlidirlər.

2024

xəbərlər

ru_AZ

taksi, elməddin muradlı, test