https://sputnik.az/20231220/azal-bakidan-pekine-ucuslara-baslayib-461432580.html
AZAL Bakıdan Pekinə uçuşlara başlayıb
AZAL Bakıdan Pekinə uçuşlara başlayıb
Sputnik Azərbaycan
Bakıdan Pekinə və əks istiqamətdə uçuşlar həftədə iki dəfə yerinə yetiriləcək. Bu, AZAL-ın uçuş coğrafiyasında hazırda ən uzaqməsafəli uçuşdur. 20.12.2023, Sputnik Azərbaycan
2023-12-20T11:28+0400
2023-12-20T11:28+0400
2023-12-20T11:28+0400
cəmiyyət
azal
pekin
çin
dövlət turizm agentliyi
https://cdnn1.img.sputnik.az/img/07e5/0c/1b/437638320_0:312:3000:2000_1920x0_80_0_0_048c113f0d75911bad63458795e3ef73.jpg
BAKI, 20 dekabr — Sputnik. Azərbaycanın milli aviadaşıyıcısı olan AZAL Bakı-Pekin-Bakı marşrutu üzrə müntəzəm uçuşlara başlayıb. Dekabrın 19-da axşam saatlarında Bakıdan qalxan ilk təyyarə yerli vaxtla dekabrın 20-də səhər saat 7 radələrində Pekinin "Paytaxt" beynəlxalq hava limanına eniş edib. Bakıdan Pekinə və əks istiqamətdə uçuşlar həftədə iki dəfə yerinə yetiriləcək. Bu, AZAL-ın uçuş coğrafiyasında hazırda ən uzaqməsafəli uçuşdur. Bakı-Pekin istiqamətində ilk uçuş münasibətilə Pekinin "Paytaxt" beynəlxalq hava limanında keçirilən mərasimdə çıxış edən AZAL-ın icraçı direktorunun birinci müavini Nazim Səmədov, Pekin aeroportunun icraçı direktoru Tan Çüəncun iki paytaxt arasında uçuşların başlanmasının qarşılıqlı olaraq səyahətlərə artan tələbatın ödənilməsi, habelə Azərbaycan ilə Çin arasında dinamik inkişaf edən əlaqələrə töhfə məqsədi daşıdığını bildiriblər. Azərbaycanın Çindəki səfiri Bünyad Hüseynovun da iştirak etdiyi tədbirdə qeyd olunub ki, Bakı-Pekin-Bakı reysləri iki ölkə arasında turizmin inkişafına və turist axınının artırılmasına töhfə verəcək. Zəngin mədəni irsi, rəngarəng təbiəti, qədim və müasir memarlığı olan Azərbaycanda son illər turizm sənayesi böyük inkişaf yolu keçib, turizm xidmətlərinin yüksəldilməsi istiqamətində əhəmiyyətli işlər görülüb, nəticədə ölkəmiz dünyanın müxtəlif bölgələrindən olan səyahətçilərin populyar turizm məntəqəsinə çevrilib. Çin də Azərbaycan üçün əsas turizm istiqamətlərindən biridir. Pandemiyanın səngiməsindən sonra iki ölkə arasında turist səyahətlərinin sayında artım müşahidə olunur. Bundan başqa, pandemiyanın səngiməsindən və Çində beynəlxalq uçuşların bərpasından sonra çinli turistlərin xaricə səfərləri də sürətlə çoxalır. Belə bir şəraitdə AZAL-ın Bakı-Pekin-Bakı marşrutu üzrə uçuşlara başlaması vaxtında atılan addımdır. Diqqətə çatdırılıb ki, tələbat artacağı təqdirdə, həftəlik uçuşların sayının çoxaldılması da planlaşdırılıb. Bundan başqa, AZAL-ın gələcəkdə Çinin daha bir neçə iri şəhərinə müntəzəm uçuşlara başlaması nəzərdə tutulub. Qeyd edək ki, noyabrda Azərbaycanın milli aviadaşıyıcısı AZAL, Dövlət Turizm Agentliyinin tabeliyindəki Azərbaycan Turizm Bürosu və "China Tourism Group" arasında turizm sahəsində strateji tərəfdaşlığa dair Anlaşma Memorandumu imzalanıb. Memorandum çərçivəsində Azərbaycanda yeni turizm məhsullarının yaradılması, onların təşviqi, həmçinin onlayn və əyani şəkildə müxtəlif tədbirlərin təşkili üzrə birgə işlərin görülməsi nəzərdə tutulur.
Sputnik Azərbaycan
media@sputniknews.com
+74956456601
MIA „Rosiya Segodnya“
2023
Sputnik Azərbaycan
media@sputniknews.com
+74956456601
MIA „Rosiya Segodnya“
xəbərlər
ru_AZ
Sputnik Azərbaycan
media@sputniknews.com
+74956456601
MIA „Rosiya Segodnya“
Sputnik Azərbaycan
media@sputniknews.com
+74956456601
MIA „Rosiya Segodnya“
azal, pekin, çin, dövlət turizm agentliyi
azal, pekin, çin, dövlət turizm agentliyi
AZAL Bakıdan Pekinə uçuşlara başlayıb
Bakıdan Pekinə və əks istiqamətdə uçuşlar həftədə iki dəfə yerinə yetiriləcək. Bu, AZAL-ın uçuş coğrafiyasında hazırda ən uzaqməsafəli uçuşdur.
BAKI, 20 dekabr — Sputnik. Azərbaycanın milli aviadaşıyıcısı olan AZAL Bakı-Pekin-Bakı marşrutu üzrə müntəzəm uçuşlara başlayıb.
Dekabrın 19-da axşam saatlarında Bakıdan qalxan ilk təyyarə yerli vaxtla dekabrın 20-də səhər saat 7 radələrində Pekinin "Paytaxt" beynəlxalq hava limanına eniş edib. Bakıdan Pekinə və əks istiqamətdə uçuşlar həftədə iki dəfə yerinə yetiriləcək. Bu, AZAL-ın uçuş coğrafiyasında hazırda ən uzaqməsafəli uçuşdur.
Bakı-Pekin istiqamətində ilk uçuş münasibətilə Pekinin "Paytaxt" beynəlxalq hava limanında keçirilən mərasimdə çıxış edən AZAL-ın icraçı direktorunun birinci müavini Nazim Səmədov, Pekin aeroportunun icraçı direktoru Tan Çüəncun iki paytaxt arasında uçuşların başlanmasının qarşılıqlı olaraq səyahətlərə artan tələbatın ödənilməsi, habelə Azərbaycan ilə Çin arasında dinamik inkişaf edən əlaqələrə töhfə məqsədi daşıdığını bildiriblər.
Azərbaycanın Çindəki səfiri Bünyad Hüseynovun da iştirak etdiyi tədbirdə qeyd olunub ki, Bakı-Pekin-Bakı reysləri iki ölkə arasında turizmin inkişafına və turist axınının artırılmasına töhfə verəcək.
Zəngin mədəni irsi, rəngarəng təbiəti, qədim və müasir memarlığı olan Azərbaycanda son illər turizm sənayesi böyük inkişaf yolu keçib, turizm xidmətlərinin yüksəldilməsi istiqamətində əhəmiyyətli işlər görülüb, nəticədə ölkəmiz dünyanın müxtəlif bölgələrindən olan səyahətçilərin populyar turizm məntəqəsinə çevrilib. Çin də Azərbaycan üçün əsas turizm istiqamətlərindən biridir. Pandemiyanın səngiməsindən sonra iki ölkə arasında turist səyahətlərinin sayında artım müşahidə olunur. Bundan başqa, pandemiyanın səngiməsindən və Çində beynəlxalq uçuşların bərpasından sonra çinli turistlərin xaricə səfərləri də sürətlə çoxalır. Belə bir şəraitdə AZAL-ın Bakı-Pekin-Bakı marşrutu üzrə uçuşlara başlaması vaxtında atılan addımdır.
Diqqətə çatdırılıb ki, tələbat artacağı təqdirdə, həftəlik uçuşların sayının çoxaldılması da planlaşdırılıb. Bundan başqa, AZAL-ın gələcəkdə Çinin daha bir neçə iri şəhərinə müntəzəm uçuşlara başlaması nəzərdə tutulub.
Qeyd edək ki, noyabrda Azərbaycanın milli aviadaşıyıcısı AZAL, Dövlət Turizm Agentliyinin tabeliyindəki Azərbaycan Turizm Bürosu və "China Tourism Group" arasında turizm sahəsində strateji tərəfdaşlığa dair Anlaşma Memorandumu imzalanıb. Memorandum çərçivəsində Azərbaycanda yeni turizm məhsullarının yaradılması, onların təşviqi, həmçinin onlayn və əyani şəkildə müxtəlif tədbirlərin təşkili üzrə birgə işlərin görülməsi nəzərdə tutulur.
