https://sputnik.az/20231229/qarabag-ve-serqi-zengezurda-gelen-il-12-ses-istismara-verilecek-461657612.html

Qarabağ və Şərqi Zəngəzurda gələn il 12 SES istismara veriləcək

Qarabağ və Şərqi Zəngəzurda gələn il 12 SES istismara veriləcək

Sputnik Azərbaycan

Paralel olaraq 2023-cü ildə "AzərEnerji" tərəfindən Laçında yeni tikilən 110 kilovoltluq "Qorçu" yarımstansiyasının və "Laçın" şəhər qovşaq yarımstansiyasının... 29.12.2023, Sputnik Azərbaycan

2023-12-29T12:06+0400

2023-12-29T12:06+0400

2023-12-29T12:07+0400

ses

qarabağın dirçəlişi və reinteqrasiyası

qarabağ

işğaldan azad edilmiş ərazilər

https://cdnn1.img.sputnik.az/img/42342/02/423420294_0:0:1500:844_1920x0_80_0_0_54bc91910b44d5d7b59398a5596416f8.jpg

BAKI, 29 dekabr — Sputnik. İşğaldan azad edilən ərazilərdə 2023-cü ildə "AzərEnerji" tərəfindən 12 yerdə tikilən yarımstansiya və su elektrik stansiyalarının açılışı olub. "AzərEnerji"dən verilən məlumata görə, Prezident İlham Əliyevin iştirakı ilə Azərbaycan-Türkiyə-Avropa ölkələrarası beynəlxalq enerji dəhlizi layihəsi çərçivəsində tikilən 330 kV-luq "Cəbrayıl" qovşaq yarımstansiyası istismara verilib. Həmçinin yaşıl enerji strategiyasına uyğun olaraq 2023-cü ildə Kəlbəcər rayonunda 8,33 meqavat gücündə "Çıraq-1", 3,6 meqavat gücündə "Çıraq-2", 6,33 meqavat gücündə "Qamışlı", 5,3 meqavat gücündə "Soyuqbulaq" və 3,4 meqavat gücündə "Meydan" kiçik su elektrik stansiyalarının yenidənqurmadan sonra açılışı olub. Paralel olaraq 2023-cü ildə "AzərEnerji" tərəfindən Laçında yeni tikilən 110 kilovoltluq "Qorçu" yarımstansiyasının və "Laçın" şəhər qovşaq yarımstansiyasının açılışı həyata keçirilib. Bununla yanaşı, Laçın rayonunda yenidən qurulan 8,25 meqavat gücündə "Mişni" və 6 meqavat gücündə "Alxaslı" kiçik su elektrik stansiyaları yenidən qurularaq istismara buraxılıb. Prezident İlham Əliyev, həmçinin "AzərEnerji"nin yeni tikilən 10,5 meqavat gücündə "Cahangirbəyli" Su Elektrik Stansiyasının açılışında da iştirak edib. Dekabr ayında isə 110 kilovoltluq "Ağdam" qovşaq yarımstansiyasının açılışı həyata keçirilib. 2023-cü ilin ən yadda qalan hadisələrindən biri isə heç şübhəsiz, 19-20 sentyabr antiterror tədbirlərindən cəmi 4 gün sonra Xankəndi və digər ərazilərin Azərbaycan enerji sisteminə qoşulması olub. Qeyd edək ki, 2023-cü ildə işğaldan azad edilən ərazilərdə "AzərEnerji"nin 9 elektrik stansiyasının tikintisinə başlanılıb və hazırda həmin 9 stansiya da daxil olmaqla Qarabağ və Şərqi Zəngəzurda 12 yerdə ekoloji cəhətdən təmiz "yaşıl enerji" istehsal edəcək su elektrik stansiyalarının tikintisi davam edir və onların bir neçəsində işlər tamamlanıb. Bu, 12 stansiyanın isə 2024-cü ildə istismara verilməsi nəzərdə tutulub.

2023

xəbərlər

ru_AZ

ses, qarabağ, işğaldan azad edilmiş ərazilər