https://sputnik.az/20240117/rusiyanin-lebedeva-modul-tapancasi-istehsala-buraxildi-en-yaxsilar-arasinda-birincidirmi-462019607.html

Rusiyanın Lebedeva modul tapançası istehsala buraxıldı: ən yaxşılar arasında birincidirmi?

Rusiyanın Lebedeva modul tapançası istehsala buraxıldı: ən yaxşılar arasında birincidirmi?

Sputnik Azərbaycan

"Lebedev" modul tapançasının innovativ həlləri və erqonomikası onu Rusiyanın ən qabaqcıl və istifadəsi asan olan atıcı silahlarından birinə çevirir. 17.01.2024, Sputnik Azərbaycan

2024-01-17T22:46+0400

2024-01-17T22:46+0400

2024-01-17T22:46+0400

rusiya

təhlil

tapança

sergey lebedev

"makarov"

https://cdnn1.img.sputnik.az/img/07e8/01/11/462019437_0:26:2815:1609_1920x0_80_0_0_fc9e245a607f6d97a77cee8ebe4c09fc.jpg

Rusiya ordusunun yenidən silahlanması sürətlə artmaqda davam edir. Yüksək dəqiqlikli snayper patronları və həddindən artıq güclü zirehdeşən patronlarla atəş açmaq üçün nəzərdə tutulmuş "Lebedev" tapançasının ən yeni modifikasiyasının seriyalı istehsalı Rusiya və müttəfiq ölkələrin güc strukturlarının xüsusi təyinatlı bölmələrinin imkanlarını xeyli artıracaq. "Kalaşnikov" Konserni 9x19 mm kalibrli "Lebedev" modul tapançasının (LMT) kütləvi istehsalına başlayır ki, bu da artan gücə malik yeni, texnoloji cəhətdən təkmil məhsulun modifikasiyalarının çeşidini genişləndirir. Bu yaxınlarda LMT və LMT-1 dövlət sınaqlarından uğurla keçib. "Lebedev" yeni modul tapançası 7N21 zirehdeşən patronu da daxil olmaqla 9x19 mm kalibrli patronlar üçün nəzərdə tutulub. Bu, 50 metr effektiv atəş məsafəsini, dəqiqədə 60 mərmiyə qədər atəş sürətini, yəni geniş taktiki tapşırıqların yerinə yetirilməsini təmin edir. 16 patrondan ibarət tam maqazinli tapançanın çəkisi 0,99 kq-dır. Onun uzunluğu, hündürlüyü və eni - 205/140/28 mm-dir. Hətta məhdud yerlərdə belə silahın yüksək sürətinə və istifadəsinin asanlığına kömək edir. LMT-nin əla resursu 7N21 zirehdeşən patronlarından istifadə edərək təxminən 10 min atış ata bilir. "Lebedev" tapançası taktiki fənərlərin və lazer hədəf təyinedicilərinin quraşdırılması üçün lüləaltı dəstək sistemi ilə təchiz olunub. O, əla erqonomikası ilə fərqlənir, sağ və sol əl ilə rahat atəş açmaq üçün uyğunlaşdırılıb. LMT-1 modifikasiyası LMT-dən 15 mm uzundur və zəif səsli atəş qurğusu ilə birlikdə təchiz edilib (səsboğucu ilə uzunluğu 400 mm-dir). Müasir xarici Glock17 və P226 analoqları ilə müqayisədə Rusiyanın "Lebedev" modul tapançası daha az geri çəkilir. Tapançanın yaradıcısı Dmitri Lebedev bu yaxınlarda vurğulayıb ki, LMT 2014-cü ildən bəri bir sıra modifikasiyaların formalaşdırıla biləcəyi universal platforma kimi dizayn edilib və inkişaf etdirilib. Rusiyanın güc strukturlarının bir çox xüsusi təyinatlı qüvvələrinin döyüş təcrübəsi və tələbləri, görkəmli atıcı idmançıların biomexanikası və psixologiyası, xaricdə istehsal olunan oxşar silahların xüsusiyyətlərinin təhlili nəzərə alınır. Hərbçilərin və digər mütəxəssislərin xahişi ilə zəif səsli atəş qurğusunun (LMT-1) bərkidilməsinin etibarlılığı artırılıb və maqazinin doldurulması üçün tələb olunan səylər azaldılıb. Heç də təsadüfi deyil ki, "Kalaşnikov" Konserninin aparıcı konstruktor mühəndisi Dmitri Lebedev 2022-ci ildə "Hərbi xidmətlərə görə" ordenlə təltif edilib. Yeni nəsil "Lebedev" modul tapançasının innovativ həlləri və erqonomikası onu Rusiyanın ən qabaqcıl və istifadəsi asan olan atıcı silahlarından birinə çevirir. Yüksək istehsal texnologiyaları və keyfiyyətli materialları ən ekstremal şəraitdə etibarlılığı təmin edir və geniş problemləri həll etməyə imkan verir. Tətik mexanizmi hər atışda etibarlılığı və dəqiqliyi təmin edir ki, bu da döyüş əməliyyatlarının dinamikasında xüsusilə vacibdir. Həddindən artıq gücü olan tapancanın patronları zirehdə olan düşmənləri belə vurmağa imkan verir. Kənarları əyilmiş formada olan unikal LMT-nin tutacağı silah üzərində optimal nəzarəti və istənilən mövqedən atışın dəqiq olmasını təmin edir. "Lebedev" tapançasına fərdi tələblərə və istifadə şəraitinə operativ uyğunlaşma üçün modul dizayn elementləri daxildir. Bu, uzun illər silahqayırma mühəndisliyinin zirvəsidir. Bununla yanaşı, İjevsk Mexanika Zavodu 2023-cü ildə döyüş tapançalarının istehsalını beş dəfə artırıb. Bu yaxınlarda zavod "Lebedev" kompakt tapançasının (LKT-nin uzunluğu 180 mm-dir) seriyalı istehsalını püxtəşəşdirib və artıq Rusiya hüquq-mühafizə orqanlarına 10 mindən çox belə məhsul verib. Xatırladım ki, 9x19 mm-lik patron ilə kompakt sinifdə olan LKT Rusiyanın ilk qısa lüləli silah nümunəsi olub. "Makarov" tapançası (MT) yarım əsrdən çoxdur ki, SSRİ və Rusiya silahlanmasındadır. Yaxın döyüşlərdə atəşin intensivliyinin artması, zirehlərin və dəbilqələrin təkmilləşdirilməsi MT-nin modernləşdirilməsi üçün resursu praktiki olaraq tükəndirir. Gələcəkdə, hətta Rusiyanın silahlanmasında olan müasir "Udav" müasir tapançasının və modernləşdirilmiş "Yarıgin" tapançasının bütün üstünlüklərini nəzərə alsaq da, kompakt, güclü və dəqiq olan ən yeni "Lebedev" modul tapançası MT döyüş veteranına ən layiqli və etibarlı əvəzedici ola bilər. Rusiya hərbi sənaye kompleksinin ən yaxşı məhsulları arasında texnoloji rəqabət davam edir.

2024

xəbərlər

ru_AZ

rusiya, tapança, sergey lebedev, "makarov"