https://sputnik.az/20240122/evvel-seherciyi-salib-sonra-infrastrukturu-qururlar-bakini-qaydaya-salmaq-mumkundurmu-462066186.html
Əvvəl şəhərciyi salıb, sonra infrastrukturu qururlar: Bakını qaydaya salmaq mümkündürmü?
Əvvəl şəhərciyi salıb, sonra infrastrukturu qururlar: Bakını qaydaya salmaq mümkündürmü?
Sputnik Azərbaycan
Elnur Azadov Bakının mərkəzində, tarixi binalarla yanaşı tikilən göydələnləri sökməyin çətin olduğunu söyləyir. 22.01.2024, Sputnik Azərbaycan
2024-01-22T09:18+0400
2024-01-22T09:18+0400
2024-01-22T09:18+0400
tikinti
paytaxt xəbərləri
bakı
"ağ şəhər" layihəsi
baş plan
dubay
https://cdnn1.img.sputnik.az/img/40882/80/408828076_0:0:2001:1125_1920x0_80_0_0_c5a35c8e961824cd288252e37535afc8.jpg
BAKI, 22 yanvar — Sputnik. "Bakının mərkəzində indiyədək tarixi ilə səsləşməyən, bir-birinə yaraşmayan, fasad və xarici görünüş baxımından uyğun gəlməyən hündürmərtəbəli binalar inşa olunub. Ona görə də, bundan sonra Bakının mərkəzində beş mərtəbədən artıq binaların tikintisinə qadağanın qoyulmasının ciddi əhəmiyyəti yoxdur". Bunu Sputnik Azərbaycan-a açıqlamasında daşınmaz əmlak və inşaat üzrə ekspert Elnur Azadov söyləyib. O, bildirib ki, Bakının yeni hazırlanan Baş Planı mütəxəssislər tərəfindən hərtərəfli dəyərləndirilməlidir. Qeyd edək ki, Baş Planda yer alan maraqlı məqamlardan biri, şəhərin mərkəzində tarixiliyin qorunması üçün beş mərtəbədən hündür binaların tikintisinə qadağanın qoyulacağıdır. Dövlət Şəhərsalma və Arxitektura Komitəsinin sədri Anar Quliyev Bakı şəhərinin 2040-cı ilədək inkişafına dair Baş planının təqdimatı mərasimində bildirib ki, Plana görə, 1000 hektardan çox ərazidə xüsusi mühafizə olunan zona təyin olunub. Burada tarixi abidələrin sıxlığı nəzərə alınıb və tikinti məsələlərinə məhdudiyyət qoyulub. Bu ərazidə beş mərtəbədən hündür bina tikintisinə icazə verilməyəcək. Xüsusilə şəhərin mərkəzində tarixi mədəni irsə hörmət nəzərə alınaraq ciddi addımlar atılacaq. Elnur Azadov isə deyir ki, Baş Planda bu məqamın yer alması müsbət amil olsa da, indiyədək şəhərin mərkəzində aparılmış tikinti işlərində buna məhəl qoyulmayıb. Qədim binaların yanında metal kontruksiyalı göydələnlər tikilib. Bunların sökülməsi isə çətin prosesdir. Bununla yanaşı ekspert əlavə edib ki, şəhərin mərkəzində beş mərtəbədən ibarət bina inşa etmək iqtisadi baxımdan da səmərəli deyil. Ona görə də, özəl sektorun buna maraq göstərəcəyi inandırıcı görünmür. Ekspert Baş Planda nəzərdə tutulan geniş tikinti işlərinin 2040-cı ilədək həyata keçirilməsini də mümkünsüz hesab edir. Onun fikrincə, ölkəmizdə dövlətin geniş inşaat resursları yoxdur. Özəl sektorda isə çox az sayda peşəkar və resursları olan inşaat şirkəti var. Baş Planın icrasına başlanılmazdan öncə yeni inşaat normativlərii müəyyən olunmalıdır. Həmsöhbətimiz deyir ki, bu gün tətbiq olunan inşaat normaları sovetdən qalıb: O, yeni hazırlanan Baş Planın icrası zamanı da bu kimi problemlərin ortaya çıxmasının qaçılmaz olduğunu söyləyib. Qeyd edək ki, Anar Quliyev mətbuata açıqlamasında Bakının yeni Baş Planının Vyana və Dubay nümunəsi üzərində hazırlandığını söyləyib. Ekspert isə deyir ki, Dubayda tikinti layihələri boş torpaq sahələri üzərində icra olunduğundan şəhəri insanyönümlü etmək mümkün olub. Paytaxtda isə hər addımda bir göydələn tikildiyindən, bunu təmin etmək çətin olacaq.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
https://sputnik.az/20240118/universitetler-bakinin-etrafina-niye-kocurulur-462027636.html
dubay
Sputnik Azərbaycan
media@sputniknews.com
+74956456601
MIA „Rosiya Segodnya“
2024
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Zülfiyyə Quluyeva
https://cdnn1.img.sputnik.az/img/07e5/06/11/427241450_0:0:1365:1365_100x100_80_0_0_9f3554f64d41e724ab187e800ebaee8a.jpg
tikinti, bakı, "ağ şəhər" layihəsi, baş plan, dubay
tikinti, bakı, "ağ şəhər" layihəsi, baş plan, dubay
Əvvəl şəhərciyi salıb, sonra infrastrukturu qururlar: Bakını qaydaya salmaq mümkündürmü?
Elnur Azadov Bakının mərkəzində, tarixi binalarla yanaşı tikilən göydələnləri sökməyin çətin olduğunu söyləyir.
BAKI, 22 yanvar — Sputnik. "Bakının mərkəzində indiyədək tarixi ilə səsləşməyən, bir-birinə yaraşmayan, fasad və xarici görünüş baxımından uyğun gəlməyən hündürmərtəbəli binalar inşa olunub. Ona görə də, bundan sonra Bakının mərkəzində beş mərtəbədən artıq binaların tikintisinə qadağanın qoyulmasının ciddi əhəmiyyəti yoxdur".
Bunu Sputnik Azərbaycan-a açıqlamasında daşınmaz əmlak və inşaat üzrə ekspert Elnur Azadov söyləyib. O, bildirib ki, Bakının yeni hazırlanan Baş Planı mütəxəssislər tərəfindən hərtərəfli dəyərləndirilməlidir.
Qeyd edək ki, Baş Planda yer alan maraqlı məqamlardan biri, şəhərin mərkəzində tarixiliyin qorunması üçün beş mərtəbədən hündür binaların tikintisinə qadağanın qoyulacağıdır.
Dövlət Şəhərsalma və Arxitektura Komitəsinin sədri Anar Quliyev Bakı şəhərinin 2040-cı ilədək inkişafına dair Baş planının təqdimatı mərasimində bildirib ki, Plana görə, 1000 hektardan çox ərazidə xüsusi mühafizə olunan zona təyin olunub. Burada tarixi abidələrin sıxlığı nəzərə alınıb və tikinti məsələlərinə məhdudiyyət qoyulub. Bu ərazidə beş mərtəbədən hündür bina tikintisinə icazə verilməyəcək. Xüsusilə şəhərin mərkəzində tarixi mədəni irsə hörmət nəzərə alınaraq ciddi addımlar atılacaq.
Elnur Azadov isə deyir ki, Baş Planda bu məqamın yer alması müsbət amil olsa da, indiyədək şəhərin mərkəzində aparılmış tikinti işlərində buna məhəl qoyulmayıb. Qədim binaların yanında metal kontruksiyalı göydələnlər tikilib. Bunların sökülməsi isə çətin prosesdir.
Bununla yanaşı ekspert əlavə edib ki, şəhərin mərkəzində beş mərtəbədən ibarət bina inşa etmək iqtisadi baxımdan da səmərəli deyil. Ona görə də, özəl sektorun buna maraq göstərəcəyi inandırıcı görünmür.
Ekspert Baş Planda nəzərdə tutulan geniş tikinti işlərinin 2040-cı ilədək həyata keçirilməsini də mümkünsüz hesab edir. Onun fikrincə, ölkəmizdə dövlətin geniş inşaat resursları yoxdur. Özəl sektorda isə çox az sayda peşəkar və resursları olan inşaat şirkəti var. Baş Planın icrasına başlanılmazdan öncə yeni inşaat normativlərii müəyyən olunmalıdır.
Həmsöhbətimiz deyir ki, bu gün tətbiq olunan inşaat normaları sovetdən qalıb:
"Köhnə şəhərin içərisində yeni şəhər salmaq elə də asan deyil. Hər şəhərin özünəməxsus tarixi və kommunikasiyaları var. Yeni şəhər saldıqda infrastruktur da yaradılmalıdır. Sovet dövründə 70-ci ildən sonra salınan mikrorayonlar mükəmməldir. Binalararası məsafə, sosial infrastruktur və sair dəqiq hesablanaraq inşa olunub. Amma təəssüf ki, son illər yeni tikinti layihələrində bu məqamlar nəzərə alınmır. Bu da yaşayış zamanı problemlər yaradır. "Ağ şəhər" layihəsi xarici görünüşcə mükəmməldir. Amma infrastruktur nəzərə alınmadığından, yaşayışda problemlər yaranır. Tikinti layihələri elə planlaşdırılmalıdır ki, yaşayışa yararlı olsun. Şəhərciyi salıb bundan sonra onun ətrafında sosial infrastrukturlar qurulmamalıdır. Bu məqamlar şəhərcik salınarkən nəzərə alınmalıdır".
O, yeni hazırlanan Baş Planın icrası zamanı da bu kimi problemlərin ortaya çıxmasının qaçılmaz olduğunu söyləyib.
Qeyd edək ki, Anar Quliyev mətbuata açıqlamasında Bakının yeni Baş Planının Vyana və Dubay nümunəsi üzərində hazırlandığını söyləyib. Ekspert isə deyir ki, Dubayda tikinti layihələri boş torpaq sahələri üzərində icra olunduğundan şəhəri insanyönümlü etmək mümkün olub. Paytaxtda isə hər addımda bir göydələn tikildiyindən, bunu təmin etmək çətin olacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
