https://sputnik.az/20240115/dovlet-xidmeti-azerbaycan-demir-yollari-barede-is-qaldirdi-461956144.html

Dövlət Xidməti "Azərbaycan Dəmir Yolları" barədə iş qaldırdı

Dövlət Xidməti "Azərbaycan Dəmir Yolları" barədə iş qaldırdı

Sputnik Azərbaycan

Müraciətlərdə "Azərbaycan Dəmir Yolları"nın həmin şirkətlərə qarşı haqsız rəqabətə və ayrı-seçkiliyə yol verdiyi, bazar subyektləri ilə əməkdaşlıqdan əsassız... 15.01.2024, Sputnik Azərbaycan

2024-01-15T10:17+0400

2024-01-15T10:17+0400

2024-01-15T10:26+0400

iqtisadiyyat

azərbaycan dəmir yolları

https://cdnn1.img.sputnik.az/img/07e6/05/19/442221205_0:105:2000:1230_1920x0_80_0_0_ca621627ef98fc3d6c50419a6a22f507.jpg

BAKI, 15 yanvar — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti "Azərbaycan Dəmir Yolları" QSC barədə iş qaldırıb. Bu barədə Dövlət Xidməti məlumat yayıb. Məlumata görə, quruma səhmdar cəmiyyətinin infrastrukturu vasitəsilə fəaliyyət göstərən bir neçə ekspeditor (özəl nəqliyyat) şirkətlərindən müraciətlər daxil olub.Müraciətlərdə "Azərbaycan Dəmir Yolları"nın həmin şirkətlərə qarşı haqsız rəqabətə və ayrı-seçkiliyə yol verdiyi, bazar subyektləri ilə əməkdaşlıqdan əsassız olaraq imtina etdiyi bildirilib. Daxil olan məlumatlar əsasında Dövlət Xidməti bu istiqamətdə antiinhisar qanunvericiliyinin tələblərinə əməl olunması vəziyyəti üzrə araşdırma aparıb.Araşdırma nəticəsində "Azərbaycan Dəmir Yolları" barədə bazarda rəqabətin məhdudlaşdırılması, rəqibin işgüzar münasibətlərinin qanunsuz vasitələrlə qəsdən pozulması və dayandırılması, kontragentə sərfəli olmayan və yaxud müqavilələrin məzmununa aid olmayan müqavilə şərtlərinin ona məcburi qəbul etdirilməsi və təsərrüfat qərarlarının icrasına qanunsuz vasitələrlə təsir göstərilməsi əlamətləri üzrə antiinhisar qanunvericiliyinə əsasən iş qaldırılıb.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

azərbaycan dəmir yolları