Tarixdə bu gün: 15 fevral – FOTO

Arif Paşayev (1934) - Azərbaycan alimi, Milli Elmlər Akademiyasının akademiki, fizika-riyaziyyat elmləri doktoru, Azərbaycan SSR Dövlət Mükafatı laureatı və Milli Aviasiya Akademiyasının rektorudur (1996).

Qalileo Qaliley (1564-1642) - italyan fiziki, alimi, astronomu, riyaziyyatçısı, müasir fizika və astronomiya elmlərinin və elmi metodun banilərindən biridir. O, göy cisimlərini müşahidə etmək üçün teleskopdan ilk istifadə edənlərdən biri olub və bir sıra görkəmli astronomik kəşflər edib. Qaliley öz təcrübələri ilə Aristotelin nəzəriyyəsini inandırıcı şəkildə təkzib edib və klassik mexanikanın əsasını qoyub.

1961-ci ildə Belçikanın "Sabena" aviaşirkətinin Nyu-Yorkdan havaya qalxan 548 reysli "Boing 707" təyyarəsi Brüsselə enərkən qəzaya uğrayıb. Təyyarədə olan 72 nəfərin hamısı, eləcə də yerdə olan bir nəfər həlak olub.

2009-cu ildən Beynəlxalq Əməliyyat Tibb bacısı Günü qeyd edilir.

2010-cu ildə Belçika tarixində ən böyük dəmir yolu qəzası baş verib. 300-ə yaxın sərnişinin olduğu iki sərnişin qatarının toqquşması nəticəsində 18 nəfər həlak olub, 162 nəfər yaralanıb.

2013-cü ildə Rusiyanın Çelyabinsk şəhəri yaxınlığında kiçik asteroidin parçalarının düşməsi hadisəsi olub. Bu steroid Yer atmosferinə çataraq yavaşlaması nəticəsində partlayıb. Partlayıb yanan asteroidin zərbə dalğası nəticəsində bir neçə binanın şüşələri sınıb, mindən çox insan xəsarət alıb. NASA-nın hesablamalarına görə, bu hadisə 1908-ci ildə Sibirin Tunquska ərazisində partlamış meteordan sonra Yerə düşən ən boyük göy cisimlərindən biridir. Bu miqyasda hadisələr orta hesabla 100 ildə bir dəfə baş verir.

2020-ci ildə Azərbaycan Prezidenti İlham Əliyev Münhen Təhlükəsizlik Konfransında çıxış edib.