Tarixdə bu gün: 27 fevral – FOTO
10:01 27.02.2024 (Yenilənib: 10:34 27.02.2024)
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə hansı hadisələr baş verib - Sputnik Azərbaycan icmalında oxuyun.
BAKI, 27 fevral — Sputnik. Fevralın 27-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəliblər. Bu gündə tarixə düşən hadisələr də baş verib.
Fevralın 27-də kimlər dünyaya gəlib?
Əli Vəliyev (1901 - 1983, Bakı) - Azərbaycan SSR xalq yazıçısı və M.F.Axundov adına mükafat laureatıdır. Onun ən məşhur əsərləri "Qəhrəman", "Ötən günlər", "Gülşən", "Çiçəkli" və digərləridir.
Çarlz Best (1899 - 1978) - kanadalı həkim və fizioloqdur. Onun əsas elmi işləri maddələr mübadiləsi və hormonların fiziologiyası məsələlərinə həsr edilib.
Kanadalı fizioloq Çarlz Best həyat yoldaşı ilə
© AFP 2023
Elizabet Teylor (1932 – 2011) - Böyük Britaniya əsilli ABŞ teatr və kino aktrisasıdır. O, Hollivudun "Qızıl dövrü"ndə kino kraliçası, habelə üç dəfə ən yaxşı qadın roluna görə "Oskar" mükafatı laureatıdır. Elizabet "Kleopatra" filmindəki Kleopatra roluna görə qonorarı milyon dollar olan ilk aktrisadır.
Elizabet Teylor
© AFP 2023 / GABRIEL BOUYS
Yevgeni Urbanski (1932 – 1965) - Sovet teatr və kino aktyoru, RSFSR-in əməkdar artistidir. O, "Kommunist", "Təmiz səma", "Oğlan və göyərçin" və s. filmlərdəki rolları ilə tanınıb.
Yevgeni Urbanski
© Sputnik / Лев Иванов
Tatyana Dogileva (1957) - Sovet və Rusiya aktrisası, teatr və kino rejissoru, yazıçı, televiziya aparıcısı, Rusiya Federasiyasının Xalq artistidir.
Fevralın 27-də dünyada baş verən tarixi hadisələr
1693-cü ildə Londonda qadınlar üçün dünyanın ilk "The Ladies' Mercury" jurnalı nəşr olunub. Bu jurnal ingilis naşiri və jurnalist Con Danton tərəfindən təsis edilib.
1883-cü ildə amerikalı iş adamı, bəstəkar, teatr impresariosu Oskar Hammerşteyn ilk siqar istehsal edən maşın üçün patent alıb.
1965-ci ildə SSRİ-də An-22 "Antey" ağır nəqliyyat təyyarəsi ilk uçuşunu həyata keçirib.
1974-cü ildə Nyu-Yorkda şou-biznes ulduzlarının həyatından bəhs edən "People" həftəlik jurnalının ilk sayı milyon tirajla nəşr olunub.
1991-ci ildə ABŞ Prezidenti Corc Buş İraqa qarşı "Səhrada tufan" əməliyyatı zamanı Küveytin azad edildiyini elan edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
