https://sputnik.az/20240123/azerbaycan-turizminde-rekord-pandemiyadan-sonra-ilk-defe-say-iki-milyonu-kecdi-462132439.html

Azərbaycan turizmində rekord: Pandemiyadan sonra ilk dəfə say iki milyonu keçdi

Azərbaycan turizmində rekord: Pandemiyadan sonra ilk dəfə say iki milyonu keçdi

Sputnik Azərbaycan

Azərbaycana gələn turistlərin 30,0 faizi Rusiya, 18,1 faizi Türkiyə, 7,9 faizi isə İrandan gəlib. 23.01.2024, Sputnik Azərbaycan

2024-01-23T12:00+0400

2024-01-23T12:00+0400

2024-01-23T12:09+0400

turist

turist səfəri

rus turist

cəmiyyət

vüqar bayramov

rusiya

türk

ərəb

ərəb turist

ərəb turistlər

https://cdnn1.img.sputnik.az/img/07e5/07/07/427407390_0:320:3073:2048_1920x0_80_0_0_2755af30c28c330b4457f7b9e265d523.jpg

BAKI, 23 yanvar — Sputnik. Pandemiyadan sonra ilk dəfə olaraq il ərzində Azərbaycana gələn turistlərin sayı 2 milyonu keçib. Sputnik Azərbaycan-ın xəbərinə görə, bu barədə Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov öz sosial şəbəkə hesabında məlumat yayıb. O bildirib ki, 2023-cü ildə Azərbaycana gələn turistlərin sayı 30,2 faiz artaraq 2 milyon 85 min nəfər olub. Ölkəyə gələn turistlərin mənşə coğrafiyasında da dəyişiklik qeydə alınıb. 2022-ci illə müqayisədə Çindən gələnlərin sayı 6,5, Cənubi Koreyadan 3,3, Türkmənistandan 2,3, Hindistandan və Qazaxıstandan ayrı-ayrılıqda 1,9 dəfə artıb. Bu isə ondan xəbər verir ki, Asiya ölkələrində Azərbaycan turizminə maraq yüksəlib. Bununla belə, yenə də say baxımdan Azərbaycana gələnlər içərsində ilk üçlük qonşu ölkələrin payına düşür. Turistlərin 30,0 faizi Rusiya, 18,1 faizi Türkiyə, 7,9 faizi isə İrandan gəlib. İlk beşliyi isə Hindistan və Gürcüstan qapadıb. Maraqlı məqamlardan biri də MDB ölkələrindən gələnlərin sayının 44,6 faiz, Avropa İttifaqını təmsil edən ziyarətçilərin sayının 41,6 faiz artmasına rəğmən körfəz ölkələri tursitlərinin sayında 2,1 faiz azalmanın qeydə alınmasıdır. 2023-cü ildə Azərbaycana gələn ərəb tursitlərin sayı əvvəlki ilə müqayisədə azalıb. "Turizm enerji sektorundan sonra ölkəyə ən çox valyuta gətirən sektordur. Pandemiyadan əvvəlki il- 2019-cu ildə ölkəyə 3 milyondan çox turist gəlmişdi və əcnəbilər həmin il Azərbaycanda 2.6 milyard dollara yaxın vəsait xərcləmişdilər. Bu baxımdan gələn turistlərin ölkə mənşəyinin yeniləşməsi, xüsusən də Avropa və Cənubi-Şərqi Asiyada yerləşən dövlətlər ilə bu sahədə əməkdaşlığın gücləndirilməsi vacibdir. Turizm sektorunda xərclərin azaldılması və xidmət keyfiyyətinin artırılması da olduqca əhəmiyyətlidir. Bu turizm gəlirlərində dayanıqlığı artıra bilər" - Vüqar Bayramov əlavə edib.

2024

xəbərlər

ru_AZ

turist, turist səfəri, rus turist, vüqar bayramov, rusiya, türk, ərəb, ərəb turist, ərəb turistlər