https://sputnik.az/20231213/azerbaycan-konullulerinin-vi-hemreylik-forumu-kecirilir-461288246.html

Azərbaycan Könüllülərinin VI Həmrəylik Forumu keçirilir

Azərbaycan Könüllülərinin VI Həmrəylik Forumu keçirilir

Sputnik Azərbaycan

Gənclər və idman naziri Fərid Qayıbov Prezident İlham Əliyevin Forum iştirakçılarına müraciətini səsləndirib. 13.12.2023, Sputnik Azərbaycan

2023-12-13T17:10+0400

2023-12-13T17:10+0400

2023-12-13T17:10+0400

forum

cəmiyyət

könüllü

gənclər fondu

https://cdnn1.img.sputnik.az/img/07e5/0b/07/434970982_0:103:2000:1228_1920x0_80_0_0_95f7c6a9c39283db2e4c98a2f206b2da.jpg

BAKI, 13 dekabr — Sputnik. Bakı Konqres Mərkəzində Ümummilli Lider Heydər Əliyevin 100 illiyinə həsr olunan və ölkədə fəaliyyət göstərən 3 minə yaxın Azərbaycan könüllüsünü bir araya toplayan "Azərbaycan Könüllülərinin VI Həmrəylik Forumu" keçirilir. Forum Azərbaycan Respublikasının Gənclər Fondu, Azərbaycan Respublikasının Gənclər və İdman Nazirliyi, "ASAN xidmət"in təşkilati dəstəyi və Azərbaycan Könüllü Təşkilatları İttifaqının (AKTİ) təşkilatçılığı ilə 5-19 dekabr tarixlərində keçirilən "Azərbaycan Könüllülük Həftəsi 2023" çərçivəsində təşkil olunub. Könüllülərin il ərzində göstərdikləri nəcib fəaliyyətləri diqqət mərkəzində saxlamaq və onlara təşəkkür etmək məqsədilə təşkil edilən Forum Karyera Sərgisi ilə başlayıb. Sərgi zamanı könüllülər 40-a yaxın müxtəlif yerli və xarici şirkətlərin iş imkanları barədə ətraflı məlumat əldə ediblər. Forumun rəsmi açılışında ilk öncə Azərbaycan Respublikasının Dövlət Himni səsləndirilib, daha sonra Ulu Öndər Heydər Əliyevin və bütöv Azərbaycan uğrunda canından keçmiş qəhrəmanlarımızın əziz xatirəsi ehtiram və qürur hissi ilə yad edilib. Gənclər və idman naziri Fərid Qayıbov Prezident İlham Əliyevin Forum iştirakçılarına müraciətini səsləndirib.Digər maraqlı xəbərləri həmçinin Sputnik Azərbaycan-ın Teleqram kanalından izləyin.

2023

xəbərlər

ru_AZ

forum, könüllü, gənclər fondu