Ermənistan rəsmilərini reqressiyadan danışmağa nə məcbur edir?

"Sülh müqaviləsi beynəlxalq hüquq normaları əsasında imzalanmalıdır. Azərbaycan təklif etdiyi beş prinsip də buna uyğundur. Azərbaycan Prezidenti İlham Əliyevin yerli televiziya kanallarına müsabibəsində bu məsələlər aydın şəkildə ictimaiyyətə təqdim edildi. Ermənistan digər ölkələrdən aldığı direktiv əsasında siyasi istiqamətini müəyyənləşdirdiyi üçün 70 gün ərzində Azərbaycan sülh təklifləri paketinə 70 gün ərzində cavab verməmişdi. Cənab Prezident də açıq şəkildə bildirdi ki, bunun müqabilində Ermənistana vəd olunmuşdu ki, Azərbaycana təzyiqlər ediləcək, sanksiyalar tətbiq olunacaq, amma bunlar baş vermədi. Bu baxımdan hesab edirəm ki, Ermənistan sülh prosesində məntiqli mövqe tutaraq özü-özünü saldığı blokadadan çıxarmalıdır".

"Bildiyiniz kimi Lui Bononun Azərbaycana da səfər edəəcyi gözlənilirdi, ancaq bu baş tutmadı. Açıq desək Bono Bakıda qəbul olunmadı. Bizə aydın olur ki, Ermənistana sülh danışıqlarının əsas məqamları, xüsusən də Zəngəzur dəhlizi ilə bağlı yeni tezislər ötürülüb. Bu baxımdan Ermənistan rəsmiləri sülhə meylli olduqlarını göstərmək istəsələr də, təzadlı açıqlamalar verirlər. Ermənistan rəhbərliyində təmsil olunan şəxslərin verdiyi açıqlamalar da göstərir ki, hələ Azərbaycan və Ermənistan arasında sülh prosesi ilə bağlı konseptual yanaşma yoxdur. Ermənistan sadəcə qeyri-müəyyənlik irəli sürür və onun davranışları sülh prosesini uzatmağa xidmət edir".

"Sülh istəmirlərsə, Ermənistan yenə də blokada da qalmağa davam edəəck. Kommunikasiyaların açılması Azərbaycan üçün elə bir zərurət təşkil etmir. Naxçıvanla bağlı məsələ konkret olaraq İranla razıalşdırıldığı üçün bu istiqamətdə də problem olduğunu düşünmürəm. Orta Dəhlizin fəaliyyəti üçün isə Bakı-Tbilisi- Qars dəmiryolu fəaliyyət göstərir və bu özünü doörultmaqdadır. Bu baxımdan mövcuz vəziyyətdə Azərbaycan üçün problem yoxdur".