https://sputnik.az/20240222/azerbaycan-avropaya-4-qvt-yasil-enerji-ixrac-edicek-462801051.html
“Azərbaycan Avropaya 4 QVt “yaşıl enerji” ixrac edəcək”
“Azərbaycan Avropaya 4 QVt “yaşıl enerji” ixrac edəcək”
Sputnik Azərbaycan
Azərbaycan COP28 çərçivəsində "yaşıl enerji" və enerji səmərəliliyi ilə bağlı təşəbbüslərə qoşulub. 22.02.2024, Sputnik Azərbaycan
2024-02-22T16:39+0400
2024-02-22T16:39+0400
2024-02-22T17:38+0400
cəmiyyət
yaşıl enerji
cop29
səudiyyə ərəbistanı
səudiyyə ərəbistanı kralı
opec
https://cdnn1.img.sputnik.az/img/07e7/03/1f/453253885_0:21:3161:1799_1920x0_80_0_0_65089e783d509e86ad108b8088d726f4.jpg
BAKI, 22 fevral — Sputnik. Azərbaycandan Avropaya ilkin mərhələdə 4 QVt həcmində "yaşıl enerji" ixracı nəzərdə tutulur. Energetika Nazirliyi məlumat verir ki, bunu energetika nazirinin müavini Kamal Abbasov Beynəlxalq Enerji Forumunun ev sahibliyi ilə Səudiyyə Ərəbistanı Krallığının Ər-Riyad şəhərində keçirilmiş "Enerjiyə baxış üzrə 14-cü Beynəlxalq Enerji Agentliyi (IEA) - Beynəlxalq Enerji Forumu (IEF) - Neft İxrac Edən Ölkələr Təşkilatı (OPEC) Simpoziumu"nda çıxışı zamanı bildirib. Çıxışda Azərbaycanın enerji sektorunda həm ənənəvi, həm də bərpa olunan enerji mənbələri baxımından əldə etdiyi nailiyyətlər qeyd edilib. Cari ildə COP29-a ev sahibliyi edəcək Azərbaycanın davamlı və ekoloji cəhətdən təmiz enerji həllərinə müstəsna diqqət yetirdiyi vurğulanıb. O bildirib ki, Azərbaycan COP28 çərçivəsində "yaşıl enerji" və enerji səmərəliliyi ilə bağlı təşəbbüslərə qoşulub və bərpa olunan enerjinin ölkənin elektrik enerjisi üzrə ümumi qoyuluş gücündə payının 2027-ci ilədək hazırkı 20%-dən 33%-ə yüksəldilməsi planlaşdırılır. K.Abbasov qeyd edib ki, Azərbaycanın "yaşıl hidrogen" sahəsinə marağı ifadə edilib və vurğulanıb ki, aşağı karbonlu enerjiyə artan tələbatı ödəmək üçün hidrogenin bərpa olunan enerji mənbələri hesabına istehsalı və ixracı potensialı araşdırılır. Simpoziumda "Enerji təhlükəsizliyi, texnologiya və davamlılıq – Ssenarilər və bazarlar", "Əsas dünyagörüşü və müqayisəli təhlil nəticələri", "Enerji təhlükəsizliyində ticarət və investisiya, Bazar sabitliyi və əlverişli giriş" və "Ortaq məqsədlərə çatmaq üçün siyasət və enerji bazarı təşviqləri" adlı 4 sessiya üzrə müzakirələr aparılıb. Tədbirin açılış hissəsində Səudiyyə Ərəbistanı Krallığının energetika naziri, IEF, OPEC Baş katibləri, İEA-nın icraçı direktorunun müavini, Beynəlxalq Bərpa Olunan Enerji Agentliyinin baş direktorunun müavini, digər sessiyalarda isə bir sıra beynəlxalq təşkilat və qurumların ekspertlərinin çıxışları dinlənilib.
Sputnik Azərbaycan
media@sputniknews.com
+74956456601
MIA „Rosiya Segodnya“
2024
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
yaşıl enerji, cop29, səudiyyə ərəbistanı, səudiyyə ərəbistanı kralı, opec
yaşıl enerji, cop29, səudiyyə ərəbistanı, səudiyyə ərəbistanı kralı, opec
“Azərbaycan Avropaya 4 QVt “yaşıl enerji” ixrac edəcək”
16:39 22.02.2024 (Yenilənib: 17:38 22.02.2024) Azərbaycan COP28 çərçivəsində "yaşıl enerji" və enerji səmərəliliyi ilə bağlı təşəbbüslərə qoşulub.
BAKI, 22 fevral — Sputnik. Azərbaycandan Avropaya ilkin mərhələdə 4 QVt həcmində "yaşıl enerji" ixracı nəzərdə tutulur.
Energetika Nazirliyi məlumat verir ki, bunu energetika nazirinin müavini Kamal Abbasov Beynəlxalq Enerji Forumunun ev sahibliyi ilə Səudiyyə Ərəbistanı Krallığının Ər-Riyad şəhərində keçirilmiş "Enerjiyə baxış üzrə 14-cü Beynəlxalq Enerji Agentliyi (IEA) - Beynəlxalq Enerji Forumu (IEF) - Neft İxrac Edən Ölkələr Təşkilatı (OPEC) Simpoziumu"nda çıxışı zamanı bildirib.
Çıxışda Azərbaycanın enerji sektorunda həm ənənəvi, həm də bərpa olunan enerji mənbələri baxımından əldə etdiyi nailiyyətlər qeyd edilib. Cari ildə COP29-a ev sahibliyi edəcək Azərbaycanın davamlı və ekoloji cəhətdən təmiz enerji həllərinə müstəsna diqqət yetirdiyi vurğulanıb.
O bildirib ki, Azərbaycan COP28 çərçivəsində "yaşıl enerji" və enerji səmərəliliyi ilə bağlı təşəbbüslərə qoşulub və bərpa olunan enerjinin ölkənin elektrik enerjisi üzrə ümumi qoyuluş gücündə payının 2027-ci ilədək hazırkı 20%-dən 33%-ə yüksəldilməsi planlaşdırılır.
K.Abbasov qeyd edib ki, Azərbaycanın "yaşıl hidrogen" sahəsinə marağı ifadə edilib və vurğulanıb ki, aşağı karbonlu enerjiyə artan tələbatı ödəmək üçün hidrogenin bərpa olunan enerji mənbələri hesabına istehsalı və ixracı potensialı araşdırılır.
Simpoziumda "Enerji təhlükəsizliyi, texnologiya və davamlılıq – Ssenarilər və bazarlar", "Əsas dünyagörüşü və müqayisəli təhlil nəticələri", "Enerji təhlükəsizliyində ticarət və investisiya, Bazar sabitliyi və əlverişli giriş" və "Ortaq məqsədlərə çatmaq üçün siyasət və enerji bazarı təşviqləri" adlı 4 sessiya üzrə müzakirələr aparılıb.
Tədbirin açılış hissəsində Səudiyyə Ərəbistanı Krallığının energetika naziri, IEF, OPEC Baş katibləri, İEA-nın icraçı direktorunun müavini, Beynəlxalq Bərpa Olunan Enerji Agentliyinin baş direktorunun müavini, digər sessiyalarda isə bir sıra beynəlxalq təşkilat və qurumların ekspertlərinin çıxışları dinlənilib.
