https://sputnik.az/20240228/annalena-berbok-almaniya-her-zaman-azerbaycanin-erazi-butovluyunu-destekleyib-460271406.html

Ceyhun Bayramov Annalena Berbokla görüşüb

Ceyhun Bayramov Annalena Berbokla görüşüb

Sputnik Azərbaycan

Almaniyanın xarici işlər naziri Annalena Berbok iki ölkə arasında münasibətlərin əhəmiyyətini qeyd edib. 28.02.2024, Sputnik Azərbaycan

2024-02-28T18:15+0400

2024-02-28T18:15+0400

2024-02-28T21:56+0400

siyasət

annalena berbok

almaniya

xin

avropa ittifaqı

cənubi qafqaz

sülh

azərbaycan

mətbuat konfransı

xarici işlər naziri ceyhun bayramov

https://cdnn1.img.sputnik.az/img/07e8/02/1c/462930095_0:67:1280:787_1920x0_80_0_0_6fe8d0665ffea77784c52af5dbbb5d52.jpg

BAKI, 28 fevral - Sputnik. Azərbaycan Respublikasının xarici işlər naziri Ceyhun Bayramov Almaniyaya işgüzar səfəri çərçivəsində Almaniya Federativ Respublikasının xarici işlər naziri Annalena Berbok ilə görüşüb.XİN-dən verilən xəbərə görə, görüş zamanı iki ölkə arasında mövcud əməkdaşlıq gündəliyi, eləcə də Azərbaycan və Ermənistan arasında normallaşma və sülh prosesinin hazırki vəziyyəti və perspektivləri müzakirə olunub.Almaniyanın xarici işlər naziri Annalena Berbok iki ölkə arasında münasibətlərin əhəmiyyətini qeyd edib. Ölkəmizin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasına (COP29) ev sahibliyi etməsi münasibətilə təbriklərini çatdırıb.Nazir Ceyhun Bayramov Azərbaycan və Almaniya arasında son dövrlərdə dinamik xarakter daşıması ilə seçilən təmasların məmnunluq doğurduğunu, xüsusilə Münxen Təhlükəsizlik Konfransı çərçivəsində ali səviyyədə aparılan müzakirələrin əhəmiyyətini vurğulayıb.Almaniyanın Azərbaycan və Ermənistan arasında münasibətlərin normallaşması istiqamətində danışıqların təşkilində göstərdiyi dəstəyə və təşəbbüsə görə təşəkkür bildirilib.Nazir Ceyhun Bayramov ölkəmizin normallaşma və sülh gündəliyinin irəlilədilməsində qərarlı olduğu bildirilib. Buna baxmayaraq, 5 aya yaxın sürən sabitliyin Ermənistan tərəfindən pozulmasının sülh prosesinə zərbə vurmaq məqsədi daşıdığını diqqətə çatdırıb.Bununla yanaşı, Ermənistanın Konstitusiyasında və qanunvericiliyində, siyasi və hüquqi proseslərdə ölkəmizə qarşı irəli sürülən ərazi iddialarını, qeyri-konstruktiv mövqe və ritorikasını davam etdirməsinin qəbuledilməz olduğu vurğulanıb.Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.04.11.23, 22:20Annalena Berbok: "Almaniya hər zaman Azərbaycanın ərazi bütövlüyünü dəstəkləyib""Almaniya hər zaman Azərbaycanın ərazi bütövlüyünü dəstəkləyib".“Report” xəbər verir ki, bunu Almaniyanın xarici işlər naziri Annalena Berbok Bakıda Azərbaycanın xarici işlər naziri Ceyhun Bayramovla birgə mətbuat konfransında deyib.“Avropa Cənubi Qafqazda sülhün bərqərar olmasında və region ölkələri arasında normal münasibətlərin tezliklə bərpasında maraqlıdır. Cənubi Qafqaz Avropa üçün maraqlı regiondur. Bunun iqtisadi səbəbləri və gələcək inkişaf perspektivləri var”, - o bildirib.Nazirin sözlərinə görə, bu regionda sülh hələ bərpa olunmayıb, həll olunmamış problemlər var, lakin sülh zəruridir. “Sülh prosesi həm Azərbaycanın, həm də Ermənistanın maraqlarına uyğundur. İki ölkəyə səfərlərim zamanı hər iki ölkənin bunda maraqlı olduğunu eşitmək məni çox sevindirdi”, - o əlavə edib.A.Berbok vurğulayıb ki, Almaniya və Avropa İttifaqı ölkələri bu sülh təşəbbüslərini dəstəkləyir.

2024

xəbərlər

ru_AZ

annalena berbok, almaniya, xin, avropa ittifaqı, cənubi qafqaz, sülh, azərbaycan, mətbuat konfransı, xarici işlər naziri ceyhun bayramov