https://sputnik.az/20240118/fransa-sanksiyalarla-qorxudur-azerbaycan-ne-cavab-verecek-462051381.html
Fransa sanksiyalarla qorxudur: Azərbaycan nə cavab verəcək?
Fransa sanksiyalarla qorxudur: Azərbaycan nə cavab verəcək?
Sputnik Azərbaycan
Diplomat hesab edir ki, Makron Fransanın fövqəl dövlət olduğunu dünyaya göstərmək üçün müxtəlif addımlar atır. 18.01.2024, Sputnik Azərbaycan
2024-01-18T15:31+0400
2024-01-18T15:31+0400
2024-01-18T15:52+0400
siyasət
fransa
şirkət
sanksiya
azərbaycan
emmanuel makron
fransa senatının qərarı
qətnamə
milli məclis
millət vəkili
https://cdnn1.img.sputnik.az/img/07e7/0c/1c/461641092_0:227:3138:1992_1920x0_80_0_0_a1ed342380c670d679ab9a26ad06ffdf.jpg
BAKI, 18 yanvar — Sputnik. Fransa Senatı Azərbaycana qarşı sanksiya tətbiq etməyə çağıran qətnamə qəbul edib. Qətnamədə Azərbaycandan qaz idxalına qadağa qoyulmasına çağırış edilir. Milli Məclisin Beynəlxalq münasibətlər və parlamentlərarası əlaqələr komitəsi Fransa Senatının qətnaməsi ilə əlaqədar hökumətə çağırış edərək Fransa ilə iqtisadi əlaqələrin dayandırılmasını təklif edib. Təkliflər sırasında "Total" şirkəti də daxil olmaqla bütün Fransa şirkətlərinin Azərbaycandan çıxarılması, Azərbaycan dövlətinin sifarişi ilə həyata keçirilən hər hansı layihədə onların iştirakına yol verilməməsi məsələsi də var. Azərbaycan-Fransa münasibətlərindəki gərginliklə bağlı millət vəkili Arzu Nağıyev və keçmiş xarici işlər naziri Tofiq Zülfüqarov Sputnik Azərbaycan-a danışıblar. Millət vəkili Arzu Nağıyev qeyd edir ki, son vaxtlar Fransa Azərbaycana qarşı siyasi, hərbi, iqtisadi addımlar atır: "Fransa Senatının qəbul etdiyi birtərəfli qətnamə bir daha göstərir ki, Azərbaycan onlara öz siyasi cavablarını verməlidir. Fransa ərazi bütövlüyümüzə hörmətsizlik nümayiş etdirir, suverenliyimizə qarşı ədalətsiz addımlar atır. BMT-də Fransanın təşəbbüsü ilə Azərbaycan əleyhinə yönəlmiş tədbirlərin təşkilinə çalışılır. Fransa sərhədlərimizə doğru yaxınlaşıb". Onun sözlərinə görə, Azərbaycan Milli Məclisi də Fransanın bu addımlarını cavabsız qoya bilməzdi: "Azərbaycan Fransa müstəmləkələrinin müstəqilliyini tanıya bilər. Bizim ölkəmizin yürütdüyü siyasət xarici qüvvələrin deyil, Azərbaycan xalqının və dövlətinin maraqlarına xidmət edir". Keçmiş XİN rəhbəri Tofiq Zülfüqarov isə bildirib ki, sanksiyaların tətbiq olunması çağırışları Fransanın Azərbaycana qarşı birtərəfli mövqe tutmasının göstəricisidir: "Buna görə də Fransadan fərqli davranış gözləmək doğru olmazdı. Amma nəzərə almaq lazımdır ki, Azərbaycanın Fransa ilə yox, onun administrasiyası ilə problemləri var. Şübhə etmirəm ki, Azərbaycan mövcud Fransa administrasiyasının tutduğu mövqeyə qarşı cavab addımları atacaq və adekvat şəkildə Makron hökumətinin iqtisadi və siyasi cavabı veriləcək". Tofiq Zülfüqarov deyir ki, o, Fransaya qarşı iqtisadi sanksiyalarla bağlı çağırışları doğru hesab etmir: "Azərbaycanın siyasi xətti budur ki, biz heç kimi özümüzə böyük qardaş seçmək fikrində deyilik. Makron Fransanın fövqəl dövlət olduğunu dünyaya göstərmək üçün müxtəlif addımlar atır. Fransa Senatı tərəfindən qəbul edilmiş qətnamə də bununla bağlıdır. Ancaq Azərbaycan nə Fransaya görə, nə də Makronun ambisiyalarına görə öz mövqeyini dəyişməyəcək. Əminəm ki, Azərbaycan Prezidenti bu təzyiq nəticəsində mövqeyində dəyişiklik etməyəcək. Çünki Azərbaycan Prezidenti xalqın dəstəyinə əsaslanaraq siyasi iradə nümayiş etdirib, zəfərlər və nailiyyətlər qazanıb. Hesab edirəm ki, Fransanın addımlarının arxasında Makronun sağlam olmayan siyasi ambisiyaları dayanır" - Tofiq Zülfüqarov bildirib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.
https://sputnik.az/20240118/prezident-neokolonializme-qarsi-mubarize-prioritet-istiqametlerimizdendir-462047814.html
azərbaycan
Sputnik Azərbaycan
media@sputniknews.com
+74956456601
MIA „Rosiya Segodnya“
2024
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
Elvin Səlimov
https://cdnn1.img.sputnik.az/img/07e5/09/1d/433650743_330:68:1200:938_100x100_80_0_0_5e9cf150965a5ac0ee77f0e9ba7cb59f.jpg
fransa, şirkət, sanksiya, azərbaycan, emmanuel makron, fransa senatının qərarı, qətnamə, milli məclis, millət vəkili, xin
fransa, şirkət, sanksiya, azərbaycan, emmanuel makron, fransa senatının qərarı, qətnamə, milli məclis, millət vəkili, xin
Fransa sanksiyalarla qorxudur: Azərbaycan nə cavab verəcək?
15:31 18.01.2024 (Yenilənib: 15:52 18.01.2024) Diplomat hesab edir ki, Makron Fransanın fövqəl dövlət olduğunu dünyaya göstərmək üçün müxtəlif addımlar atır.
BAKI, 18 yanvar — Sputnik. Fransa Senatı Azərbaycana qarşı sanksiya tətbiq etməyə çağıran qətnamə qəbul edib. Qətnamədə Azərbaycandan qaz idxalına qadağa qoyulmasına çağırış edilir.
Milli Məclisin Beynəlxalq münasibətlər və parlamentlərarası əlaqələr komitəsi Fransa Senatının qətnaməsi ilə əlaqədar hökumətə çağırış edərək Fransa ilə iqtisadi əlaqələrin dayandırılmasını təklif edib.
Təkliflər sırasında "Total" şirkəti də daxil olmaqla bütün Fransa şirkətlərinin Azərbaycandan çıxarılması, Azərbaycan dövlətinin sifarişi ilə həyata keçirilən hər hansı layihədə onların iştirakına yol verilməməsi məsələsi də var.
Azərbaycan-Fransa münasibətlərindəki gərginliklə bağlı millət vəkili Arzu Nağıyev və keçmiş xarici işlər naziri Tofiq Zülfüqarov Sputnik Azərbaycan-a danışıblar.
Millət vəkili Arzu Nağıyev qeyd edir ki, son vaxtlar Fransa Azərbaycana qarşı siyasi, hərbi, iqtisadi addımlar atır:
"Fransa Senatının qəbul etdiyi birtərəfli qətnamə bir daha göstərir ki, Azərbaycan onlara öz siyasi cavablarını verməlidir. Fransa ərazi bütövlüyümüzə hörmətsizlik nümayiş etdirir, suverenliyimizə qarşı ədalətsiz addımlar atır. BMT-də Fransanın təşəbbüsü ilə Azərbaycan əleyhinə yönəlmiş tədbirlərin təşkilinə çalışılır. Fransa sərhədlərimizə doğru yaxınlaşıb".
"Müharibə vaxtı Ermənistanı dəstəkləyən Fransa bu gün regionda sülhün əldə olunmasını istəmir. Fransa Ermənistan vasitəsilə müstəmləkəçilik siyasətini davam etdirmək istəyir. Bu gün Fransanın müstəmləkəsi olan yerlərdəki vəziyyət dünya gündəmini zəbt edib. Fransa tərəfindən vaxtilə müstəmləkələrdə atılmış qəddar addımlar dünya tarixinə qara hərflərlə yazılıb. Bu gün Fransanın Azərbaycana hansısa məsələ ilə bağlı çağırış etmək, qarşımızda tələb qoymaq üçün, ən azından, mənəvi haqqı yoxdur" - millət vəkili deyib.
Onun sözlərinə görə, Azərbaycan Milli Məclisi də Fransanın bu addımlarını cavabsız qoya bilməzdi:
"Azərbaycan Fransa müstəmləkələrinin müstəqilliyini tanıya bilər. Bizim ölkəmizin yürütdüyü siyasət xarici qüvvələrin deyil, Azərbaycan xalqının və dövlətinin maraqlarına xidmət edir".
Keçmiş XİN rəhbəri Tofiq Zülfüqarov isə bildirib ki, sanksiyaların tətbiq olunması çağırışları Fransanın Azərbaycana qarşı birtərəfli mövqe tutmasının göstəricisidir:
"Buna görə də Fransadan fərqli davranış gözləmək doğru olmazdı. Amma nəzərə almaq lazımdır ki, Azərbaycanın Fransa ilə yox, onun administrasiyası ilə problemləri var. Şübhə etmirəm ki, Azərbaycan mövcud Fransa administrasiyasının tutduğu mövqeyə qarşı cavab addımları atacaq və adekvat şəkildə Makron hökumətinin iqtisadi və siyasi cavabı veriləcək".
Tofiq Zülfüqarov deyir ki, o, Fransaya qarşı iqtisadi sanksiyalarla bağlı çağırışları doğru hesab etmir:
"Çünki "Total"ın Azərbaycanla əməkdaşlığı ikitərəfli xeyir verir. Çünki həmin şirkətlər ən azından öz mənafeləri naminə mövcud Fransa siyasi kursuna təsir göstərə bilərlər. Bizim məqsədimiz dostlarımızın sayını artırmaq olmalıdır. Fransız şirkətləri ilə bağlanmış hər bir müqavilə Azərbaycanın xeyrinədir. Bizə xeyir gətirən şirkəti niyə cəzalandırmalıyıq?!"
"Azərbaycanın siyasi xətti budur ki, biz heç kimi özümüzə böyük qardaş seçmək fikrində deyilik. Makron Fransanın fövqəl dövlət olduğunu dünyaya göstərmək üçün müxtəlif addımlar atır. Fransa Senatı tərəfindən qəbul edilmiş qətnamə də bununla bağlıdır. Ancaq Azərbaycan nə Fransaya görə, nə də Makronun ambisiyalarına görə öz mövqeyini dəyişməyəcək. Əminəm ki, Azərbaycan Prezidenti bu təzyiq nəticəsində mövqeyində dəyişiklik etməyəcək. Çünki Azərbaycan Prezidenti xalqın dəstəyinə əsaslanaraq siyasi iradə nümayiş etdirib, zəfərlər və nailiyyətlər qazanıb. Hesab edirəm ki, Fransanın addımlarının arxasında Makronun sağlam olmayan siyasi ambisiyaları dayanır" - Tofiq Zülfüqarov bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin. 
