https://sputnik.az/20240103/ran-ucun-utt-ye-uzvlukle-bagli-sey-gostermek-menasizdir---xn-461740522.html

İran üçün ÜTT-yə üzvlüklə bağlı səy göstərmək mənasızdır - XİN

İran üçün ÜTT-yə üzvlüklə bağlı səy göstərmək mənasızdır - XİN

Sputnik Azərbaycan

XİN rəsmisi bildirib ki, Aİİ ilə azad ticarət İran və Rusiyanın ticarət sahəsində əlaqələrinə böyük təsir göstərəcək. 03.01.2024, Sputnik Azərbaycan

2024-01-03T15:28+0400

2024-01-03T15:28+0400

2024-01-03T15:28+0400

dünya xəbərləri

iran

ümumdünya ticarət təşkilatı

briks

şanxay əməkdaşlıq təşkilatı

avrasiya iqtisadi ittifaqı

https://cdnn1.img.sputnik.az/img/07e4/0a/0a/425165296_0:0:3318:1867_1920x0_80_0_0_93e37cc3647f6912cccc302f34d15c53.jpg

BAKI, 3 yanvar - Sputnik. İranın üzv olduğu BRİKS, Şanxay Əməkdaşlıq Təşkilatı (ŞƏT), Avrasiya İqtisadi Birliyi (Aİİ), İqtisadi Əməkdaşlıq Təşkilatı (İƏT) kimi regional təşkilatlara görə İran Ümumdünya Ticarət Təşkilatına (ÜTT) üzv olmağa ehtiyac görmür. İran xarici işlər nazirinin iqtisadi diplomatiya üzrə müavini Mehdi Səfəri RİA Novosti-yə müsahibəsində bildir. İran Xarici İşlər Nazirliyinin rəis müavini qeyd edib ki, İrana ÜTT-də iştirak təklif edilərsə, ölkə belə bir addımı alqışlayacaq və bu təşkilata üzv olacaq, lakin vurğulayıb ki, İslam Respublikasının adını çəkdiyi assosiasiyalara üzvlük sayəsində, “regional və qlobal səviyyədə ehtiyaclar praktiki olaraq ödənilir”. Onun sözlərinə görə, Aİİ ilə azad ticarət İran və Rusiyanın ticarət sahəsində əlaqələrinə böyük təsir göstərəcək, Bunun nəticəsində İran və Rusiya arasında BRİKS və ŞƏT çərçivəsində maliyyə, tranzit, enerji, texniki və bilik tutumlu layihələr sahəsində yaxşı əməkdaşlıq üçün əsas formalaşdıra bilər. 2023-cü ilin avqustunda Cənubi Afrikada keçirilən BRİKS sammitində CAR prezidenti Siril Ramafosa təşkilatın üzvlərinin Argentina, Misir, Efiopiya, İran, Səudiyyə Ərəbistanı və BƏƏ-ni BRİKS-ə tamhüquqlu üzv olmağa dəvət etmək qərarına gəldiyini açıqlayıb. Argentina daha sonra birlikdə iştirakdan imtina edib. Yeni ölkələrin bu təşkilatda tam iştirakı 2024-cü il yanvarın 1-dən başlayıb. Rusiya Xarici İşlər Nazirliyinin rəhbərinin müavini Sergey Ryabkovun Yohannesburqda keçirilən sammitin yekunları üzrədeyib ki, BRİKS-ə qoşulmaq istəyən dövlət assosiasiyaya daxil olan ölkələrə qarşı sanksiyalar tətbiq etməməlidir. Aİİ ölkələri İranla 2019-cu ildən qüvvədə olan müvəqqəti sazişi əvəz etməli olan tam miqyaslı azad ticarət sazişi 2023-cü ilin dekabr ayının sonunda imzalayıb. İmzalanma Ali Avrasiya İqtisadi Şurasının Sankt-Peterburqda keçirilən iclası çərçivəsində baş tutub. Mərasimdə imzaları Avrasiya İqtisadi Komissiyasının (AİK) İdarə Heyətinin sədri Mixail Myasnikoviç, Rusiya Federasiyası Baş nazirinin müavini Aleksey Overçuk və İranın sənaye, mədən və ticarət naziri Abbas Əliabadi imzalayıblar. Müqaviləni Belarus, Ermənistan, Qazaxıstan və Qırğızıstan nümayəndələri də imzalayıblar. ŞƏT 2001-ci ildə yaradılmış beynəlxalq təşkilatdır. Buraya Hindistan, İran, Qazaxıstan, Çin, Qırğızıstan, Rusiya, Tacikistan, Pakistan və Özbəkistan daxildir. Müşahidəçi ölkələr Əfqanıstan, Belarus və Monqolustan, tərəfdaş ölkələr Azərbaycan, Ermənistan, Kamboca, Nepal, BƏƏ, Türkiyə və Şri-Lankadır.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2024

xəbərlər

ru_AZ

iran, ümumdünya ticarət təşkilatı, briks , şanxay əməkdaşlıq təşkilatı, avrasiya iqtisadi ittifaqı