Tarixdə bu gün: 12 fevral - FOTO
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə baş vermiş hadisələr barədə Sputnik Azərbaycan-ın icmalında oxuyun.
BAKI, 12 fevral - Sputnik. Fevralın 12-də bir çox dünya şöhrətli aktyorlar, elm adamları, idmançılar, yazıçılar və siyasətçilər dünyaya gəlib. Bu gün tarixə düşən hadisələr də baş verib.
12 fevralda kimlər anadan olub?
İslam Səfərli (1923-1974) - Azərbaycan sovet yazıçısı, şairi və dramaturqu, Azərbaycan SSR əməkdar artisti. “Göz həkimi”, “Ana ürəyi”, “Xeyir və Şər”, “Dədəgünəş əfsanəsi” və s. əsərlərinin müəllifidir.
İslam Səfərli
© Photo : Public Domen
Avraam Linkoln (1809-1865) - ABŞ-ın 16-cı prezidenti (1861-1865), ABŞ-da köləliyi ləğv edən milli qəhrəman.
Авраам Линкольн
© Photo : Public Domen
Çarlz Darvin (1809-1882) - İngilis təbiətşünası və səyyahı, canlı orqanizmlərin bütün növlərinin zamanla təkamül keçirməsi və ortaq əcdadlardan törəməsi fikrini ilk dəfə əsaslandıran və nəticəyə gələnlərdən biri. 1859-cu ildə "Növlərin mənşəyi" kitabında ətraflı təqdimatı dərc olunan nəzəriyyəsində Darvin təbii seçməni növlərin təkamülünün əsas mexanizmi adlandırdı.
Çarlz Robert Darvin
© Photo : Public Domen
Li Byung-chul (1910-1987) - Koreyalı iş adamı, Samsung korporasiyasının yaradıcısı. Onun ləqəbi Hoamdır.
Kristina Riççi (1980) - Amerikalı aktrisa və prodüser. Qaranlıq şəxsiyyətlərlə qeyri-ənənəvi personajları oynamaqla məşhurlaşdı. Ricci bir sıra mükafatlar qazanıb, o cümlədən, Ən Yaxşı Köməkçi Aktrisa üçün Milli Rəy Şurasının Mükafatı və Ən Yaxşı Qadın Aktrisa üçün Sputnik Mükafatı.
Kristina Riççi
© AP Photo / Evan Agostini
Yeqor Şip (2002) - Rus videoblogger, müğənni. 2020-ci ildə o, Hype House Rus TikTok evinin yaradıcılarından biri oldu, lakin tezliklə qalma şərtlərini pozduğuna görə qovuldu. Sonra Freedom Team House-u təsis etdi.
Fevralın 12-də dünyada baş verən tarixi hadisələr
1818-ci ildə Çili müstəqilliyini elan edib.
Çili bayrağı, arxiv
© Sputnik
ABŞ-da Miçiqan Dövlət Universiteti 1855-ci ildə yaradılıb.
2009-cu ildə Bakıda beynəlxalq avtovağzal kompleksi istifadəyə verilib. Azərbaycan Prezidenti İlham Əliyev açılış mərasimində iştirak edib. Dördmərtəbəli avtovağzal kompleksində müasir standartlara cavab verən şərait yaradılıb.
Avtovağzal, arxiv
© Sputnik / Zulfiyya Guluyeva
2015-ci ildə Bakıda Cənub Qaz Dəhlizinin Məşvərət Şurasının ilk iclası keçirilib. Görüş zamanı “Cənub Qaz Dəhlizi” layihəsinin icrası, idarə olunması və vəziyyəti ilə bağlı müzakirələr aparılıb.
Cənub Qaz Dəhlizi
© Photo : SOCAR
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
