Yanvarın 16-də hansı əlamətdar hadisələr baş verib
© Sputnik / Elnur Salayev
Abunə olmaq
Bu gün dünyada və ölkədə müxtəlif illərdə hansı hadisələr baş verib - Sputnik Azərbaycan icmalında oxuyun.
BAKI, 16 yanvar — Sputnik. Yanvarın 16-də bir çox dünya şöhrətli aktyorlar, alimlər, idmançılar, yazıçılar, siyasətçilər dünyaya gəlib. Bu gün də tarixə düşən müəyyən hadisələr baş verib.
Yanvarın 16-də kimlər anadan olub?
Frenk Zamboni (1901-1988) 1949-cu ildə konkisürmə meydançalarında buzu bərpa etmək üçün istifadə edilən buz kombaynının ixtiraçısı kimi tanınan amerikalı mühəndisdir.
Diana Vinyar (1906-1964) – İngiltərənin teatr və kino aktrisasıdır. Əsas qadın nominasiyasında "Oskar" mükafatına namizəd olan ilk britaniyalı artistidir. O, "Rasputin və İmperatriça", "İnsan döyüşməlidir", "Vyanada görüş", "Azadlıq radiostansiyası" və s. filmlərdə rol alıb.
Vasili Lanovoy (1934-2021) - Rusiyanın teatr və kino aktyoru, SSRİ xalq artistidir. O, Pavel Korçaginin "Al qırmızı yelkənlər", "Müharibə və sülh", "Zabitlər", "Baharın on yeddi anı", "Anna və Komandir", "Turbinlərin günləri" və s. filmlərində rol alıb.
Şade (1959) - Nigeriya əsilli ingilis müğənnisi, bəstəkar, mahnı müəllifi, prodüser və "Sade" qrupunun vokalistidir. Müğənninin əsl adı Helen Folaşade Adudur. Onun sonuncu albomu 2010-cu ildə işıq üzü görüb.
Keyt Moss (1974) – İngiltərənin supermodeli və aktrisasıdır. O, 1990 və 2000-ci illərin ən yüksək maaş alan modellərindən biri kimi tanınır.
Yanvarın 16-də dünyada baş verən tarixi hadisələr
1712-ci ildə Rusiya imperatoru I Pyotr ilk Rus Hərbi Mühəndislik Məktəbini qurub. Hazırda bu, A.F.Mojayski adına Hərbi Kosmik Akademiyadır.
1724-cü ildə I Pyotrun sərəncamı ilə Rusiya imperiyasında gənclərin razılığı olmadan evlənmək qadağan edilib. Qadağa yalnız azad insanlara deyil, təhkimçilərə də şamil edilib.
1909-cu ildə ingilis-irland tədqiqatçısı Ernest Şekletonun ekspedisiyası Yerin cənub maqnit qütbünü kəşf edib.
1920-ci ildə Parisdə ABŞ-ın iştirakı olmadan Millətlər Liqasının ilk iclası keçirilib. Bu, Birinci Dünya Müharibəsinə son qoymaq üçün 1919-cu ilin aprelində Parisdə keçirilən sülh danışıqları nəticəsində yaradılmış ilk beynəlxalq sülhməramlı təşkilatdır. Bu təşkilat 26 il fəaliyyət göstərib, lakin effektsiz olub və İkinci Dünya Müharibəsinin qarşısını ala bilməyib.
1973-cü ildə "Lunoxod" ayın uzaqdan idarə olunan sovetin özüyeriyən aparatları seriyasının ikincisi Ayın səthi boyunca səyahətə çıxıb. Bu, Ayın səthinin mexaniki xüsusiyyətlərini, Ayın fotoşəkilini və televiziya çəkilişini öyrənmək və yerüstü lazer məsafəölçən ilə təcrübələr aparmaq üçün nəzərdə tutulub.
2001-ci ildən YUNESKO-nun qərarına əsasən, 16 yanvar Ümumdünya "The Beatles" Günü kimi qeyd olunur. Tarix təsadüfən seçilməyib - 1957-ci il yanvarın 16-da Liverpulda "The Cavern" klubu açılıb və burada o vaxtlar heç kəs tərəfindən tanınmayan gənc musiqiçilər Con Lennon, Pol Makkartni və Corc Harrisonun şöhrət yoluna başlayıblar.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.
