https://sputnik.az/20240117/elektron-reseptsiz-aptekden-derman-elde-etmek-mumkun-olmayacaq-462028827.html
"Elektron reseptsiz aptekdən dərman əldə etmək mümkün olmayacaq"
"Elektron reseptsiz aptekdən dərman əldə etmək mümkün olmayacaq"
Sputnik Azərbaycan
Rəqəmsal reseptdə yalnız Tarif Şurası ilə təsdiq olunmuş və qeydiyyata alınmış dərmanlar yazılacaq. Bu da firma dərmanlarının satılmasının qarşısını alacaq. 17.01.2024, Sputnik Azərbaycan
2024-01-17T19:38+0400
2024-01-17T19:38+0400
2024-01-17T19:38+0400
aptek
səhiyyə
tarif şurası
dərman
elektron
https://cdnn1.img.sputnik.az/img/40316/61/403166146_0:80:1801:1093_1920x0_80_0_0_544b8340c93b467b2454c6c8364144c8.jpg
BAKI, 17 yanvar — Sputnik. Yanvarın 1-dən artıq elektron resept sisteminin tam tətbiqi həyata keçirilir. Bunu Səhiyyə Nazirliyinin Səhiyyənin İnformasiyalaşdırılması Mərkəzinin şöbə müdiri Kəbutər Mövsümlü bildirib. O bildirib ki, bundan sonrakı dövrdə artıq reseptlərin sadəcə rəqəmsal, yəni elektron qaydada qəbulu olacaq. Artıq elektron reseptsiz heç bir aptek şəbəkəsindən dərman vasitəsini əldə etmək mümkün olmayacaq. Sistemə bütün dövlət və özəl tibb müəssisələrinin, əczaçılıq şəbəkələrinin inteqrasiyası gözlənilir: "Hazırda Səhiyyə Nazirliyinin tabeliyində olan bütün tibb müəssisələri elektron reseptə keçid edib. Onlar vətəndaşlara reseptləri elektron qaydada təqdim edirlər. Hazırda mərhələli şəkildə bunun tətbiqi həyata keçirilməkdədir. Yaxın gələcəkdə bütün vətəndaşlar reseptlərini elektron qaydada əldə edə biləcəklər". Kəbutər Mövsümlü vurğulayıb ki, elektron resept dövlət tərəfindən pulsuz dərmanla təmin olunan şəxslərə şamil olunmayacaq: "Həmin şəxslər əvvəlki kimi yaşayış ərazisi üzrə poliklinikaya müraciət edərək kağız resept yazdıra və dərmanları əldə edə biləcəklər". Möhür tələb edən reseptlərin verilməsi ilə bağlı məsələyə aydınlıq gətirən Kəbutər Mövsümlü deyib ki, bu, rəqəmsal reseptdə də nəzərə alınıb: "Belə ki, resept yazıldıqdan sonra təsdiq üçün müəssisə rəhbərinə göndəriləcək və təsdiqdən sonra vətəndaş həmin resepti çap edə biləcək". Rəqəmsal reseptin tətbiqindən sonra dərman dövriyyəsinə nəzarət barədə danışan Kəbutər Mövsümlü deyib ki, bununla bağlı Səhiyyə Nazirliyi tərəfindən təqib və izləmə sistemi yaradılıb ki, bunun vasitəsilə də dərman dövriyyəsinə birbaşa nəzarət təmin ediləcək: "Burada dərman vasitələrinin qaçaqmalçılıq yolu ilə respublika ərazisinə daxil olması, Tarif Şurası tərəfindən qoyulmuş qiymət həddindən aşağı və ya yuxarı satılması, həmçinin müddəti bitmiş dərman vasitələrinin ölkə ərazisinə daxil olmasına, eyni qaydada istehsal və idxal olunan dərman məhsullarına nəzarət olunacaq. Bu nəzarət dövlət tərəfindən QR kod vasitəsilə mümkün olacaq". O bildirib ki, rəqəmsal reseptdə yalnız Tarif Şurası ilə təsdiq olunmuş və qeydiyyata alınmış dərmanlar yazılacaq: "Bu da firma dərmanlarının satılmasının qarşısını alacaq. Həmçinin bioloji qida əlavələri də elektron reseptdə yer almayacaq".
Sputnik Azərbaycan
media@sputniknews.com
+74956456601
MIA „Rossiya Segodnya“
2024
Sputnik Azərbaycan
media@sputniknews.com
+74956456601
MIA „Rossiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rossiya Segodnya“
Sputnik Azərbaycan
media@sputniknews.com
+74956456601
MIA „Rossiya Segodnya“
aptek, tarif şurası, dərman, elektron
aptek, tarif şurası, dərman, elektron
"Elektron reseptsiz aptekdən dərman əldə etmək mümkün olmayacaq"
Rəqəmsal reseptdə yalnız Tarif Şurası ilə təsdiq olunmuş və qeydiyyata alınmış dərmanlar yazılacaq. Bu da firma dərmanlarının satılmasının qarşısını alacaq.
BAKI, 17 yanvar — Sputnik. Yanvarın 1-dən artıq elektron resept sisteminin tam tətbiqi həyata keçirilir.
Bunu Səhiyyə Nazirliyinin Səhiyyənin İnformasiyalaşdırılması Mərkəzinin şöbə müdiri Kəbutər Mövsümlü bildirib.
O bildirib ki, bundan sonrakı dövrdə artıq reseptlərin sadəcə rəqəmsal, yəni elektron qaydada qəbulu olacaq. Artıq elektron reseptsiz heç bir aptek şəbəkəsindən dərman vasitəsini əldə etmək mümkün olmayacaq. Sistemə bütün dövlət və özəl tibb müəssisələrinin, əczaçılıq şəbəkələrinin inteqrasiyası gözlənilir: "Hazırda Səhiyyə Nazirliyinin tabeliyində olan bütün tibb müəssisələri elektron reseptə keçid edib. Onlar vətəndaşlara reseptləri elektron qaydada təqdim edirlər. Hazırda mərhələli şəkildə bunun tətbiqi həyata keçirilməkdədir. Yaxın gələcəkdə bütün vətəndaşlar reseptlərini elektron qaydada əldə edə biləcəklər".
Kəbutər Mövsümlü vurğulayıb ki, elektron resept dövlət tərəfindən pulsuz dərmanla təmin olunan şəxslərə şamil olunmayacaq: "Həmin şəxslər əvvəlki kimi yaşayış ərazisi üzrə poliklinikaya müraciət edərək kağız resept yazdıra və dərmanları əldə edə biləcəklər".
Möhür tələb edən reseptlərin verilməsi ilə bağlı məsələyə aydınlıq gətirən Kəbutər Mövsümlü deyib ki, bu, rəqəmsal reseptdə də nəzərə alınıb: "Belə ki, resept yazıldıqdan sonra təsdiq üçün müəssisə rəhbərinə göndəriləcək və təsdiqdən sonra vətəndaş həmin resepti çap edə biləcək".
Rəqəmsal reseptin tətbiqindən sonra dərman dövriyyəsinə nəzarət barədə danışan Kəbutər Mövsümlü deyib ki, bununla bağlı Səhiyyə Nazirliyi tərəfindən təqib və izləmə sistemi yaradılıb ki, bunun vasitəsilə də dərman dövriyyəsinə birbaşa nəzarət təmin ediləcək: "Burada dərman vasitələrinin qaçaqmalçılıq yolu ilə respublika ərazisinə daxil olması, Tarif Şurası tərəfindən qoyulmuş qiymət həddindən aşağı və ya yuxarı satılması, həmçinin müddəti bitmiş dərman vasitələrinin ölkə ərazisinə daxil olmasına, eyni qaydada istehsal və idxal olunan dərman məhsullarına nəzarət olunacaq. Bu nəzarət dövlət tərəfindən QR kod vasitəsilə mümkün olacaq".
O bildirib ki, rəqəmsal reseptdə yalnız Tarif Şurası ilə təsdiq olunmuş və qeydiyyata alınmış dərmanlar yazılacaq: "Bu da firma dərmanlarının satılmasının qarşısını alacaq. Həmçinin bioloji qida əlavələri də elektron reseptdə yer almayacaq".
